السعودية - الرياض
مكتب البروق
مطلوب خادمات من كل الجنسات بأعلي الاسعار وفوري 0559018275 0554172547
السعودية - الرياض
معلمة رياضيات
للمرحلة الابتدائية والمتوسطة ومتابعة جميع المواد
           
           
إضافة رد
 
أدوات الموضوع انواع عرض الموضوع
قديم 04-09-1434 هـ, 12:15 مساءً   #1
الحقيقه الساطعه

كبيرة محررات
 
الصورة الرمزية الحقيقه الساطعه
 
تاريخ التسجيل: 18-03-1429 هـ
المشاركات: 8,354


قصه الأب الذي دعى على أولاده

اخواتي الموضوع هذا خاص في عقوق الوالدين - والعياذ بالله من العقوق -

لأن هالقصه حقيقيه وحصلت قبل 200 سنه تقريبا في منطقة حائل .. وبالاضافه الى القصه

اوردت معها القصيده التي قالها صاحب هذه القصه ..


والقصه حتى لو انها قديمه عن زمنا هذا لكنها تتشابه نوعا ما في قصص كثيره نسمعها هذه الايام

عن العقوق والاشخاص الذين يذهبون بوالديهم الى دار رعاية العجزه ...



فالقصه هذي رواها لي والدي - الله يحفظه - وحصلت منه على القصيده التي قالها صاحب هذه القصه المؤثره

وسارويها لكم الان لعلنا نعتبر ونستفيد منها في التعامل مع اهلنا ومع اباءنا وامهاتنا وكذلك فيها عبره ايضا للزوجات في التعامل مع والد الزوج .. كذلك في القصه دليل على ان دعوة الوالد على ابناؤه مؤثره جدا ويستجيب الله عز وجل لها ان كان هذا الوالد مظلوم .. فسبحان الله





القصه عن رجل اسمه جحيش السرحاني الشمري ... جحيش رجل له ثلاثة ابناء .. والرجل كما يروون عنه انه سوا اللي عليه بأنه اختار امهم وقد كانت من افضل النساء في تعاملها وتربيتها ومن عائله طيبه وهو كذلك لم يقصر ابدا في تربية ابناؤه وكان يرحمهم لكن الهدايه من الله ..

كان الرجال في ذلك الزمن عندما يبلغ ابناءهم كانوا يرسلونهم مع اهل الغنم واهل الابل يسرحون وكان الرجل اللي حالته ضعيفه في ذاك الوقت يخلي عياله زي العمال عند اهل الحلال بأجره او زي مانقوله راتب.. وكان صاحب الحلال يقسوا عليهم بالعمل الجاد وبتعليمهم وامرهم .. اما جحيش لم يفعل هذا الشيء مع ابناءه من حبه لهم ومن غلاه لهم فما كان قلبه يطاوعه ان احد يأمرهم او يقسو عليهم وكان يرحمهم من لواهيب الشمس لاتسطاهم وتحرقهم وهم صغار فكان يوفر لهم كل شيء من نفسه مع انه حالته كانت ضعيفه فكان يسافر عنهم كثير ويشتغل عشان يوفر لهم عشاهم وغداهم وكان مايرضى يشوف عياله اقل من الناس فكان يوفر لهم ايضا لحم من ابل ومن غنم ومن صيد الحبارى والارانب والغزلان .. يعني زي مانقول كان مدللهم .. وذاك الوقت كان الرجل يحرص على ابناءه كثيرا لأنه اذا كبر هم اللي يقومون فيه ويكدون عليه مو مثل هذا الزمن الحمدلله الناس بنعمه في ضمان اجتماعي وفيه جمعيات خيريه لكن ذاك الوقت ماكان فيه للرجال الا عياله اذا عجز وكبر فكان يهتم فيهم ويعلمهم وهم صغار .. وكان فيه مثل شعبي يقولونه ( ولد الشارب للحيه .. وولد اللحيه للشيبه .. وولد الشيب للخيبه ) ومعنى المثل هذا ان ولد الشارب للحيه يعني الرجل اللي يجيه اول ولد وهو في بداية شبابه يكبر الولد ويصير رجال وابوه توه بعز عنفوانه ورجولته .. اما ولد اللحيه للشيبه يعني الرجل اللي يجيه اول مولود وهو رجال مو كبير ولا صغير يعني هو بالثلاثينات او بالاربعين اذا كبر ولده يمدي ابوه صار شايب .. وولد الشيبه للخيبه يعني الرجل اللي يجيه مولوده وهو شايب ماراح يستفيد شي لانه هو بنهاية عمره ويحتاج من يسنده وولده توه صغير وعوده طري ...

