السلام عليكم
يا اخوات انا عندي ولدين وبنت
بعد بنتي جلست 6 سنين باللولب عشان ظروف بنتي الصحيه ( كانت محتاجه رعايه خاصه فقلت اكبرها شوي واحمل )
بعد ما شلت اللولب اخذت حبوب منع حمل تقريبآ 4 شهور ( حبوب الحمل اللي ياخذوها المرضعات ) وطبعآ بدون استشارت الطبيب
لانه صادف فرح ولد زوجي وانا اللي مربيته وانا اللي قايمه على فرحه خفت احمل واتعب
المهم يا اخوات .. بعدها بفتره جلست انتظر احمل
وكل شهر اقول يمكن الشهر دا احمل
ومرت الشهور ..ومافيه حمل حسيت الوضع غريب وانه فيه مشكله
رحت المستشفى .. وعملتي الدكتوره سونار ولقيت حجم البويضه صغيره
اعطتني كلوميد كم شهر اخذ كلوميد والوضع على ماهو عليه تكبر البويضه وتنزل كم بويضه ومافيه حمل
وسرت اغير كل كم شهر " من دكتوره لـ دكتور وهكذآ "
و4 سنين وانا بين كلوميد وابر التنشيط وكلوفاج وحمض الفوليك واشعة الصبغة وتحليلات ليا ولزوجي ... والله ما اراد يسير حمل
السنه اللي فاتت .. وقفت عن الدكاتره .. واخذت دوش ومرميه وحملت جلست اقل من شهر وسقطت
رجعت مره ثانيه لدكاتره .. وعلى نفس الابر والكلوميد
اخر دكتور رحتله في مستشفى سمير عباس ... اعطاني حبوب فيمارا وبيبي اسبرين وحمض الفوليك وفيتامين E
وقال عندي ارتفاع في هرمون الحليب .. وضعف في بطانة الرحم
بعد ما اخذت الدوا وحسيت ان الادويه ما بتفيدني .. بالعكس .. وزني رايح يزيد من الابر
فقلت بوقف .. واروح للاعشاب اسوي لنفسي خطة علاج
ولا دكاتره ولا شي
وقررت .. مع نفسي اخذلي كورس 3 اشهر ادور في النت واعلج نفسي بنفسي
بعد اللجوء اللى الله ... بـكثرت الدعاء والاستغفار
وبديت ابحث في النت
اول وصفه كانت في ايام الدوره
لتنظيم الدوره
محاريب + خله بلدي محله بعسل اسمر
3 مرات في اليوم قبل الاكل
اخذت الوصفه من هـ المقطع
الوصفه الثانيه
بعد ما خلصت الدوره
ملعقه مرميه + ملعقه دوش + 2 عود رجل الاسد
احطهم في ترمس واغلي الماء واصبه عليهم واجلس اشرب منهم طول اليوم .. اقل شي مرتين في اليوم وبدون سكر او عسل وجلست اشربها الين قبل موعد الدوره بأسبوع
الشي الثالث
كمان بعد ما خلصت الدوره ... كنت اخذ كل يوم ربع ملعقة قسط هندي ع الريق اسفها سف وبعده اشرب مويه .. وحتى القسط الهندي جلست اخذه
الين قبل الدوره بـأسبوع
كمان بعد الدوره لمدة 3 ايام
كنت اسوي تحميلت
المره +المحلب + ملح فارسي مخلوط بالعسل
على اساس اسوي الحجامه بعد الدوره مباشره بس جاني ظرف وما مدني
فسويتها يوم 13 من الدوره
ووالله يا اخوات انه افرزات التبويض سارلي شهور ما شفتها لما سويت الحجامه
نزلت عليا افرزات التبويض " وانتم بكرامه " مره كثير
اخر دوره كانت يوم 9 شعبان
انتظرتها يوم 7 رمضان
لان دورتي في الغالب تتقدم يومين
انتظرت يومين وسويت تحليل والحمد لله طلعت حامل
وطبعآ ما ننسى الاستغفار والدعاء والتوكل على الله من اهم الامور
الله يسعدكم ادعولي انه الله يثبت حملي ويكون سليم
وصالح
ارجو رفع الموضوع بدعاء او بذكر الله حتى يستفيدوا الاخوات
ووالله يكتبلنا ويكتبلكم الاجر
واسفه ع الاطاله
MOONشدو @moonshdo
عضوة نشيطة
يلزم عليك تسجيل الدخول أولًا لكتابة تعليق.
مآشاءالله الله يتمم حملك على خير
معليشش وش الدوش
وماهي الاماكن اللي سويتي لها الحجامه من جسمك والله يبارك فيك
معليشش وش الدوش
وماهي الاماكن اللي سويتي لها الحجامه من جسمك والله يبارك فيك
MOONشدو
•
مآشاءالله الله يتمم حملك على خير معليشش وش الدوش وماهي الاماكن اللي سويتي لها الحجامه من جسمك والله يبارك فيكمآشاءالله الله يتمم حملك على خير معليشش وش الدوش وماهي الاماكن اللي سويتي لها الحجامه من جسمك...
ااحنا اهل المدينه نقوله الدوش
ويقلوله كمان البردقوش تلاقيه عند العطار
.,.
الاماكن اللي سويت فيها الحجامه ..في الظهر " تقول الحاجمه " هذي الاماكن الموصى بها في السنه
وفي مكان في الظهر معين تقول هذا عشان هرمون الحليب
وسوتلي 3 كاسات اسفل البطن تقول هذي عشان مشاكل الرحم و المبايض
الحجامه جاتني للبيت و سوتلي
على اساس اروح المركز حق الجامه اسويها
والمختصه اللي بالمركز قالت بتسولي في اعلى الصدر
عشان هرمون الحليب
بس اللي جات للبيت .. سوتلي هي في منطقه معين في الظهر ولما سألتها على كلام المختصه اللي رحتلها في المركز قالت فوق الصدر تتعمل اذا كان فيه الم او فيه مرض في الصدر
.,.
ويقلوله كمان البردقوش تلاقيه عند العطار
.,.
الاماكن اللي سويت فيها الحجامه ..في الظهر " تقول الحاجمه " هذي الاماكن الموصى بها في السنه
وفي مكان في الظهر معين تقول هذا عشان هرمون الحليب
وسوتلي 3 كاسات اسفل البطن تقول هذي عشان مشاكل الرحم و المبايض
الحجامه جاتني للبيت و سوتلي
على اساس اروح المركز حق الجامه اسويها
والمختصه اللي بالمركز قالت بتسولي في اعلى الصدر
عشان هرمون الحليب
بس اللي جات للبيت .. سوتلي هي في منطقه معين في الظهر ولما سألتها على كلام المختصه اللي رحتلها في المركز قالت فوق الصدر تتعمل اذا كان فيه الم او فيه مرض في الصدر
.,.
الصفحة الأخيرة
الله يتمم لك على خير وتفرحين فيه يارب