وان شاء الله يارب كل هاللى مريتى فيه تصير ذكرى اذا شفتى ولدكى متعافى قدامك
تاريخ ولادته متى

اختي حرم القرشي ماعرف التلبينة والعسل توه بيكمل سنة وذكرتيني له الله يجزاك خير من كم يوم قريت ان السمسم يسمن وعطيته منه يمكن مرتين بالغصب وبعدها رفض ياكله مع اي شي لو احط ذرة سمسم يعني على طرف ملعقة الشاي يحس فيه وماياكله شكله ولدي عكس الناس ياخذ سمسم ويبيض شعره استغفر الله
وطلعنا من الشقة الاولانية كلها هربت عنها وعن اللي فيها واخذت من اثرهم
حسبنا الله ونعم الوكيل والله انهم تكلموا فيه بوجهي وفي قفاي
الولد مافيه شي زود عن باقي الاطفال ولاهو طالع بملامح ثانية نفسسس ملامحنا انا وابوه
كرهت حتى اطلعه لمكان من كثر مايطالعون له العالم والا يتكلمون فيه
ماهم شايفينه جلد على عظم سم حاله التطريش
الآدمي وهو بالغ لو يطرش يومين ورى بعض انهد حيله وتعب فما بالكم بطفل رضيع ســـــنـــــــة كـــــاملــــــة يوميــــــا
مع خشمه وفمه نافورة لين طفحت كبده ومعدته الله يشفيه بحق اسمائه الحسنى وصفاته العلى وبحق قوله هو علي هين
والمشايخ يقولون لاتطلعينه وقت الزحمة تمشوا فيه بالليل والا في اماكن خفيفة
والولد مسكين تعقد من الوحدة جته حالة نفسية من ندخل البيت راجعين من مشوار يقعد يصيح لين نوقف فيه بالشارع
مدري حاسديني وانا فالثلاثينات على هالولد ومعاي قلب واورام ليفية بالرحم ومسقطة قبله 4 الله يشفع فيهم وحسبنا الله ونعم الوكيل الله المستعان
ماقول الا الله يحفظ لي هالولد ويرزقه الاخوان الصالحين ويفكه من عيون الخلق وحسدهم

الله يجزاكم خير ويستر علينا وعليكم كل اللي دعوا له
قصيمية الله يسمع منك وتصير ذكرى ولاتنعاد الا بخير
انا كنت في نفس تجمعكم ادخل اقرا لكن ماكنت مسجلة بالمنتدى
هالشهر يكمل سنة ماشاء الله الله يحفظه ويشفيه

الله يشفيه ويقر عينك فيها وتشوفينه باحسن حال
طيب انتي ما وديته دكتور عشان الارتجاع ايش سببه
اناولدي كان عنده ارتجاع نفس حاله ولدك يختنق باستفراغه الله يكرمك وهو نايم ويطلعه وهو نايم من فمه وخشمه وديته لدكتور قال لي عادي اغلب الاطفال كذا وراح يخف لما يصير عمره سته شهور
واللهم لك الحمد والشكر خف لما صار عمره ٣ او ٤ شهور
بالنسبه للشيب يمكن يكون وراثه من زوجك او منك لانه بناتي وولدي فيهم كل واحد كم شيبه عشان زوجي عندهم وراثه ،،،والحمد لله على كل حال انا ضاق صدري بهذا الشي ،،،بس ادعي ربي دايم انه يخلصهم من الشيب عشان ما يتعقدوا
على فكره ابحثي بالنت عن شيب الاطفال في مجموعه اطفال ما هم قليل عندهم شيب ،،،وابحثي عن اسبابه
الله يحفظ لك وليدك ويفرحك فيه وهو في احسن حال

ياعمري يمكن يكون شيب وراثي أقارب زوجي من هو صغير في شيب وهسه بالعشرينات والشيب ترس راسه
علما انه لا ابوه ولا امه ولا اخوانه عندهم شيب


أرقيه وشغل سورة البقرة دائما