عنوان الموضوع نبذه عن سبب الكتابه مش اني معصبه..:D
صباح/مساء الناس الرايئه ..<< الرايقه يعني
يا اهلاً بالكل صغيركم وكبيركم
مغروركم ومتواضعكم << يتهمونها بالغرور ولا عليها من احد :35:
اهلا بالنكدي فيكم والي يحب السعاده والوناسه
كلامي للكل بدون استثناء ...
كيف بدايات الصيف معاكم ؟
مابتنطاق طبعا ..غبت عن اجواء الحر ورجعت لها بدون شوق <<غصبا عني رجعت :dry:
هالموسم موسم الجد والاجتهاد باسعاد النفس
موسم الدايت الصحيه..الرياضة ..التسوق <<نقطة ضعف
والاهم موسم الزيارات والوناسه والسهر طول الليل ..<<< السهر مو خوش نصيحة بس غصب عني بحبو يابابا..بحبو :04:
لكل انسان حياة ..ولكل (حياة) افراد وعناصر ومجتمع بحاله ..ولكل افراد حياه خاصة ,فيها مشاكل وهموم وامراض .. الله يعين الكل
لكن مو معناته نخلي محور حياتنا معلق بجانب الحزن والمشاكل .. وين ذاتنا ؟
وين الي تحبه انفسنا ؟
انتي مريضه ؟ فقيره ؟ مجروحه ؟ مطلقه ؟ ماتحققت احلامك؟ ماتزوجتي ؟ماخلفتي ؟ احد خذلك ؟
كلنا لابد مرت علينا هالامور لكن عندنا جوانب حلوة مانبي نشغلها ..مخلينها راكده ..لان البعض هوايته تأجيل السعاده وعدم انقاذ النفس .
امر ممل فعلا ..لما القى قسم الحياه الاجتماعية صاير قسم المشاكل الاجتماعية !!
كل وحده تدخل ملفها وتشوف مواضيعها عن الشكاوي ومشاكل الحياة !
عمرك كتبتي موضوع مفيد او فيه وناسة او يخلينا نتعرف على بعض ونعرف وجهات نظر الناس!؟
اتوقع نادرا ..
انتي مبدعه ومهما كثرت مشاكلك عندك جوانب جميلة ومفيده بشخصيتك ممكن غيرك يستفيد منها.
الحزن بالمواضيع وكتب مشاعرك الحزينه كمجرد فضفضه لنا صدقيني حاقه مش كويسه ابدا ..ليش؟
لانك توثقين حزنك بمكان ما ..
حتى لو الدنيا نستك حزنك بتجين هنا بعد سنين وتذكرينه وتطالعين ماضيك وانتي ضعيفه مجروحه ..او سخيفه نوعا ما ..
مليت من مشاكل بعض البنات ..
الي صارت لها شوفه ومازبط الوضع وجايه تتبكبك هنا !!
والي جاراتها قهروها واطالع بالردود بموضوعها للاسف اغلبها حش !!
والي مضروبه وساكته !!
والي جايه تستعطف وتبي طبطبه !!
لمتى الضعف ؟..
اكبر دليل ان الفضفضه ببعض الامور امر سخيف او لافائدة منه.. هو ان ممكن تجي للبنت الي حابه تفضفض ردود صاعقه من البنات ممكن تزيد الطين بله !
ليه ماتقوين نفسك وتبطلين تتكلمين عن حزنك ومشكلتك باسهاب !! ترا محد عالم بالحال الا رب العالمين.
دام صارت لك امور قاهره ..ليش ماتسوين عملية الاسقاط ..(وهي انك تجين تتكلمين عن مشكلتك وجروحك وبنفس الوقت تكتبين رأيك وحكمتك ووش تعلمتي من الموقف وتفتخرين بقوة شخصيتك وانك لسه تحبين نفسك وتحبين الحياه ومتمسكه بكل سخافه وبساطه ممكن تسعدك!)
هالأمر بينعكس على عقلك الباطن ويقنعك انك فعلا قوية وفيه ايجابيه بكل وضع مُر مريتي فيه ..وبتكبرين بعين نفسك وهذا الاهم .
الضعف شين ..شين ..شين
الثقافه كلمة عامه وشامله ..خلي لك ثقافه خارجه عن العاده ..ثقافه انتي وضعتيها نهج لحياتك ..
انتي بطلة بقصة حياتك .. خليك فخوره موب ضعيفه ممله تخلين الي حولك يطبطبون عليك ويشردون خوفاً من انتقال عدوه النكد لهم .
الشخص القوي الي مرت عليه ظروف قاهره ويحب نفسه ويدلعها ..تلاقين الكل حوله ومعجبين فيه والاكيد يحسبون الناس له الف حساب ..
بينما الشخص الضعيف الي يرضى على نفسه الدراما بنفسيته..الناس بتمل منه وتستهين والاكيد بيستخسرون فيه السعادة لانهم يشوفونه تعود على النكد والتحلطم ..
خذوها قاعده ..الي ينقد نفسه او حياته او غيره ..الناس تشرد منه ..التفكير بالامور السلبيه بشكل مُكثف امر يعيق عن الانجاز بأبسط الامور !!
