مواقفكم مع غلط السونار

السلام عليكم ورحمة الله وبركاته 
يسعد مساكم جميعا بالخير والبركات
والله يهون على الكروشات  والله يتمم لهم على خير ويولدن بالسلامه ويحسن الخلْق والخلٌق يارب العالمين ويرزق يارب اللي تبغى الذرية الله يرزقها الذرية الصالحة اللي تقر عينها فيها انه على كل شيء قدير اهم شيء الثقة بالله والتوكل عليه  وأوصيكم بشرب ماء زمزم بنية الحمل مع الاستغفار والدعاء وشرب عصير الأناناس بكثرة وقت الدورة وبعد الدورة الى 10 ايام من انتهاء الدورة مجرب ونافع بإذن اللي ماتنام عينه سبحانه

اخلصي علينا ياكثر هذري ايه بنات قولو لنا تجاربكم مع أغلاط السونار واللي يجي من ربي خير ونعمة وبركة وربي له حكمة بهذا الشيء والحمد الله الانسان المفروض يحمد ربه على نعمة الذرية ناس كثير يتمنونها الله يرزقهم من واسع فضله ياكريم
 فيه وحدة  معها 5بنات وقالو لها بالسونار بنت وجهزت كل شي بناتي ويناسب البنت يوم جتها الولادة وهي تطلق  قالت لها الدكتوره كلها دقايق ويخرج الولد ان شاءالله هي سمعت الولد صارت كذا😳 مو مستوعبة اللي هي فيه قالت وشلون بنت قالت الدكتوره مية بالمية ان شاءالله ولد ومن الفرحة جتها الولادة بسرعه وطلع  ولد ماشاءالله تبارك الله الله يخليه لها ونفس الشي فيه وحده جهزت كل شي بناتي قايلين لها بنت  وجابت ولد ولبسته وردي   وسبحان الله العظيم علم الأرحام مهما توصلو من التطور يبقى الله سبحانه هو العليم به سبحانه 

اسردو لنا مواقفكم وفقنا الله وإياكم  لما يحب ويرضا واصلح النية والذرية يارب العالمين