موضوع قريته حبيت تستفيدون منه
الله يهون ع كل مسلمه
الحمدلله والصلاة والسلام على رسول الله وعلى آله وصحبه أجمعين
*
انا الآن كملت شهر من النفاس وهذي ثالث ولادة لي *كنت اقوم *واتحرك كثير وابدل لاولادي ملابسهم واروشهم واشيل ولدي الثاني لأنه صغير عمره سنتين*وغير كذا سهر مع البيبي*
لكن الحمدلله ماتعبت الا شوي من ظهري باعطيكم بعض النصايح واللي عندها اضافة تضيف على كلامي




1- اول ماتولدي اشربي شي دافي حليب بزنجبيل مع عسل افضل عشان ترضعي طفلك.




2- ارتاحي حوالي 6 او 8 ساعات حسب تعبك ولما تقدري توقفي في الحمام تروشي وممكن يساعدوك الممرضات إذا تحتاجي مساعدة ولاتقولي ماباغسل شعري ترى عادي مايجيك ولاشي بإذن الله اهم شي تغطيه عشان لاتبردي لأن البرد يصدع الراس والبسي شراب وهذا طول فترة النفاس تتروشي وتغطي راسك ورجليك.




3- لما بتخرجي من المستشفى لفي على بطنك شماغ او اي شي شبهه بس مو بقوة بس يمسك بطنك مايصير يهتز بالسيارة ( خاصةً اهل جدة واحنا ادرى بشوارعنا)؛وإذا وصلتي شيليه.




4- لاتجوعي نظمي وجباتك وكلي المفيد احسن شي للنفاس الشوربات بأنواعها سواءً شوفان بلحم او دجاج او شوربة خضار بالدجاج وغيرها+تمر+ حليب بزنجبيل او قرفه او حلبة حطي اي شي منها لأن كلها مفيدة جداً+ خذي على الريق نصف ملعقة صغيرة حب رشاد(ثفاء) مع عسل+ بعد الاكل يانسون وزنجبيل اخضر منقوعة في كاس ماء مغلي واشربيه دافي*
هذي الاشياء المهمة وباقي اليوم اي اكل مناسب لكن ابتعدي عن الاكلات اللي تسبب امساك عشان الغرز خاصةً اول الايام حتى تلتئم.




5- اول اسبوع تستخدمي دش مهبلي(بيتادين) بعض المستشفيات يصرفوه لك وطريقة استخدامه معروفة تاخذي طشت وتحطي فيه مويه دافيه كثيييير وتحطي فيه شويه *بيتادين وتجلسي فيها تتشطفي 5 دقائق مرتين في اليوم.
هذا المحلول يكفيك عن الملح لأنه مطهر ومعقم.
على الغرز استخدمي المرهم اللي يعطوك المستشفى لمدة اسبوع وبعدها استخدمي مرهم ميبو حتى تخلصي الاربعين وإذا ما اعطوك مرهم استخدمي ميبو من الاول.




**6- ممكن تستخدمي البيتادين لمدة 10 ايام وبعدها استخدمي محلول المُرّه حتى تخلصي الاربعين( قبضة يدك من المره اغسليها وحطيها بقارورة مويه فاضيه وحطي عليها مويه حاره *وخليها في الحمام
وبنفس طريقة البيتادين شوي منها على مويه دافيه في الطشت مرتين في اليوم) وهي مطهره وتشد الجرح وبعد استخدامها ممكن تطيح الغرز اذا التأم الجرح.
ممكن تحطي مع المره ملح خشن او تستخدميه لوحده لو حبيتي.
والبنات اللي والدات قيصري لو شفتي جرحك ماالتأم استخدمي المره بنفس الطريقة عالجرح .




7- لاتجلسي كثير خليك منسدحه احسن ولاتجلسي متربعة ابداً عشان غرزك *خليك على جنب حتى وقت الرضاعة وانسدحي افضل وهذا الكلام لمدة شهرين افضل.
ولاتمشي بقووووة عشان اسفل ظهرك تحسيه مفتوح مارجع لوضعه الطبيعي.




8- استغلي هالفترة في الاهتمام بنفسك بالزيوت والكريمات( زيت الزيتون ، زبدة الكاكاو من فازلين، الجلسرين السائل مع الليمون ) كل شي لوحده اهم شي خلي جسمك رطب في الليل وتروشي في الصباح ولاتنسي الاستحمام مره عالاقل يومياً والتدفئة بعدها قدر الامكان.




9- إذا تعرفي من الحريم اللي يسووا مساج او تمريخ على قولهم *روحي لها المساج مريح جداً للنفاس بس مو اي وحدة تسويه*
انا تجيني وحده اندونيسية تسوي 4 جلسات للنفاس كل 10 ايام تسوي مساج للجسم كامل واخر شي ترفع الرحم بشوييييش واخر جلسة يوم الاربعين ترفع لك الرحم تمام والبسي مشد اندونيسي او عادي انا اشتريت عادي من الهرم ولما تمشي ارفعي ظهرك ولاتنسي تمارين الشد ابدئيها بعد الولادة ب10 ايام او اسبوعين ابحثي عنها بقوقل.




