السلام عليكم و رحمة الله و بركاته
كيفكن يا حلوات؟
بناء على طلب كم عضوة راح انزل هالموضوع لانو شفت انو كتير بنات عم يمروا بهاد الشي يلي اسمو " فتور او برود الخطيب "
راح انزل الموضوع على فقرتين , الفقرة الاولى : يلي بدها تتبع قاعدة التطنيش والثقل مع خطيبها و ما بتقدر
و الفقرة التانية يلي ما بدها تتقل و بنفس الوقت خطيبها يرجع متل ما كان بالبداية يحكي معها
و الطريقتين انا جربتون شخصيا و فادوني كتير
هالطرقتين عبارة عن استنتاجاتي بحكم انو عمري 17 و اكبر وحدة بالبيت فما في مين ينصحني كتير
بتمنى اي بنت مخطوبة تختار يلي تناسبها و اتطبقها و تدعيلي
قلبي له @klby_lh
محررة برونزية
يلزم عليك تسجيل الدخول أولًا لكتابة تعليق.
قلبي له
•
تانيا: يلي ما بدها تتقل و بنفس الوقت خطيبها يرجع متل ما كان بالبداية يحكي معها
مثلا يلي بتشكي انو خطيبها بارد ,حبيباتي كونوا بنات ذكيات حتى لو هو ما عبرك متل قبل. انا عن نفسي كنت انزعج انو ما بيحكيني حلو متل ما كنت اسمع انو فلانة خطيبها بيدللها و فلانة خطيبها طيرها بالسما الخ مع انو انا ما كنت مقصرة بشي و بما انو انا اكبر وحدة من اخواتي و اول وحدة بتنخطب بالبيت و ما بحب احكي لحدا صرت اعالج مشاكلي لحالي لحد ما توصلت لكم نتيجة قدرت اخلي خطيبي متل ما بدي .
فاستنتجت انو شخصية خطيبي و كل واحد بيتصرف متل خطيبي فيني اوصفها ب " شخصية بتاخد و ما بتعطي " يعني بيحب الدلع , الكلام الحلو , الوحدة تكون دايما مبتسمة , اسلوبها بالحكي حلو بس بالمقابل ما بيعطيكي شي !
اما انا و انتوا منحب الواحد يهتم فينا مشان نحس بالحب و الامان . بشكل عام البنات بيحبوا الحكي الحلو اما الرجال فالعكس بيحبوا الافعال !! و يلي خلاني اتاكد من هالشي لما قلتلو لخطيبي : احكي معي حلو انت متغير عن قبل , قلي : انا ما بحب الحكي الكتير , ما بتملي من الحكي اذا بقلك ع طول؟ الافعال عندي اهم !!!
انا اخر مرة قلت خلص اذا هلا بارد كيف بعدين؟ بس صليت استخارة و قعدت فكر بشخصيتو و شخصيتي و كيف فيني اربط بيناتون مشان اتفادي المشاكل و الحمد لله توصلت لحل :
1- اهم شي الدعااااااااااااااااء , ادعي بكل صلاة بالسجود انو الله يهدي خطيبك و يجعل حبو بقلبك و حبك بقلبو و يلين و يحنن قلبو عليكي
2- الاستغفار , والله مفعولو سحري ! استغفري 100 مرة باليوم و وكلي امرك لله
3- لازم تصارحي خطيبك بكل شي عم يدور ببالك و راح قلك انو هالحوار ما راح ينجح من اول مرة او ممكن ينجح لفترة معينة يومين , اسبوع , شهر و بعدين يرجع متل قبل , فنصيحتي مني الك ما تملي و لازم تصبري مشان توصلي لنتيجة . انا لبين ما عدلتو ضليت 5 شهور !!
** انا ما بعرف كيف عاداتكن او اذا في زيارات ولا لا , اذا في زيارات ممكن تعطري الصالون وين راح تقعدوا و تجهزي شي خفيف ( فطاير او حلويات بسيطة و عصير ) و تستقبلي بابتسامة و تخبري انو في موضوع مهم بالنسبة الك و لازم تحكوا مع بعض مشان تحلوا و انت و شطارتك نقي الكلمات
** اذا بس مكالمات بالجوال او النت نفس الشي احكي بلهجة حلوة و قليلو في شي بقلبي و حابة انك تسمعني لاني بحبك و مالي غيرك بس بدي اياك تسمعني للاخر
** اذا انت من النوع الخجول يلي متل حالتي يعني ههه اذا انت شاطرة بكتابة قصص , اكتبي قصة عنك و عنو بس غيري الاسماء و الاعمار يعني ع اساس حدا تاني و ابعتي الرسالة عالبريد الالكتروني
مثلا :
منى : حلوة , طموحة , بتحب خطيبها , عمرها 20 , بنت حساسة و بتحب انو تحس بالامان و تشعر بالحب و الاهتمام , رومانسية ( باختصار حطي مواصفاتك و شو بتحبي بس غيري العمر و الاسم )
محمد : شب ملتزم , بيحب خطيبتو بس من النوع يلي ما بيعرف يعبر ( نفس الشي حطي مواصفاتو و صفاتو )
بعدين اكتبي اديش بتحب منى محمد و العكس بس مع هيك منى زعلانة و كل يوم بتبكي و بتسال حالها ليش محمد هيك بيعاملها ( حطي كل شي ببالك و كل شعورك اتجاهو و اتجاه اهمالو )
بعدين اكتبي انو منى لجات لربها و عرفت انو هو الوحيد يلي بيالف بين قلوبهم و دعيت بكل صلاة و فكرت انو تبعت رسالة لخطيبها انو تبين فيها شعورها فبيوم من الايام رن الموبايل فشافت رقم خطيبها و استغربت انو مو بالعادة يتصل فردت و خطيبها بلش يحكي معها حكي حلو فعرفت انو الله استجاب لدعائها و انو محمد قرا القصة و فهم مين كان المقصود و وعدها انو يتغير و تزوجوا و جابوا بنات و صبيان و ما زعلوا من وقتها ابدا و ضلوا متل العرسان
يعني فينك تكتبيلو متل هيك قصة و تبعتيها و لما تشوفي فتح اسالي عجبتك القصة و شوفي شو رايو و بعدين فاتحي بالموضوع و قلو بتعرف مين هدول و قليلو انو المقصود انت و هو و بلشي احكي بالموضوع بس بطريقة حلوة , طبعا انا ما الفتلك قصة كاملة بس عطيتك هيك كم فكرة ممكن اتضيفيها اذا حابة تكتبي لانو بتخجلي تحكي او بتتلبكي او بتحسي انو ما راح تقدري تحكي كل يلي براسك .