ونرجع لجحيش اللي دلع عياله ووفر لهم كل متطلبات الترف والحياة الهنيئه ..الين كبروا عياله وتزوجوا .. فلما كبر جحيش وعجز وصار يحتاج لمن يسنده ويعاونه لكن للاسف عياله كانوا عاقين فيه فكان يحبي لين يوصل بيت الولد الكبير ويجلس عنده كم يوم لين تضايقه زوجة الولد وتزمر عليه وتهاوشه انت يالشايب انت يالمخرف انت ياللي فيك ومافيك فيروح يحبي لين يوصل لبيت الولد الاوسط فنفس الشي الزوجه تظل تزاعق عليه وتهاوشه ويروح للصغير الا نفس الشي مع زوجة الولد من هواش وصراخ وتشكي لزوجها من ابوه .. والحريم على هالحال غثنا ابوك المخرف غثنا ابوك الشايب شف لنا صرفه معه ومن هالكلام ..

ويوم من الايام كعادة البدو يرحلون من مكان الى مكان .. فكانوا راحلين ذاك اليوم وباتوا بوادي اسمه وادي سلاحيب والشايب معاهم .. ويوم انه صحى الصبح الا الشايب ماحوله احد والناس راحوا وتركوه لحاله لامعاه لاولد ولااحد يساعده .. فراح يحبي ويتتبع اثرهم الا هذي اثارهم وهذي مناقع الماء فيأس من انه يلحقهم وتأثر تأثر شديد لأن ابناؤه تركوه وحيد .. وهو بالمناسبه ماخرف فكان معه عقل ويفهم .. فلقاه احد الماره ونقله معه ..وعاش كم يوم بعدها مات الله يرحمه فقال هذي القصيده قبل مايموت ..ويسمونها قصيدة الدعوه لان فيها دعوه على عياله بأن يقطع الله نماهم اي يقطع نسلهم .. وفعلا الثلاثة ابناء لم يولد لاي احد منهم اي ولد سبحان الله ولم يذكر الرواه أن لجحيش السرحاني سلاله استمرت وكثيرين قالوا ان سلالته انقطعت بعد عياله الثلاث ..
في هالقصيده ذكر كيف كان يعمل لهم في صغرهم وعندما كبر هو كيف جازوه ..

يقول في القصيده :


قال الذي يقرا بليا مكاتيب. . . . .ياللي تقرون العمى من عماكم
ياعيالي اللي تشرفون المراقيب. . . . .تريضوا لي واقصروا في خطاكم
خذوا كلام الصدق ما به تكاذيب. . . . .مثل السند مضمون للي وراكم
ياعيال لا صرتوا ضيوف ومعازيب. . . . .ترى الكلام الزين ملحة قراكم
وتروا السبابة من كبار العذاريب. . . . .وهرج البلايس ما يطول لحاكم
المذهب الطيب فهو مذهب الطيب. . . . .والمذهب الخايب يبور نساكم
ياعيال ما سرحتكم باللواهيب. . . . .ياعيال ما عمر المعزب ولاكم
ياعيال ماضربتكم بالمشاعيب. . . . .ولا سمعوا الجيران لجة بكاكم
ياما توليت القبايل تقل ذيب. . . . .من خوف لاينقص عليكم عشاكم


