مساء الخيرات... ابي رايكم ##

السلام عليكم 

مدري انتو تعرفوني والا مع نفسي 

لان من فتره كتبت مشكلتي بسبه ان زوجي ضربني ورحت لاهلي وزعلت وطلقني ثلاث بعدها رجعني على اساس انه سال شيخ!  

وعدني مايضربني 

بس جاني ضرب ومره اقول لاهلي ومره اغطي عليه علشان صورته ماتخرب مع ان هلي غسلو يدهم منه بسبه تصرفاته 

طيب اوكي حنون اوكي بس مااتهنى يبنات يادوب اليوم متصالحين بكره هواش على اتفه الاسباب 

اطنشه علشان مابي مشاكل بس برضو يجي يوقف في وجهي يقول لاتسكتين 

شافني متضايقه قال ليه متضايقه طيب تبيني دوم اضحك لامعليش انا انسان ترى 

بنتين جايبتهم على بعض وسهر وحاله معليش شويه تقدير 

مايعرف شيء اسمه اتركها في حالها لا كانه يبي الحرش

يحبني ويموت فيني بس كرهني بضربه لي صرت في الاونه الاخيره مااطيق هذاك الشيء بعد معه ياما زعلت اسبوع عند هلي وارجع حتى امي تقولي ماتهاوشتو اقولها يمه مو لهذي الدرجه وهو فعلا لازم هواش 


والله اني ماتعبته بااسواق وروحات وجيات منقهره حتى بناتي ابي العبهم واروح بهم ومو قادره 


يجي من دوامه ويلهى في نفسه صلاه مافي صلاة على فكره مايصلي علشان كذا الله مو موفقنا 

والله حتى انا اذا صرت عنده مااصلي الهى استغفر الله واستاهل 

واغاني يبنات بشكل مقرررف كرهني في الاغاني من كثر مايسمعها..انا اسمع اغاني بس مو دايم 

نصحته قالي مالك دخل فيني وشوي بيعصب علي.. يقولي صلي انتي وماعليك مني 

عايش ياكل ينام يقوم يروح الدوام يرجع يعزف عود الله يكسره وارتاح منه 

مافي عباده استغفر الله 

مقصر معاي في اشياء تقهر 

ولدت مرتين ومافي طلاعه كني ماولدت وتعبت 

مافي هدايا مثل مااسمع الا قلييييل دايم انا اللي اجيب اسوي اكشن 


مااقول انه سيء بس وش انتظر من واحد مايصلي 

ابوي الله يرحمه مارفع يده وضربني 

يجي هو يضربني طول عمري عايشه معززه مكرمه عند هلي يجي هو يهيني ليه 


اليوم اللي وداني فيه لهلي ضربني وانهرت عليه قعدت اصارخ مثل المجنونه كنت بدق على خواني بس خذ الجوال مني 

والحين انا عند هلي وماافكر ارجع له وياما هددني بالطلاق يحسبني بخاف الرزاق فوق مو هو 

ويرسلي الحين ومطنشته مو قادره انسى ضربه حركه حركه 

من هو علشان يعاملني كذا 

ماادري ليه صابره عليه 

احبه ويحبني بس وش الفايده كيف يحبني ويضربني 

ياليتني كليت حبوب ولاجبت منه عيال مايستاهلهم 

والحين ماادري وش اسوي حتى هلي مو عاجبتهم تصرفاته 


مابي اعيش معه مثل البهايم لاصلاة ولاعباده 

مليت والله