كنت متابعه بصمت من سنين ، أحب فيكم تعاونكم وقلوبكم الطيبه ، كنت أتمنى
لو أفيدكم مثل ماأستفدت منكم ،بس محدثتكم 😎 مالها بالنت ، ماأعرف وشلون أسجل ....
ترا مافيه أسهل منه وأنا اللي مكبره السالفه وكيف البنات يسجلن ، واخيراً
سجلت وصرت عضوه بمنتداي الغالي .
هذا أول موضوع لي وإن شاءالله ماراح يكون الأخيييير ،،،،بفيدكم مثل ماأستفدت منكم .
مثل ماهو واضح بالعنوان ، جبت لكم شي بسيط وجميل والأهم من أستخدام
مره وحده تودعين القشره
وسهل على كثر ماأستخدمت من أشياء وخلطات بس النتيجه مو ع مدح
البنات فيها ،مو معناته إني ماأستفدت من تجارب البنات ، لكن يبيلها شغله
وغير كذا أستمرار ومداومه . لكن مع طريقتي رااااح ترتاحين من القشره اللي جننتنا ،،،
وهو
( المشط المعدني)
شفتوا كيف بسيط ..... أول شي زيت شعري بزيت الطعام زيت الذره
لأنه خفيف وماله ريحه وينظف بسرعه، المهم غرقت شعري كله من جذوره
الى اطرافه وركزت ع الجذور ،ودلكته تقريباً دقيقتين وبعدين قسمته علشان يسهل
علي تمشيطه ، اخذت قسم قسم وخذك يامشط بس طبعاً بشويش وركزي وانتِ تمشطين
ع فروة الراس حاولي تمشيطن بكل الاتجاهات مره من فوق لتحت ومن تحت لفوق
علشان تنظفين الفروه من القشره،
وأسحبي المشط رااااح تشوفين الهوااايل متعلقه ع المشط مهما كان شعرك نظيف
رااح تنصدمين بالدنيا اللي برااسك ههههههه، المهم امسحيه بمنديل وامشطي
مره ثانيه الين تحسين القسم نظف ، روحي للقسم الثاني واستمري ع كذا الين
ينظف شعرك ، ورووووحي خوذيلك دش محترم.
والله يابناااات انه نظف شعري من اول استخدام ، وأن شاءالله راح استخدمه
من فتره لفتره علشان احافظ ع شعري ماترجع القشره له، حتى تحسين بعد
ماتغسلين شعرك أن فروة راسك نظيفه ومنتعشه.
ع فكره ترا المشط أخذته من محل عادي محل اكسسوارات فماأدري إذ
ا راح تلاقونه بالصيدليات .
ترا يابنات حاولت أنزل صورته بس ماقدرت، عاد أنتم أبحثوا عنه بقوقل
راح تحصلونه، وياليت اللي تعرفه وتعرف تنزل صورته أكون ممنونه
لها علشان البنات يستفيدون.
بناااات تراني طمعانه بدعواتكم لي وللوالده ولأحبااابي .