( يذكر لهم انه ماخلا احد يتولاهم ولاشغلهم عند احد وهم صغار وانه كان يرحمهم ولاعمره ضربهم
وانه كان يتعب ويسافر ويشتغل من اجل ان يوفر لهم العيشه الهنيئه )


وياما شربت السمن من عرض ماجيب. . . . .يـــفــز قــلبي يوم يبكي حداكم
أحفيت رجليني بحامي اللواهيب. . . . .وخليت لحم الريم يخالط عشاكم
ياعيال دوكم لحيتي كلها شيب. . . . .هذا زمان قعودنا في ذراكم
قمت اتوكا فوق عوج المصاليب. . . . .قصرت خطانا يوم طالت خطاكم

ردولي القرضة عليكم مطاليب. . . . .ردولي القرضة جزى من جزاكم

( البيت هذا يقول ردولي القرضه يعني الدين اللي عليكم يقصد به ان الاشياء اللي سواها لهم
في صغرهم تعتبر مثل الدين عليهم وهو يوم كبر ماكان يطلب فضل منهم بقدر ماكان يبيهم يردون له المعروف
اللي عملته فيكم يوم كنتوا صغار ومحتاجين لي فكنت لكم الاب والام .. ردولي هذا الدين فقط )


لابد يوم عاوي دوني الذيب. . . . .بالقبر ما افرق طيبكم من رداكم
ماني بفاضحكم بوسط الاجانيب. . . . .باعمالكم يدرون كل اقرباكم
لوكان تدرون الردى والمعاييب. . . . .صرتوا مع المخلوق مثل خوياكم
خوالكم بالطيب تروي المغاليب. . . . .ولو تتبعون الجد محدن شناكم
وش علمكم يا تاركين المواجيب. . . . .حسبي عليكم هالردى وين جاكم
قصيتكم واسندت وادي سلاحيب. . . . .ولقيت بالصبخا مدافيق ماكم
ياعيال بعتوني (بصفر العراقيب). . . . .ما هي حقيقة سود الله قراكم

( صفر العراقيب يعني النساء ويقصد زوجات اولاده )

يالله عسى اعماركم شمسها تغيب. . . . .يعتم قمركم ثم تظلم سماكم
يا علكم في حاميات اللواهيب. . . . .ياللي على الوالد خبيث لغاكم
شفت الجفا والحيف والغلب والريب. . . . .بضلوعكم لابيض الله قراكم
عسى نساكم ما تحمل ولا تجيب. . . . .ولا حدن من البزران يمشي وراكم
اخسوا خسيتوا يا كبار اللغابيب. . . . .اهبوا هبيتوا يقطع الله نماكم




وسبحان الله استجاب الله لدعوته ولم يرزق احد من اولاده بأطفال مع انهم تزوجوا مرتين وثلاث
لكن سبحان الله ..




هذه القصه سمعتها من الوالد واوردتها هنا لكي نعتبر منها ونستفيد منها مع انها في زمن اخر لكن
مهما اختلفت الازمان فالعقوق واحد
منقوول


الحقيقه الساطعه غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر




04-09-1434 هـ, 01:07 مساءً
#2
لا إله إلا الله
يارب إغفر لنا تقصيرنا


رد مع اقتباس
مو لازم إسم غير متواجد حالياً  



04-09-1434 هـ, 01:20 مساءً
#3
اللهم نسالك السلامه


وش استفاد غير نسله هو انقطع

لازم يسامح

كل الرجال من ايمنه وأيسره نسلهم بقى غير هو

هذا من غير ان ابناءه حيكونون حاقدين على ابوهم لان ماجاتهم ذريه

على فكره القصه هذي مشهوره عندنا


توقيع

اللهم اغفر لي ولوالدي واللمؤمنين والمؤمنات واللمسلمين والمسلمات الاحياء منهم ولاموات الى يوم القيامه0
رد مع اقتباس
الماء العذب غير متواجد حالياً  



04-09-1434 هـ, 02:14 مساءً
#4
المشاركة الأصلية كتبت بواسطة مو لازم إسم مشاهدة المشاركة
لا إله إلا الله
يارب إغفر لنا تقصيرنا
أي والله مقصرين الله يغفر لنا ومشكوره عالمرور.


