witty&pretty

witty&pretty @wittyamppretty

محررة فضية

موضوع لكل مبتدئة في المكياج بعض النصايح المفيدة. وتراني احبكن كلكن

المكياج والعطور

بسم الله الرحمن الرحيم

كل عام وانتم بخير
اسال الله ان يجعلنا ممن يصوم رمضان ويقوم ايمانا واحتسابا وان يجعلنا فيه من المقبولين

موضوعي اليوم فقط للمبتدئات جدا في الميك اب وللي مالها خلق لفلفه وبحث ووجع راس وللي ميزانيتهم متوسطة.
يعني مو تجي وحدة وتقول يااي وش ذا الموضوع اللي ماله داعي تسوي يعنني انا المحترفة الكشخة اللي مهنا اكوس مني :bkh:
هاااه انتبهوا اصلحني الله واياكم شوفوني اهدد :angry2: خخخخ
فيه تفاصيل كثير اعملها انا شخصيا ماكتبتها لانها تعتبر ثانوية وهنا كتبت الاساسيات فقط وبسطتها كمان لان فيه بنات يحتاجون يعرفون الف باء الميك اب كبداية بعدين باذن الله ينطلقون للاحتراف.
الموضوع كتبته على عجل لكن ابرز المنتجات لونتها بالاحمر علشان يسهل عليكم.

نبدأ بسم الله

اول شي قبل الميك اب لازم بشرتك تكون مهيأة
فلازم تقشرينها اول بأول
احسن شي للتقشير شوي زيت زيتون مع شوي سكر تصير خلطة شوي ثقيلة وماتسيل
تفركين بخفة وجهك ثم تغسلينه بغسول بعدين خلي وجهك ينشف بنفسه لا تنشفينه لان الموية تفيده.
هذا المقشر لا تسوينه كثير سويه في الشهر مرة.
لكن يوميا او ماتصحين من النوم اغسلي وجهك بغسول.
اشتري غسول من شركة كلين اند كلير يناسب بشرتك واشتري كمان من نفس الشركة غسول مقشر متوفر في كل الصيدليات.
الغسول العادي تستخدمينه كل يوم اما الغسول المقشر تستخدمينه يوم ايه ويوم لا.


طيب عندك مناسبة وتبغين تحطين ميك اب
اغسلي وجهك بمقشر كلين اند كلير.
بعدين خلي وجهك ينشف ثم حطي كريم مرطب انصحك بكريم اولاي بخلاصة اوراق التوت حلو متوفر في الصيدليات.
وترا البشرة المختلطة ماتحتاج ترطيب كثير بس حطي نقط وادهني وجهك بشويش.

بعدين حطي البيس وش البيس؟
هو منتج مثل الجل شفاف تحطينه قبل الاساس يهيأ بشرتك وينعمها
ويشدها ويخليها مستوية>> حلوة مستوية كيكة ذي
اقصد يخفف من شكل الحفر وغيرها من المشاكل.
فيه اشكال وانواع من البيس فيه اللي مخصص للازالة لمعة الوجه فيه مخصص لشد التجاعيد وغيره
خذي اي ماركة تناسبك اطلبي المحل قولي ابغا بيس طلع لي كل الانواع وخليه يشرح لك وخذي المناسب.
المهم حطي نقط على وجهك بعدين ادهني.

اذا جف البيس حطي الاساس البنات اللي عندهم حبوب افضل اساس اسمه ديرما كول


جربت من كل الماركات حتى الغالية ماناسبني ولا غطا لي الحبوب الا هو
تراه ثقيل مرة .
طبعا لازم تاخذين درجة اللون اللي تناسبك والمحل اطلبيه يعطيك تستر يعني عينه تجربين اللون المناسب
وعلى فكرة فيه مجموعتين مجموعة يكون الاساس على وردي ومجموعة ثانية بيج
انتبهي تاخذين الوردي مرره مو حلو
خذي من مجموعة البيج وشوفي درجة اللون المناسب.
اذا ماحبيتيه خذي اي اساس يناسبك فيه ماركات كويسة وسعرها معقول مثل :
MAKE UP FOR EVER
MAC
KRYOLAN

بعد ماوزعتي الاساس حطي بودرة من شركة ريميل RIMMEL اسمه Stay Matte pressed powder



كيف تحطين البودرة ؟ تشترين فرشة كبيرة من اي ماركة زي ذي


بعد ماتاخذين بالفرشة شوي بودرة اضربي الفرشة ضربة خفيفة علشان تروح البودرة الزايدة
وبعدين وزعي البودرة على وجهك كله.

بعدين تروحين للعين وتحطين الاي شادو فيه ماركات كثير انصحك بـماركة ماك MAC
حلوة وعندهم باليتات روعة في الوان بتعجبك زي ذي



وفيه ماركات كثير اذا مالقيتي ماك فيه من بودي شوب ومكياجي وغيره بس افضل تشترين بليت palette يعني علبة فيها عدة الوان.
في شادوات فيها شيمر يعني لماعيه مخملية هذي تصلح للسهرات وفيه شادوات عادية مطفية هذي للمناسبات النهارية اشتري بليت صغير شيمر للسهرات وبليت ثاني مطفي للنهار.
المهم حطي الشادو اللون اللي تحبين وفي البداية خليه رسمه بسيطة مجرد تلوين للجفن وبلون واحد اكشخ
و بعدين تدربي اكثر واكثر انك تحطين 2 وتدمجين افتحي اليوتيوب فيه كثير مقاطع تعليمية

بعدين اذا حابة تحطين اي لاينر فيه ماركة ماكس فاكتور كويسة
بس فيه نقطة مهمة اطلبي المحل يعطيك اي لاينر غير مضاد للماء قولي له ماابغا waterproof
لان اللي مضاد للماء مرة مو حلو ويجي يلمع لا تاخذينه خذي عادي.
المهم ارسمي الرسمة اللي تحبين مثل ماقلت لك تدربي كثير في الايام اللي فاضية خبصي وحطي وامسحي الى ان تتقنين رسمة كيف تعلموا المحترفات كذا يتدربون كل يوم يخطئون ويصححون الى ان تعلموا واصبحوا محترفات .
بعدين ارسمي بكحل من جوا اسود خذي كحل MAYBELLINE حلو ومايسيل.

