اللهم صلي على سيدنا وقدوتنا وحبيبنا محمد سيد السادات وبدر التمام وشمس الضحى وعلى اله وصحبة الطيبين الطاهرين ,,
بعد ما لو عت كبودكم بالموضوع السابق وعن اقرف الاكلات قررت اراضيكم حبيباتي الحلوات عالم حواء وانزللكم موضوع ثاني تماما وهو اشهى الاكلات العمانية يم يم يم وهذي رشوة صغيييرة مني للحلوات اللي انقرفوا من موضوعي السابق ومع ذلك سطرت اقلامهم عبارات شرفتني كثيرا تواجداها في مو ضوعي وهالبوسة مني لكم :kissa:
نبتتدي بالحلوى العمانية >>> مش المفروض تحلون بها بالاخر ,,,!! بس ما عليه جبت طاريها وزعابيلي طارت
الحلوى العمانية اشهى انواع الحلا عندنا ولا يمكن يخلو بيت عماني منها نهائيا في كل المناسبات ويا حلاتها وهي طالعه توها من عالنار ودافية مع قهوتكم السعودية والله صدقوني الاخضر مع الاحمر يعملون ما تشينج حلوووو :35:
وللمعلومية عندنا اكثر من 20 نوع من الحلوى
وفديت السلطانية السودة انا واااااو يازين ريحتها بالجوز
ويازينها اللي باللبان والهيل تجي بيضا مثل كذا
ونيجي للثقيل " على اساس الحلوى العمانية مرة خفيفة بارك الله فيني " الشوا العماني
الشوا العماني اكله عمانية بحتة قديمة من الله خلق السلطنة ويتم طبخها بالعيد الاضحى المبارك<< قريب راح ناكلها بحول الله يم يم يم وهالاكلة لها طابع خاص ومراحل جدا خاصه بعاداتنا وتقاليدنا واهمها هي انه اللي يعد الاكله هذي رجال يذبحون الذبايحويتم تبهيرها بالبزار العماني فقط وللمعلومية البزار العماني شي خاص بنا مثل الحلوى العمانية ويختلف عن اي نوع بهار بالعالم وخصوصا " نقيع التمر والماي اللي نتركه يتخمر الين مانستخلص خل التمر ونمزجة بالفلفل وبقية البهارات"...
وتالي بعد ما تتبهر تنلف بأوراق الموز كويس جدا جدا وبدقه متناهيه في عده مراحل متتاليه ألين بالنهاية تدخل في أخواص مدري شو تسمونها يا حبيباتي انتوا والله ,, وبالاخير تندفن تحت الارض في حفر خااااصه تنبنى لهذا الغرض , وتقريبا معظم بيوت عمان الداخل بها هالحفرة اللي يشترك بها مجموعات كبيرة من الناس بذبايحهم وتتقسم بالاخير ,,, وتستمر عمليه الطهو 3 ايام بالتمام والكمال يعني ناكلها ثالث يوم عييييييد ,,, وعلى قولة المثل اللي يريد الحلو يصبر على المر
هذي الشكل النهائي الخطوات تعبتني مو راضية تتحمل
واللي بعد العرسية "عندكم تسمونه السليق" ,,, اكله ناكلها بعيد الفطر على الاغلب وهي عبارة عن رز استوى لين ما قال الله واحد وتغيرت ملامحه هههههههههه والفرق الوحيد تقريبا بينه وبين السليق اننا نسلق الدجاجة مع بهاراتها وننتف امها تنتيف ومع الرز ينحط وينضرب مثل ما قلتلكم الين تتغير ملامحها ,,
واللي بعده "المالح" واخواننا بالكويت يسمونه الخباط وانواع كثيره عندنا منه بس هذي اللي انا احبها بعد ما يتحنط بالشموس ويصبح اثري نشتريه وننقعه بالخلطه هذي وعبارة عن ليمون وكمون وفلفل كل الانواع تقريبا ساعه ساعتين وينشال وينطبخ كبسه وتطلع يمي يمي
والقبوووووولي ملك الاعراس العمانية طبعا ...
وهذا قبولي الدجاج لعيونكم يا حلوييييييييييييين
والكثير الكثييييير من الاطباق العمانية والله ماقدرت انزلهم تعبت بس لعيون اللي طلبوها مني هذي بعض اهم الاكلات العمانية وربنا يحفظها نعمة ويمنعها من زوال يارب ...
اتمنى اكون عرفت اراضيكم حبيباتي حوائيات وربي يسعدكم جميعا ويصلح احوالنا ويرزقنا من واسع فضله ,,,
يسلمووووووووو