شي يفقع المراره كرهتنا الجمعات العائليه الله لا يبلانا بما بلاها

السسسسسسلام عليكم

عندي مشكله مع احد قريباتي اكره الصفات اللي فيها اللي صارت باغلب مجتمعنا


بنات موضوعي بخصوص بعض اللي فيهم عقد ونقص وغاثينا بهالحياة

مثال : يقولك مايغتر الا اللي فيه نقص وهذي المقوله آنا مؤمنه فيها 100٪

النوعيه الاولى

مثلا عندنا امثله بالعايله شينات استغفر الله :icon810: ولا اخلاق بعد :redface: خياسة نفس
وفوق ذا كله غروووووور :06:

آشق جيبي انا ياااااااااه شعليه طيب ولا مروا قدامك رافعين الخشم فوق كنهم شامين ريحة خايسه ولله لاجيتي للجسم لا جسم ولا جمال ولا اخلاق وزود على الحمى لوعه


انا اقول الله يشفيهم هالنوعيه



انا اشوف جميلات ماشاء الله ونعومه وماتطيح عينك منهم ومن حلاوتهم وش تواضع واخلاق
يحببونك فيهم زود بينما النوعيه الاولى لاشافتهم تكررهم كره بدون مقدممات او اسباب



انا شخصيا من النوع اللي كل من شافني شهق بجمالي ومدح وكلام بس انا شخصيا اشوفني عاديه بصراحه بياض ونعومه بس ماتوصل للجمال اللي يشوفونه وغير كذا ماعمري رفعت خشمي على احد ولا خيست نفسي عليهم لاني عارفه من اكون ماني ساذجه صراحه


:D الان بدخل بالموضوع

وهذا اللي دابل كبدي في وحده قريبتي مررره مررره
علاقتنا كانت قوية جدا والحال واحد وحبايب
بس كان في فرق بينا بالمستوي الاجتماعي

يعني كنا سفرات لاوربا ولبس واهتمام وتعليم الحمدلله
وحتي هي ماكان عليها قاصر اهلها خير ماشاء الله واكثر من اهلنا بعد
انا واللبنات اللي معي بس البخل بدمها يمشي الله يعافينا

هي كانت قرويه وحالتها حاله ماتهتم بنفسها وكنا ننهيها عن الصفه هذي بالمختصر رفله
حتى الذوق معدوم وتروح تشتري ارخص شي وماتكشخ ولا تفكر انها تكشخ حتى
بوقت اللي كن حنا فيه نكشخ ومهتمين جدا
عنست البنت ماحد خذاها ويوم تزوجت
الانسانه انقلبت علينا 180 درجة ؟


صارت رافعه خشمها علينا تجي تقعد معنا ماتتكلم الا عن الماركات وشانيل ولويس فيتون ووو الخ
:biggrin: هذا لا قالو لك انسانة حدديثه نعمه
بس تطالعنا من فوق لتحت تشوف شلابسين وش ملبسين عيالنا
بس شوفوا لبس بنتي شريته من المكان الفلاني ومبالغ خياليه يابنات
احنا شخصيا مانصرفها على اشيا تافهه

الله يرحم اول يوم كانت <<<<<<< مابي احش
لاحد يقولي حشيتي وخلصتي لا انا ابي اوصل لكم المشكلة

صايره لا تطاق صرنا لمى نجتمع تضيق علينا وربي
صدري صار يضيق اكره الناس اللي كذا
صراحه انا انسانه اتصرف بعفويه ولبس مرتب وانيق وشايفه خير ماتوصل فيني
ادور بكبر المجلس على وحده وحده شفتي ساعتي الفرزاتشي شفتي وتفشخر علينا
واحنا ساعاتنا رولكس ؟؟؟؟ يعني اذبح نفسي

هي عميا ولا هبله ولا تستهبل
غرووور اعوذ بالله عشان كذا اقولكم مايغتر الا اللي فيه نقص
وفوق ذا كله تقارن بين عيالنا وعيالها وهذا اللي يرفع الظغط
عيالها اقل من عاديين لانها ماخذا برى العايله

عيالنا حلوين وجمال ومانمدحهم ولا نقارنهم بعيالها

هي بكل ثقه عيالي وعيالي
واللي معور قلبي خواتها كرهتهم عيشتهم صار بينهم حزازيات بسبب تصرفاتها
مساكين يعورون قلبي تتفشخر عليهم وتعرفون اللي تتكلم بثقه انا بنتي ابوها مايرضى البسها عادي
هذي الجوود بنت ابوها مو اي احد يعني كنها تقول مو بناتكم

اللي ابي اوصله لكم ضاقت صدورنا لاعت كبودنا غاثتنا ، ونقاله كلام
تنقل كلام فوق صفاتها الشينه كلها
شالحل ؟ شلون نفهمها بطريقه غير مباشره ان احنا هل مافي داعي لحركات هذي

كلنا بخير والحمدلله حركات نفسيات ماشافوا خير مانبي