15-09-1434 هـ, 12:16 صباحاً
بسم الله الرحمن الرحيم 


السلام عليكم ورحمة الله وبركاته





حبيباتي أنا ساكنه في المنطقه الغربيه بحكم عمل زوجي 

وصار لي ست سنوات هناك المهم خلال هذي الست سنوات 

أشوف البنات والعيال من عمر 3 سنوات تقريباً لحد سن البلوغ 

معبين الشوارع لا حسيب و لا رقيب 

وربي يحز في نفسي لما أشوف بنوته مثل الورد بوسط

الشارع أو في البقاله لوحدها أو مع مجموعة بنات بعمرها 

ولوحدهم و المؤلم أكثر اللبس اللي عليهم لا عبايات و لا لبس 

ساتر يعني بنوته بعمر 10 و 11 كبيره و الشارع أكبر خطر 

عليها و دائماً أفكر بأمهاتهم كيف كذا مرتاحين ؟ 





و سبب موضوعي يالغاليات  

قضيه عند زوجي وربي أنها تكسر الخاطر 

هذي عائله ماشاء الله أحوالهم الماديه ممتازه و من فتره 

أكتشفو أشياء ثمينه تختفي من بيتهم 

ذهب و  ساعات و مبالغ ماليه 

و أخرها ذهب بنتهم العروس كله أختفى 

و مبلغ 18 ألف ريال أختفى من محفظة الأب بليله وحده 

الرجل جاء لزوجي و أشتكى له الحال قال زوجي عندكم خدم 

قال لا و لا مره أستقدمنا خدم وما عنده أولاد ذكور إلا واحد صغير عمره 3 سنوات بس 

الشك الأكبر في الموضوع أنه يكون سحر حاولو يبحثون ما 

حصلو حاجه 

بعدها بكم شهر بنتهم عمرها 10 سنوات تعبت لا تأكل ولا تشرب 

ولا تنام و فيها خوف شديد من إي صوت يصير و بالليل 

تنام جنب أمها و أبوها 

الشك كبر عندهم بأنه سحر

البنت خلاص ما عاد تتحمل صارت تصرخ و تصيح لما أبوها 

يبغى يطلع من البيت و تراقبه حتى لو يدخل دورة المياه 

تجلس تنتظره قدام الباب 

وفي يوم أنفجرت وقالت راح يقتلك فلان !! 

فلان حلاق مصري جنب بقاله قريبه لبيتهم البنوته تطلع 

للبقاله كل يوم  

سألها أبوها ليش يقتلني قالت لو ما جبت له فلوس بيقتلك 

و أنا ما لقيت لا فلوس ولا ذهب حتى أعطيه و قال لها 

أنتظريني كل يوم في الليل بدخل بيتكم حتى أذبح أبوك 




البنوته صارت هي السارقه في البيت 

المصري يهددها وهي تجيب له الذهب والفلوس ولو ما جابت 

يقول لها بذبح أبوك  و أحرقكم ببيتكم 



 الأب أنطلق بجنون للحلاق و تضارب معه وقام المصري 

وضرب الأب بحديده مع رأسه و راح فيها الأب الأن في 

غيبوبه الله يشفيه و المصري هرب لكن أمسكوه البحث الجنائي  



حسبي الله ونعم الوكيل فيه 

لذلك يا أخوات أنتبهو لعيالكم و بناتكم 

الزمان هذا يخوف و الخوف على البنت والولد صار 

متساوي و إذا تعرفون أحد تارك عياله بالشوارع أنصحوه 




المحاكم صارت مليانه جرائم للأحداث 

قتل و أغتصاب ولواط و سرقه  

الله لا يبتلينا و يحفظنا و يحفظ لنا يارب و يستر علينا 

و عليكم أجمعين 
15-09-1434 هـ, 12:36 صباحاً
ياويلي الله يستر علينا يارب 
15-09-1434 هـ, 12:43 صباحاً
صادقه كثير تصيربس مشكله الاهالي الي قلوبهم ميته وماينتبهون ليماتطيح الفاس بالراس
15-09-1434 هـ, 12:52 صباحاً
الله يكفينا الشر ياختي المفروض يكون فيه رقآبه من قبل الأهل بتحذير بناتهم من الدخول الى أي مكان فيه اجانب دون مرافقه احد الأقارب والحرص على عدم ارسال البنات لهذه الأماكن حمانا الله وإياكم

يارب حقق امنيتي يارب بشرني وفرحني .. دعواتكم جميلآتي


15-09-1434 هـ, 12:56 صباحاً
لا حول ولاقوة الا بالله....الله يحمينا من المصايب يارب....




يارب يسر لي حفظ كتابك خالصا لوجهك الكريم...دعواتكم
15-09-1434 هـ, 01:01 صباحاً
رفع

كل أسراري و متنجاتي اللي غيرتني
http://forum.hawaaworld.com/showthread.php?t=4007233
15-09-1434 هـ, 01:10 صباحاً
الله لايسامح كل ام تجيب العيال للشوارع والخدم
اللي مو قد الامومه لاااا تخلف
والمصري الله يشل اركانه ولا يبارك له الحقير سبب للبنت حاله نفسيه وتسبب للاب بالمرض
وكله اولا واخيرا بسبب الام

نوف بما انو زوجك قاضي
حابه اسألك
ليش ألغو تنفيذ حد السرقه ؟!
اسفه لو سؤالي يزعجك
*~


اللّهم أجعلْني ممن يقآل لهُم :
( أُدخلُوهٓا بِسَلَامٍ آمنِين ْ )

15-09-1434 هـ, 01:12 صباحاً
حبيبتي انا من الحجاز و من المدينه بالتحديد و والله ابدا ماعاد سار في احد يفلت بزورتو في الشوارع ,, حتى في الحواري عكس قبل سنوات ,, اعتقد انو الوعي زاد عند الناس ولله الحمدلله

كلامي دا طبعا مو تكذيب لكلامك اكيد في العكس بس انا اتكلم بشكل عام طبعا . الله يحفظنا والمسلمين يارب
يمه ,,

إڵــيآ طـرت ڵــي مـلآمـح وجهك آلهـآدي ,,
قـلت يـآ عسى هـآلملآمح للـجنـه ,,
15-09-1434 هـ, 01:19 صباحاً
خادمه مصلحة البلد معاك حق

كان زمااان البنات يطلعون بالشوارع يلعبون وبكل مكان
الشمال والوسطى وغيرها مو بس بالغربيه

الحين ماتلاقين بنات إلا يكون معاها أخوها أو ابوها
أو ممكن ببعض الحواري القديمه اللي أغلب سكانها من إفريقيا ممكن للآن مازالوا
وقليل جداً مقارنة بزمان ..

يعطيك العافيه على حرصك ..
﴿ اللهُ أَكْبَرْ ﴾

.
15-09-1434 هـ, 01:31 صباحاً
صادقه صااار الزمن يخووف 
وحسبي الله ع هالمصري 
يستغل براءه طفله لمصالحه الشخصيه 
لابارك الله فيه 


اخترنا لك هذا الموضوع:

اقرئي المزيد »

الساعة الآن 07:35 .

جميع الحقوق محفوظة - عالم حواء - 2015