تحت رموشك السفلى اذا حابه ارسمي بكحل ملون اي لون تحبين مثلا اذا حطيتي اي شادو وردي فاتح حلو ترسمين من تحت خط خفيف بكحل ازرق واذا مثلا حطيتي شادو اورانج فاتح او خوخي ارسمي خط خفيف تحت بكحل تركواز او اخضر ميتاليك عندي اقلام كحل الوان كثير من ماركة مو معروفة اسمها silver moon
تلقينها في محلات المكياج الصغيرة او الاكشاك خذي ازرق واخضر ميتاليك وابيض كفاية
الابيض اذا عيونك صغيرة يكبرها كيف؟
بدل ترسمين بكحل اسود جوا العين ارسمي بالكحل الابيض جوا العين يكبرها مرة.

بعدين نجي للرموش افضل ماسكارا على الاطلاق هي ماركة MAYBELLINE
فيه انواع شي سواده 100% وشي يطول الرموش وشي يكثف الرموش



هذول الثلاثة كلهم جربتهم وكلهم حلوين اختاري اللي تحبين وخذيه

بعدين نجي للحواجب تكفين لا تاخذين منها ولا شعره وحده ولا تلعبين فيها.
فيه البعض بيقول لك الشيخ الفلاني قال يجوز التخفيف منها للضرورة
والشيخ الفلاني قال ماادري ايش.
لا لا خليها زي ماهي فقط ارسميها على نفس الخلقة اللي خلقها الله
في كحل خاص بالحواجب اسمه تاتو في شركات اختاري اما Make up for ever



هذا غالي شوي فيه ارخص بس مو معروف وتلقينه في محلات المكياج الصغيرة
اسمه BRETTY
تقريبا نفس شكل اللي فوق وامريكي بس ارخص
ارسمي حواجبك بالفرشة اللي معه
بس فيه نقطة مهمة جدا جدا خذي بني فاتح انتبهي تاخذين اسود حتى لو شعرك اسود فاحم لاتاخذين تاتو الحواجب اسود راح يعطيك مظهر يخرع.

الان نجي للبلشر او احمر الخدود افضل احمر خدود هي ماركة برجوا BOURJOIS

انصحك تاخذين وردي فاتح وخوخي فاتح في البداية كفاية لان هذول الاثنين تقريبا تقريبا ينفعون لكل الوان الميك اب
يعني لو بتحطين روج اورانج او نيود ( لحمي ) او الوان ترابية او بني ينفع معهم البلشر الخوخي
لو بتحطين روج احمر او وردي بجميع درجاته ينفع البلشر الوردي
وبعدين اذا تبغين تزيدين زيدي.
تحطين البلشر بالفرشاة الكبيرة اللي فوق.

بعدين نجي للروج افضل الماركات عندي هم
MAC
و
NIVEA
و
RIMMEL

وخلاص خلصنا وروحي مناسبتك وتدلعي وبتطلعين احلا بنوته ويقولون عنك وش هالقومر اللي نزل علينا . :40:
ونسيت اقول لكم
تراني احبكن كلكن :biggrinlo

لا تنسوني من دعواتكم ادعوا ان الله يبلغني ليلة القدر وان يجعلني فيه من الفائزين المقبولين.
38
11K

يلزم عليك تسجيل الدخول أولًا لكتابة تعليق.

تسجيل دخول

witty&pretty
witty&pretty
هذي بعض النصايح كتبتها لبنوته سألت عن اللوك النعوم الكيوت وطلبت منا اقتراحات

اختاري الملابس النعومة والالوان الفاتحة البنوتية مثل البينك الفاتح والوردي بدرجاته الليموني الفاتح الخوخي الفاتح
والوان الباستيل كلها تقوطر دلع ونعومة
هذي هي الوان الباستيل

واختاري فساتين طويلة ترا مو صحيح ان القصيرة هي الاناقة
لا خطأ الطويلة انوثة اكثر
كذلك الميك اب له دور في انه يخليك نعومة
خليك على الالوان اللي قلت لك عليها فوق
وابعدي عن الالوان الغامقة والاسود والاحمر وغيره
مرة تكبر في العمر وتعطي مظهر جامد
اعطيك لوك حلو
الظل اورانج فاتح او خوخي فاتح ادمجيه مع ذهبي فاتح
خط الرموش السفلي ارسمي بكحل اخضر ميتاليك او تركواز
وكثري ماسكارا طبقات كثيرة
احمر الخدود بيتش يعني خوخي فاتح
هذا اللون البيتش الخوخي اللي اقصده


الروج اما خوخي او اورانج رااايق مو فاقع
وبس تمتعي بلوك يقوطر دلع
عبيراليمن2
عبيراليمن2
مشكوووووووووورة جداااااااااا جزاك الله خيييررررررررررر
فلوةالحلوة
فلوةالحلوة
ربي يسعدك والله ويبلغك ليلة القدر ويجزاك كل خير
ركايز
ركايز
لااله الا الله
يعطيك العاافيه مووضع راائع يالغلا
العمرفاني
العمرفاني
لااله الا الله يعطيك العاافيه مووضع راائع يالغلا
لااله الا الله يعطيك العاافيه مووضع راائع يالغلا
افضل ماركة ماسكارا