العتب على الاخرين او رثاء الحال يخليك بين البينين ..والدليل نقطة واضحه بالحياه ..وهي الزوجه لما تستقبل زوجها الخاين بعد توبته ..
اذا استقبلته بعتب هرب منها ومل ..والاكيد بيعذر نفسه لو خانها لانها نكديه وماقدرت نعمة ان ربي هداه ورده لها!!<<اتكلم عن بعض الحالات.
لو استقبلته وقوت نفسها وبطلت العتب والتفكير المكثف بلي سواه دون فائده راح يكون معجب فيها ..بتجذبه بقوتها وصفاء نيتها ..
الشخص الايجابي عقليته ومرونته ببالي مثل الالوان الحلوة ..متنوع ومِزاجي ..مُتغير بطبيعة الحال ..لكن بنفس الوقت بقوة شخصيته مهما تلون بيظل لونه حلو ..وبسهوله يلاقي الي يناسبه..
الشخص السلبي ممل ..مكرر ..موضة قديمة ..يهربون منه الناس .
والذكيه بتلاحظ ان الشخصية الي تضحك وتدلع نفسها ياكثر الناس حولها وعندها تقريبا توازن اجتماعي يرضيها.
اتقبل ان وحده صغيره ماتعدت 20 سنه تكتب مشكلة ..لان ادرس سنها ووضعها ..باختصار ممكن القى لها عذر ..
غير كذا .. رجاءا نقحي مشاكلك واكتبي شي ممكن يسرك بعد سنين ويخليك فخوره بنفسك .
فيه طريقين لتقبل الامور بالحياة ..
يا بقوة شخصيه وايجابيه
او
بضعف شخصيه وسلبية وشي يفشل لو شفتيه او تذكرتيه بعد سنين..
تذكروا ..الى الله المشتكى ..حتى لرب العالمين اداب الدعاء ضروريه ..الطلب والرجاء دون شكر يعتبر تقصير منك لربك .
^
^
التطلُب والشكوى بالدنيا والاخرة لهم اساسيات ..
بإختصار ..
محد بيعزك اذا ماعزيتي نفسك لو بأسخف الامور ..
نمي بداخلك طاقة كامنة لتعزيز ثقتك بنفسك..حاولي ماتدورين الطبطبه من الناس..
انك تعيشين نفسك دور المسكينه طول الوقت مارح يفيدك و راح يسحب بساط فرص الحياة من تحت رجولك بمنتهى السهوله ..
ماتزوجتي ..ماخلفتي ..زعلانه من زوجك ..مضطهده بمجتمعك ..
محد نافعك كثر نفعك لنفسك ..
بطلي تخلين مشاعرك تتحكم بحياتك ..
ماتزوجتي ..عيشي حياتك معززه فخوره واذا انتهت حياتك بتكونين راضية عن نفسك ..اتوقع ابسط شي ممكن تسوينه!!
مافيه وحده من هنا بترسلك عريس بالبريد المستعجل حتى تساعدك ..!!
الحياة موب زواج وبس ..ياما ناس متزوجه وخايبه !!السعاده بصنعك جنة لنفسك بلي الله عطاك بوضعك الحالي..
الي ماخلفت ..زوجك جننك !! الناس طفشتك ..حلم الامومه تعبك ..!! امر صعب لكن الدنيا ماشية ماشية ..كلنا بنموت ..عيشي حياتك مبسوطه ..الله بياخذك من الدنيا كـ فلانة مش كأم فلان وزعطان !!
الي زوجها ذابحها قهر ..خانها ..ضربها ..وغيره من خثاريد الرجال ..
اتركي مشاعرك على جنب ..اركني هالمشاعر ..وتصرفي بذكاء ودهاء لإنقاذ حياتك الزوجية او حياتك ..
الدراما والمشاعر عمرها مانفعت مع الزوج ..
(ضربك) ؟ او صارت اي مشكله معقده بحياتك منه..ادرسي شخصيته والوضع ووش ممكن يأدبه ويوقفه او شوتيه شوته قوية برا حياتك باستشارة الي حولك ..الحياة قصيرة حتى تستحملين كذوب لعوب مابه خير !
مع العلم ..احب اخلي الامور بحياتي تنطبخ على نار هاديه ..اصبر وادرس الامور ..واشوف مصلحتي وين حتى لو صبرت على الضيم ..
لكن الامر يبيله ذكاء .. فهل ياترى عندك الذكاء ؟
لمصلحتكم ..نبي نشوف ابداع ..افكار تخلي الواحد يشرب كوب شاي متنعنع باحلى نعناع وهو يضحك ويعجب ببنات العرب ..
اعوذ بالله معقوله ذا انتم ؟؟!<< اتكلم عن فئة معينه..
لابد فيكم ذكاء وخفة دم وروح ساحره تجذب الناس لكم فــ نبي نعرفها ..
الانترنت ..الشبكة العنكبوتيه ..ممكن تكون علاج نفسي مرات ..بالضحك ..بصقل افكارك .. بالمعرفه ونشرها..التعرف على ناس فيهم الخير ..
دمتم بسلام..
كلآم جمييل الله يعطيك العافيه ..