انا تزوجت وقعدت سنتين ونص وانا ما احمل وطبعا مافي داعي اني احكي و اشكي على كلام الناس وتعليقاتهم عليّ و أسئلتهم اللي لاحقتني بكل مكان
وانهلكت من العلاج والله ماخليت دكتور معروف في جدة مارحت له وبالأخير تعالجت عند دكتور شاطر الحمدلله تعالى
و لما جا علي رمضان لثالث مرة و انا ماعندي اطفال قررت اني استنفذ نفسي وقواي ويومي كله بالاستغفار و العبادة والدعاء عشان ربي يرزقني امنيتي باني اكون ام و اسمع كلمة ماما ربي لايحرم مسلمة من هالكلمة يارب ولا مشتهية باذن الواحد الاحد الفرد الصمد الذي لااله الا هو الحق الوكيل
و كنت كل يوم أستغفر عشرة آلاف مرة الحمدلله
وبعد ما أخلص استغفار اقوم ادعي ربي يارب لاتخلي رمضان الجاي يجي الا وانا على يدي طفلي يارب
والحمدلله ما جا رمضان اللي بعده الا وانا على يدي طفلين توأم ربي يحميهم ويخليهم لي يارب ويبارك لي فيهم باذن الواحد الأحد
طبعا انا كتبت الموضوع كامل عشان تعرفو الطريقة اللي كنت اعملها وكانت سهلة ماهي صعبة الحمدلله ربي هونها علي
وهي كالتالي
** كل ماجلست أمسك العداد الصغير جبته من أبو ريالين واستغفر مرة و أضغط ضغطة على دا العداد
** وكمان طول ما احنا قاعدين انا و زوجي و هو بيتكلم انا بستغفر واسمعه بس يجي دوري في الكلام أوقف عاد فوقتها وارجع اكمل بس أخلص كلام
** وبعد الصلوات برضو اقعد استغفر على قد ماأقدر
** و طول النهار وانا ماسكه العداد ما أوقفه الا لو نمت او كنت باكل
** حتى وقت النوم كنت امسك العداد واحطه تحت المخدة وافضل ماسكاه بيدي وأحط راسي على المخدة فوق يدي واقعد استغفر مرة وأضغط ضغطة والحلو اني اسمع صوت تكة كل ماضغطت زر العداد ولما يوصل لل100 يعمل صوت تكة بس أقوى من الأولى وأعرف اني دحين خلصت 100 وبدأت بال100 التانية
** كمان في السيارة لو خرجت مشوار او نتمشى في السيارة بس اعمل نفس الشي امسكه بيدي وباذن الله ترا يوم عن يوم بتحسو انها صارت خفيفه مره وسهله وبتخلص بسرعه
** بس بصراحة فالبداية ماكنت دايما ألحق اوصلها لل10 آلاف بس برضو أحيانا أوصل لأكتر من 10آلاف بس معظم الايام اخلصها كامله الحمدلله ربي يغفر لي و يغفر لكم يارب ويبارك لكم و يجعلنا من اهل الجنة ويستجيب لنا في كل الاوقات يارب
حبيت انقل لكم هالفايدة لعل رب العالمين يحقق لنا مرادنا ويغفر لنا و يرزقنا من حيث لانحتسب
اتمنى اني اكون افدتكم
منقوووووووووووووووووووووووووول
الله يرزقني ويرزقكم ذريه صالحه معافى سليمه جميله اخلاقها مثل اخلاق النبي صلى الله عليه وسلم وجمالها مثل جمال يوسف عليه السلام انه على كل شي قدير
هو على ربي هين وقد خلقنا من قبل ولم نكن شيئا