اتخلصي من كل مشاكل البشرة والمشاكل الصحية والنفسية في ساعة &&&/يمنع المنقول

بسم الله الرحمن الرحيم

السلام عليكم ورحمة الله وبركاتة

ان شاء الله موضوعى حصرى ومش منقول ومش موجود في اى موقع تانى وان شاء الله تستفادوا منة

طبعا كل بنت وست نفسها تكون بشرتها خالية من العيوب والمشاكل

ودة بيكلفنا وقت وعناء ومصاريف كتيرة جدا في الحصول على النتيجة المطلوبة وبذل عناء اكبر في الحفاظ عليها

وحتى لو وصلنا لنتيجة معقولة بيبقي صعب نحافظ عليها وقت كبير وبنكون اجهدنا بشرتنا بما فية الكفاية

دة غير ان ممكن شوية حزن او اجهاد في عملنا او سهر عدة ايام يحرمونا من النتيجة دى وبسرعة

وترجع تانى بشرتنا مجهدة شاحبة





طيب لو قلتلك ان في طريقة بسيطة وسهلة ونتيجتها مضمونة في علاج جميع مشاكل البشرة

من كلف وحب شباب وتجاعيد والتهابات وهتتخلصي كمان من رائحة العرق والهالات حول العين وشحوبة البشرة

ودة من خلال علاج الاسباب المؤدية للمشاكل دى

يعنى هتعالجيها من الاساس ومش مجرد علاج عرض ممكن يرجع تانى

ومش كدة وبس دا انتى كمان هتنقي جسمك من السموم والامراض وهتتخلصي كمان من المشاكل النفسية والعصبية ومشاكل النوم والارق وكمان مشاكل السمنة

دا لغز دة ولا اية

لا دة مش لغز ولا حاجة كلنا بنشوف الممثلين والمشاهير عموما بشرتهم وصحتهم غير

وكمان بشرتهم نضرة ومشرقة وجسمهم مشدود ورشيق مهما زاد عمرهم

الموضوع مش لغز نهائي من حقك تعرفي الاسرار والاسباب

قبل ما هنتكلم على الاسرار دى اللى هتعرفيها بأمر الله معايا وبس

هنشرح مصطلح مهم جدا اعزرونى انى هطيل عليكم لكن الموضوع ان شاء الله بيستاهل

Medecines Alternatives et complementaires

او الطب البديل التكميلي

وهو علاج مختلف عن العلاجات القياسية اللى بيستخدمها الاطباء واصبح ينافس الطب الدوائي بشكل كبير ومن اهم استخداماتة

التداوى بالاعشاب الطبيعية اللى اثبتت نجاحها بنسبة كبيرة في علاج جميع المشاكل التجميلية والصحية والنفسية كمان

ودة كان سبب ان المراكز العلاجية في المانيا وفرنسا (les centeres therapeutiques)

لأستخدام التقنية او الاسلوب العلاجى دة في كتير من المشاكل الصحية والنفسية واللى بينعكس بدورة علي صفاء البشرة ونضارتها وخلوها من العيوب والتمتع بالشباب الدائم

اشكركم انكم استحملتوا المقدمة الطويلة ونبدأ بقي في التطبيق

طبعا انا كنت كلمتكم قبل كدة على الساونا المنزلية وتبديلها ببخار التواليت في الاغراض التجميلية

طبعا الساونا لوحدها ليها فوايد كتيرة جدا لكن احنا نقدر نخلى منها حجرة الحياه والشباب الدائم ببعض الاضافات

طيب ازاى نصفي جسمنا من السموم والامراض وجميع مشاكل البشرة والجسم

احنا اللى هنعملة بالتحديد اننا هنستغل تفتيح مسام الجلد وتشربة اى مادة موجودة على الجسم بعمق في جعل الجسم صفاية او فلتر لكل المشاكل دة

ودى صورة الساونا المنزلية للى ميعرفهاش وسعرها لايتعدى 400 جنية مصرى وفي توكيلات بتبيعها قسط 1 جنية يوميا

وهى عبارة عن حجرة الساونا مرفقة بكرسي داخلى للاستراحة + حلة خارجية

وهى دى مقصدنا

بالاضافة لأبطال موضوعنا النهاردة وانا بسميهم الاربع معجزات وهما اية

1- الشاى الاخضر

2- البابونج

3- المرمرية

4- النعناع





وطريقة التطبيق سهلة جدا هيتم غلي كمية متساوية من الاربع اعشاب دول في كمية كافية من المية وبعد الغليان نسيبها الى ان تبرد

وبعد كدة نصفيها ونحطها في حلة لساونا االى بيخرج منها البخار اللى بتتفتح مسام جسمك ويمتصة الجلد بشكل مباشر ومدة الجلسة يتراوح من نص ساعة لساعة كاملة

اتمتعى بالبخار المعالج وارفعى راسك لفوق لتتفادى استنشاق الكثيف للبخار خلى تعرض وشك للبخار ميبقاش قوى علشان ميحصلش اختناق كدة كدة هتوصل لوشك نسبة بخار معينة هتكونى مجهزة ماسك كولاجين للوجة وهو انواعة كتير وهو المناسب في خلال الجلسة دى ومهم علشان البشرة تتنفس

طبعا هتلاقي المية اللى نزلت من جسمك غامقة عن الطبيعى متتخضيش دى كلها سموم وامراض وانتى كدة عملتى مصفاه للبشرة والجسم

بعد الجلسة هتاخدى شاور خفيف بمية دافية طبعا مش مطلوب دعك الجسم او حكة خلية يستمتع بما امتصة من مواد

