ازيكم اخواتى فى الله يا رب تكونوا كلكم بخير
ان شاء الله هنعمل سواء بلح الشام اللذيذ الخفيف ببضة واااااحدة بسسسس ...تخيلى ؟؟
ادى صورة تشويقية
بسم الله نبدا
المقادير
كوب و نصف دقيق
كوب ماء
بيضة مخفوقة مع رشة فانيلا
معلقة كبيرة سمن
زيت للتحمير
شربات او شيرة ( كوب و نص سكر+كوب ماء + معلقة صغيرة عصير ليمون )
الطريقة
** نضع الماء فى اناء على النار حتى يغلى و نضيف اليه معلقة السمن
** نبعد الاناء من على النار و نضيف الدقيق دفعة واحدة و نقلب بسرعة لغاية ما يختفى الدقيق و تتكون عندنا عجينة
** هنسيب العجينة تبرد و بعدين نضيف اليها البيضة المخفوقة ( ممكن ننقل العجينة فى طبق اخر عشان تبرد بسرعة
و بعد ما تبرد نضيف البيضة و نعجنها بايدينا )
**هناخد العجينة و نضعها فى كيس الحلوانى و نشكل اصابع الاول
** تقلى الاصابع فى زيت ساخن لغاية ما تاخد اللون الذهبى الجميل مع مراعه عدم وضع اصابع بلح الشام بكثرة فى المقلاه عشان كل اصبع ياخد حقه فى اللون الجميل و السوا الكامل
** و بعد ما نطلعه من المقلاه نضعه على مناديل عشان يمتص الزيت الزائد و بعدين نضعه فى الشربات او الشيرة
و ممكن نزين اطرافه بجوز الهند
ياااااااارب موضوعى البسيط يعجبكم
و بطلب منكم دعوة حلوة ان ربنا يكرم امى و زوجى و انا و كل مشتاق بزيارة بيت الله الحرام
احبكم فى الله
فى رعاية الله و حفظه