رد مع اقتباس
الحقيقه الساطعه غير متواجد حالياً  



04-09-1434 هـ, 02:18 مساءً
#5
المشاركة الأصلية كتبت بواسطة الماء العذب مشاهدة المشاركة
اللهم نسالك السلامه


وش استفاد غير نسله هو انقطع

لازم يسامح

كل الرجال من ايمنه وأيسره نسلهم بقى غير هو

هذا من غير ان ابناءه حيكونون حاقدين على ابوهم لان ماجاتهم ذريه

على فكره القصه هذي مشهوره عندنا

أخالفك الرأي ,أصلا هو ايش راح يستفيد من نسل مافيهم خير ماراح يدعون له ولايتصدقون له ,أجل أبوهم ماتزوج يوم ماتت أمهم وقام فيهم وهم صغار ويخدمهم ويوم كبرو يجحدون فضله ,وبلغ فيهم العقوق الله لايعافينا أنهم يتركونه وحيد بالصحراء معرض للموت ومارحمو ضعفه وكبر سنه ومن حقه يدعي عليهم وهذا قليل بحقهم ,والله يرحمه ويغفرله.


رد مع اقتباس
الحقيقه الساطعه غير متواجد حالياً  



04-09-1434 هـ, 02:31 مساءً
#6
تجنبوا الدعاء على ابنائكم


توقيع


اسرة محتاجة بالرياض الي عندها ملابس اطفال زائدة تراسلني واتس

روعة البخوروزديادر ساىًل الشكر المتجددة من زبوناتي




0543542093

انستقرام nanaa799

رد مع اقتباس
كلي وله 1 غير متواجد حالياً  



04-09-1434 هـ, 02:35 مساءً
#7
،


الله يجعلنا بارين فيهم
ويجعل اطفالنا بارين فينا

جزاك الله الجنه


توقيع

العرض الأقوى لمدة اسبوع فقط بــ 99
المسك الإنجليزي
ساعات اديداس



اديداس التيتانيوم قولد
ضد الخدش والماء
بـ 220

تم توفير المسك الإنجليزي/مثبت العطور الذي نال استحسان الجميع



التمره العجيبه لجميع لمشاكل النساء والمساعدة على الحمل بإذن الله
رد مع اقتباس
غِنـــى ..~ غير متواجد حالياً  



04-09-1434 هـ, 04:27 مساءً
#9
الله لايكثر امثالهم
الا الله لايبلانا مافيهم خير ولا احساس وحسبي الله عليهم وعلى حريمهم اللي مايخافون ربهم

يااارب لاتبلاني ذرية عاااقه


توقيع

ياااااارب.. وكلتك امري.. فحققه


اللهم لك الحمد حمدا كثيرا مباركا لااحصي له عددا
رد مع اقتباس
دمووووع الرحيل غير متواجد حالياً  



04-09-1434 هـ, 04:35 مساءً
#10
قصة مؤثرة

اللهم أعنّا على بر والدينا


توقيع


رد مع اقتباس
%madlin% غير متواجد حالياً  



إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

المواضيع المشابهة (العرض التجريبي)
الموضوع كاتب الموضوع المنتدى مشاركات آخر مشاركة
من يدعوني . . . شويہ إحسآس مجالس الإيمان 4 18-06-1434 هـ 12:40 مساءً
سبحان الله طائر كسرت رجلاه أنظر ماذا فعل به أولاده الدنيا حلووووة المجلس العام 27 20-05-1434 هـ 05:59 صباحاً
مناقب الأمهات - رضي الله عنهن وأرضاهن - أرواح الجنان مجالس الإيمان 2 24-01-1434 هـ 04:49 مساءً
تشوفونه عقوق اني احرمه من هالشي ؟؟؟؟؟؟؟ عسل وكيك قسم حياة أسرية سعيدة 54 03-09-1433 هـ 09:00 مساءً


الساعة الآن 12:47 .