وخلى الشاور بمية دافية علشان المسام تفضل مفتوحة تتنفس طوال الليل

بعد الشاور هتدهنى زيت مناسب لبشرتك علشان تفضل ناعمة لامعة ملساء

انا بفضل جدا زيت NUXE الفرنسي وهتلاقوا مكتوب علية

aux 6 huiles vegetales precieuses

اى يحتوى على 6 زيوت نادرة لتغذية البشرة دا غير ريحتة اللى تجنن واللى هتفضل فيكى لتانى جلسة





طبعا انتى بعد كدة هتشعرى بأحساس لا يوصف وكأنك اخدتى مهدىء قوى للاعصاب ومسكن للالام وهتنامى نوم عميق من غير كوابيس او قلق او ارق او الم في جسمك او عضامك او بشرتك وهتصحى الصبح مشرقة بشرتك منتعشة مقبلة على العمل يقظة الفكر نشيطة من غير هالات سودا وبشرتك نضرة ودة بفضل فوائد الاربع معجزات

وطبعا لازم تعرفوا مهمة كل معجزة فيهم اية وتحصروا النتائج الجبارة لكل واحد فيهم

1- الشاى الاخضر ( chinese tea)

ودة لية عدة فوائد جبارة لتصحيح الجسم وتنقيتة منها

يقي من السرطان ويبطء نموة

يساعد على التنبية العقلي واليقظة لأنة فية مادة الكافيين

بيقلل مستوى الكوليسترول في الدم وبيقلل نسبة السكر بشكل فعال

مدر للبول ودة بيساعد بشكل فعال من خلال شربة للتخسيس الجسم

مضاد قوى جدا لالتهابات البشرة وبيقضي علي اى تورم على سطح الجلد

فية نسبة اكسدة عالية جدا بيساعد على نقاء الجسم وبيقلل بشكل فعال التجاعيد وبيعطى للبشرة مرونة مطلوبة للقضاء على السيلو ليت والترهلات

يساعد بشكل فعال جدا في تضييق مسام البشرة الواسعة ويخفف من الهالات والانتفاخات حول العين





2- البابونج ( او الكمازولين وهو اسمة المخدر السحرى )

من اهم فوايدة انة مطهر قوى جدا للجهاز الهضمى ومنشط قوى للدورة الدموية

بسبب هذة المادة بيقلل بشكل كبير الام الحيض والام الصداع والام الجيوب الانفية وطبعا لو استنشقناه من خلال البخار بينقي الصدر ويقضي علي التهابات الجيوب الانفية ونزلات البرد الحادة ومشكل الربو

يعالج بشكل فعال الحالات العصبية والارق عند النوم والتوتر وصعوبة التركيز



3- النعناع mint



مطهر ومنقي للبشرة بشكل فعال جدا فهو من اهم العلاجات للقضاء على دهنية البشرة وعلاج حب الشباب

والبثور السودا والهالات

يقوم بدور فعال في تعطير الجسم وبالتالى القضاء نهائيا على ريحة العرق والقدم





4- المرمرية ( الروزمارينيك)

علاج فعال لريحة العرق نهائيا

بيخفف جدا من التوتر العصبي وتوتر العمل وكمان بيقضي علي رعشة اليدين وهو ما تم اثباتة وفعال لعلاج تشنج العضلات ويساعد على استرخاء الجسم واسترخاء العضلات

منشط للذاكرة بشكل كبير

علاج قوى جدا في حالات الاكتئاب والارق ومانع للكوابيس وحالات القلق المذمن

علاج قوى جدا لالتهابات الروماتيزم والام العظام والروماتويد

ساحر في خفض السكر والكوليسترول في الدم مما يجعلة من اهم الاعشاب استخداما للخسيس

طبعا طريقة العلاج بالاسبلوب العلاجى دة مشاهير كتير بيسافروا يعملوة برة مصر في المانيا وفرنسا وامريكا اصبح العلاج رقم واحد في علاج المشاكل النفسية والعصبية ومشاكل تقدم العمر والروماتيزم وخشونة العضلات

وبممارسة منضبطة للعلاج دة بيساعد على الحصول على حلم الرشاقة والشباب الدائم والحفاظ على بشرة صافية ونضرة حتى مع تقدم السن

بجانب الحصول على مزاج مرح ونوم بدون ارق والتخلص من اضرار التدخين وتلوث الهواء والغذا

ودة اللى خلا بعض الشركات تنتج بعض المنتجات اللى بقت تحقق مبيعات كبيرة زى اعشاب باما والاصقة السحرية وطبعا المنتجات دى لا تقارن بالنتيجة اللى هنوصلها بأمر الله مع العلاج بالاربع اعشاب المعجزات

ملحوظة _

انا كنت عايشة برة مصر فترة كبيرة ولما رجعت لاقيت والدتى ربنا يديها الصحة مريضة بالسكر والضغط وطبعا مشاكل تقدم العمر والتجاعيد والهالات نتيجة للمرض دا غير الام الروماتيزم وخصوصا اثناء الصلاة

فاتبعت معها هذا العلاج والحمد لله اتظبت عندها حاجات كتير السكر اصبح طبيعى بدون علاج والضغط معتدل وبشرتها عادت نضرة وبيضا واتخلصت من الكلف الهالات نهائيا

اتمنى موضوعى يكون عجبكم واتمنى تطبقوا العلاج وتشرفونى بتجاربكم

والسلام عليكم ورحمة الله وبركاتة