10 قبل ماتخلصي الاربعين ابدأي تجهزي لزوجك سوي حلاوة للجسم ودلكة وحمام مغربي واصبغي شعرك وقصيه وارجعي له عروسه جديدة.
اللي عندها إضافة ارحب فيها

ما شاء الله موضوع جميل
والأجمل اضافتك يا نسرين 3
انا حامل بالاسبوع الاربعين الله يسر لي وﻻدتي يارب
وجهزة حوايج النفاس من الشهر السابع وطريقتي اشتري قشر قهوه ويانسون وشمر وحبه سوداء وحلبه وحب رشاد وقرفه وعين الجمل ولوز وسمسم محمص عشان التمر وحوايج القهوة قهوه وهيل ونخوه وعويدي وزنجبيل مطحون وحوايج الشوربات والمرق كمون وكزبره وفلفل اسود مطحون وبهارات مشكله ومطحونه
طريقتي اغسل قشر القهوه واحط بمنخل واجففه واحمسه حمسه خفيفه وبعدها اطحنه بس مايصير ناعم لا خشن نوعا ما واحطه بعلب وبالثلاجه وانقي الحلبه واطحنها ما اغسلها وبعلبه يفضل قزاز واطحن الحبه السوداء وبعلبه وفي رف الثلاجه اليانسون والشمر ما اطحنها انقيها وبعلب خارج الثلاجه والقرفه اطحن جزء منها وبعلبه بالثلاجه وفي علبه صغيره اقيس حبه سوداء وحلبه مطحونين وحب رشاد واخلطهم بعلبه علشان اخذ ملعقه على الحليب
حوايج القهوه اطحن كل نوع لوحده واخليها جاهزه بعلب على الرغم ماني احب القهوه كثير
اطحن جزء من الكزبره والكمون وفي علبه واضيف لها فلفل اسود وطبعا الكمون ممكن تشربينه لوحده حلو للمغص بس انا اضيف منه على القشر فقط وعلى المرق
التمر سويته بالاسبوع السادس والثلاثون بداية التاسع تمر كيسين خلاص سكري اي نوع انزع النواه منه واضيف له زيت زيتون وربع كوب حلبه مطحونه ومثلها حبه سوداء ومثلها حب رشاد بدون طحن وثلاث ملاعق قرفه واعجنهم واحشي كل كوره بعين الجمل وحبة لوز واكورها وادحرجها بالسمسم المحمص واحطها بعلبه بلاستيكيه واحطها بالثلاجه وعلبه صغيره احط فيها عدد عشر حبات حولها اخذها معي بالمستشفى
الحمد لله جهزت مشترياتي النافصه بالبيت والمولود باذن الله والي يخصني زوجي يقول ماعدها بولاده هههه فيه شي مهم شريت بلاستيكات صحون ومن جميع الاشكال لان عيالي اربعه كلهم يدرسون ويعني يعتمدون شوي على انفسهم بالاكل ابي اعودهم لان ماعندي احد وقت النفاس وما ابي اواني وحوسه واكواب الشاي والقهوه
طبعا الاكل جهزت كشنه او خلطة البصل والطماطم ههه على شان الي مايعرف ونجحتها زين بدون بهارات وبعد ما بردت مهم تبرد حطيتها باكياس حراريه او حقت اللحم واساويها من الهواء وااطبقها وعلى الفريزر والحم والدجاج قطعته على حسب الاستخدام وجهزته يعني ممكن اذا ماعندك احد يساعدك تحطي الحمه وكيس الكشنه وضيفي ماء واطبخيها وبالنسبه للفطور توست بر او سندوتشات بر من مخبز عادي لان المشغوثه والمحلى والاكلات الثانيه تاخذ وقت ووقفه وانت ما تقدري عليها والله يعين ويسر وﻻدتي يارب وكل حامل وانمنى اني افيدكم وتمنيت اني منزله صور بس الاب توب خربان والجوال ماترفع منه الصور ودعواتكم

موضووووع روووعه تشكرون عليه

السلام عليكم ورحمة الله

ي بنات عندي كم سؤال الله يجزاكم خير ..

قريت ان الرشاد مايؤخذ ف اول ايام النفاس والاغلب ف هالموضوع يقولون تمر ورشاد مدري
اذا قصدهم ف الايام الاخيره

والفلفل الاسود لمن احطو ف اكلي هل هو حب ام مطحون؟

ومشروب القرفه هل القرفه صحيحه ام مطحونه ؟

وقشر القهوة كم فنجان اخذ في اليوم او كم كوب ..اخاف يكون مثل القوة منبهات لاني عمري مااستخدمته :ohplease:




,,




وبس ودمتم بخير عزيزاتي ..

يعطيك العافية ع الموضوع