اااااه يابنات توني جايه من بيت طبينتي>>اكتفي من الردود

يابنات بموووووت بموووووووت فيني ناااااااااار مشتعله بقلبي بموووووووووووووووووووووووت لي ساعه ابكي على سجادتي ماتوقعت اني كذا اغاااار على زوجي بموووووووت يابنات وش اسوي بنفسي قسم بالله لو الانتحار موحرام كان انتحرت كررهت كل شي
تذكروني تذكرون قصتي اني نفسي ومنى عيني ارجع لطليقي ابوبنتي ياناس ماقد حبيت مثله ولاظن ألقى رجال يحبني كثره
وهو تزوج توه متزوج له شهر ونص تقريبا او شهرين
المهم تيسرت موافقة ابوي وملك علي ويدور على بيت
ودق على الوالد يستأذنه ياخذني انا وبنته نشوف بيت ونتمشى قبل اربع ايام ورحنا معاه ماتصدقون وش كثر شوقي له وشوقه لي
ودايم يردد انتي كل شي فيك عاجبني ماظن اسعد وارتاح مع حرمه غيرك تمشينا واخذنا عشانا بعد العشاء ورحنا لبيته بيت العروس الي هو كان بيتي كان جديد سكنته شهر وانفصلنا ودخلت مع باب الرجال يودي لمجلس الرجال وقالي تعالي في مجلس الحريم ورفضت اروح للقسم الثاني لأني بمر المطبخ وبمر غرفة النوم وحمام الحريم والصاله حسيت انه عيب وبنفس الوقت حسيت اني ماتحمل لو اشوف لزوجته شي في البيت الي كان لي ومع ان بنتي تروح تلعب لصاله لكن مافكرت ألحق وراها 
المره الثانيه اليوم طبعا هو يمرني اذا وداها لاهلها وبوقت الاجازه طلعنا معه اليوم وودانا لبيته وفتح باب الحريم قال مجلس الرجال مونظيف وفيه كركبه وفراش ولد عمي جاي من الديره ودخلت معه لمجلس الحريم انقهرررررررررت شفت شبشبها عند باب المجلس وفيه جزمات لها والمجلس فيه سجادتها وجلال الصلاه تصلي بنفس المكان الي كنت اصلي فيه
وحاطه الكوايه على سجادتي لأني انا ماخذت معي سجادتي وجلالي وهو حاط الجلال على شباك السيب قلت له هي ماتغار لوانا كان قطعت الجلال والسجاده 100 قطعه اجل اشوف جلال حرمه قبلي واتحمل
وطلب مني اسوي قهوة ورحت للمطبخ اااااه يابنات فيه اواني كثيره وصنايا جديده انا شاريتهم قبل طلاقي وترامس انا شاريتهم واشياء كثيره عذبتني بس تماسكت وسويت نفسي مومهتمه لشي ورحت اتقهوى معاه وبعدين دخلني معاه اجواء محبه وشوق ووداني لغرفة النوم وصار الي صار على السرير وشفت روبها معلق بجنب السرير
واشوف عطوراتها على التسريحه الي كانت عطوراتي عليها وعليها كريم يدين نفس كريمي حسيت بناااار بصدري وأصر علي اني اتسبح قبل اطلع من البيت وعطاني استشوارها اجفف شعري انقهرت يوم شفت استشوارها بيده والله يابنات وهو يتسبح رحت اركض للمغاسل استفرغ وانقهرت يوم شفت صابون جسمها في الحمام الي كانت فيه اغراضي بنات لاتجي وحده تهاوشني عشان نمت مع زوجي على سريرها حتى هو يقول بدون شعور شلتك له
وهي للحين مادرت انه رجعني بيعلمها في رمضان او بالعيد لأني بعد اول ايام العيد بكون في بيتي ان شاءالله يكون بيتي خالص
انا بكيت بالسياره قلت له انا تضايقت يوم اشوفها مستخدمه كل شي لي الاواني والغرفه قال ابشري من يشري لك كل شي جديد ماتدخلين بيتك الا هو كامل وانتي تختارينه واغراض احسن من الاغراض الأوله وقال هي دايم تقول لي انت شكلك بتزوج علي بس اهم شي العدل يقول اجوديه تبي العافيه تبي الستر تبي رجال وبيت وبس
بس المشكله فيني انا يابنات انهبلت يوم حسيت ان وحده معي على الخط على قولته اجوديه بكره بتجيني تسير علي من شفت سجادتي وجلالي قدام عينها وعادي عندها احس اني انا اللي بنهبل وهي الي بتريح وماجابت خبر لي وللغيره ومن رجعت لبيت اهلي مارديت على رسايله احس اني مغبونه مقهورة مدري اخطيت برجعتي له ماتوقعت اني اغار على زوجي كذا