مهم .. مهم جدااا جدااا
V
V
( قبل ما ابتدي بسرد المقادير والطريقة ضروري تطبقون هالشي ضروري
عشان تطلع لكم الخبزة مثل اللي بالمطاعم هشة وطرية وتذوب بالفم ذوباااان
والطريقة هي انه بعد ماتسوون العجينة وتشكلونها وتصفونها بالصينية
ضروري جدا تغطونها بنايلون او سماط او تغطونها بصحن كبير وتخلونها
لمدة ساعتين بالكثير او ساعة على الاقل لاتخافون ماراح تخرب العجينة
ولاراح تحمض ابدااا ابدااا على مسؤليتي لان مافيها لا زبادي ولا لبن لانهم والله اعلم
وعلى ما اعتقد هم اللي يحمضون العجينة اذا طولت تخمير
فطريقتي خالية من الزبادي واللبن ولله الحمد انتم بس طبقوا المقادير وبتطلع تمام
بإذن الله .. )
نجي للمقادير :
( بامكانكم تستغنون عن طريقتي وتسوون عجينتكم المعتمدة
بس اهم شي تطبقون اللي قلت لكم عليه قبل ) ..
مقادير عجينتي هي :
كاس حليب سائل
كاس ماء
ربع كاس زبدة او زيت
4 ونص كاس دقيق
ملعقة خميرة
ملعقتين سكر
1 ونص ملعقة شاي من الملح
بيضة ( ماتكون باردة وحرارتها من حرارة المطبخ )
الطريقة :
نحضر قدر ونضيف عليه كاس الحليب والماء والزبدة
ونسخنهم ع النار لحد مايكون دافي انتبهوا لاتخلونه يغلي
بس يصير دافي وبعدها نصكر ع النار ونخليهم
على جنب ..
بعد كذا نحضر العجانة لانها هي الافضل وافضل من
العجن باليد واختصار للوقت ونضع في العجانة كاس وثلاث ارباع الكاس
من الدقيق ثم الخميرة والسكر والملح ونخلطهم جيدا ثم بعدها نضيف
خليط الحليب والبيضة ونحركهم جيدا ... نضيف باقي الطحين كل مرة
نصف كوب يعني بالتدريج لحد ماتتماسك ونتركها بالعجانة تعجن من 5 - 8 دقائق
الى ان تصبح العجينة كتلة ملساء ماتلتصق باليد وبنفس الوقت طرية ولينة
ومو قاسية لانه اذا صارت قاسية ماراح يضبط الخبز معنا وبيكون يابس
غير مرغوب ..
نغطي العجينة ونتركها ربع ساعة ..
بعد ربع ساعة نقطعها قطع وسط او صغيرة تكون متساوية
عشان نسوي فيها الصمون ..
نفرد كل قطعة على شكل دائري بسمك نصف سم ..
نلفها على شكل رول ونلصق اطرافها ونغلقها جيدا من الاسفل ومن الاطراف ..
نضع القطع في صينية الخبز المدهونة بالزيت ونضع الجهة الملصوقة
على اسفل ندهنها بحليب ابوقوس او قليل من حليب البودرة مع قليل من الماء
نغطي الصينية بنايلون او سماط مثل ماقلت سابقا ونتركها ساعتين او ساعة
لحد ماتتخمر مررررة وتنتفخ بشكل كبير بعد كذا ندخلها الفرن الحار على طووول
والافضل تكون النار فوق وتحت بنفس الوقت عشان تنخبز بسرعة ..
وبعد ماتتحمر نطلعها ونغطي الصينية بفوطة ونخليها تبرد شوي وتلين
بعد كذا نفتح الصمون على جنب ونحشيه بأي حشوة تحبونها
والطعم ولا ألذ والخبز يذوب ذوبان بالفم يعني بنفس خبز المخابز ..
أنظف واحسن وافضل ..
يقدم بصحن وألف صحة وهناء على قلوبكم ..
ملاحظة :
العجينة تنفع للفطائر والتارت والسينمون وكب كيك مالح وكل شي تنفع له
ادعوا لي بالشفاء العاجل انا وولدي وابوي وجميع مرضى المسلمين
لاحرمكم الله الاجر ..
الله يجزااك خير ياام بياان ويلبسك ثوب الصحة أنتي وولدك وابوك وجميع مرضى المسلمين.