4- بعد ما حكيتي معو و قلتي شو زعلك فهمي انو البنت مو متل الزلمة , البنت رقيقة بتحب تسمع الحكي الحلو من زوجها بالمقابل هي راح تحطو بعيونها
5- هاد النوع بيحب اذا اجى من الشغل تقليلو ( الله يعطيك العافية يا قلبي والله تعبت ) يعني باختصار بيحب يحس انو في حدا جنبو , ذكري و بكل الايجابيات يلي عملك اياها و اشكري , بالبداية اول ما يحكي معك حكي حلو قليلو ( الله يخليلي اياك شو حنون ) فهمتي علي كيف؟
6- بعد ما عملتي كل هدول فينك تبعتيلو رسالة عالبريد و تكتبي فيها حكي حلو اديش فرحانة انو الله بعتلك واحد متلو بيحبك و بيحكي معك حلو ( حتى لو كل سنة كلمة ههه المهم امدحي هيك مشان تجبري انو يحكي معك هيك )
7- بعد ما تبعتيلو الرسالة و يقراها اسالي اذا عجبتو و اتفقي معو انو مرة هو يبعتلك و مرة انت و بتقرري انو احلى رسالة حب ( هيك راح يتعود انو يرسلك دايما حكي حلو )
8-امدحي قد ما تقدري قليلو انا بحسك متل الاب بالحنان و متل الاخ بالتفاهم و متل الحبيب بالرومنسية و متل الزوج بالمسؤولية , و انا راح حافظ عليك و حطك جوا عيوني ( طبعا هون اظن ما راح يضل ساكت راح يقلك و انت محلك بالقلب الخ )
9- لبين ما يتعود يحكي معك حلو فينك تطرحي عليه اسئلة , مثلا انا حبيبي ( اسمو ) و انت مين حبيبتك ؟ ( راح يقول اسمك ) قليلو يا الله اديش حلو منك اسمي , مين عمرك؟ و الخ
10 - امدحي اهلو قولي مثلا الله يخليلك اهلك و يطول بعمرهم و الله بينحطوا عالراس و طيبين بحسون اهلي ( ما بعرف اذا في تواصل بينك و بين اهلو بس انا بحكم انو هو ابن عمتي بقلو هيك و لاحظت انو بينبسط )
11- اذا عملتي اي شي للاكل ( بيتزا , فطاير , سلطة )مو مهم شو المهم صوريها و ابعتيلو الصورة ( طبعا زيني الاكل ) و قليلو اشتهيتك ناكل مع بعض
12- خطيبي قلي بلسانو انو بيحب الوحدة تكون فرفوشة ما تكون نكدية , فانت اي كلمة منو ما عجبتك بشطارتك فينك تحوليها لصالحك و بكم كلمة حلوة والله بينجن
13- اذا بعد كل هالشي ما نفع معو قليلو متل ما انت بتحب تسمع حكي حلو و اهتم فيك انا نفس الشي بحب اسمع منك حكي حلو و تهتم فيني اكتر و انا والله ماني شايفة حالي مقصرة معك يا عمري فقلي ليش عم تتعامل معي هيك , شفت مني شي زعجك ؟ اذا في شي قلي مشان صلح من حالي
و بعيد و بكرر الزموا الدعاء و ما تفكروا انو يلي كتبت راح يجيب مفعول سحري بين يوم و ليلة لازم تصبروا و متل ما قلت معي اخد وقت 5 شهور و كمان اذا عملتي شغلة من هدول و ردة الفعل ما عجبتك حولي الموضوع لصالحك بشطارتك.
مثلا لما انا كتبت القصة و بعتها برسالة قلي شو يعني انا ما بحبك؟ لازم 24 ساعة قلك بحبك يعني ما بتعرفي اني بحبك فقلتلو انا بحب اسمعها دايما البنت مو متل الزلمة و كنت ميتة زعل جواتي و كنا متزاعلين وقتها فقلتلو طيب انا بدي نام هلا و بس فيق منحكي اذا لقيتك فاتح ( والله بعتلي رسالة عالموبايل و انا نايمة عم يعتذر من اسلوبو معي )
احيانا بيكون مضغوط من الشغل خطيبك فاتفهمي و اشكري على تعبو و هو وقتها راح يبادلك نفس الكلام لانو حس انو في حدا عم يساندو و عم يخفف عنو التعب بكم كلمة , صدقيني الرجال عقلو متل الولد الصغير , شفتي كيف الولد الصغير بتكسبي اذا حكيتي معو حلو و ضحكتي عليه بكم كلمة؟ بيصير يلزق فيكي ما بدو حدا غيرك , بدو يلعب معك , ينام معك . ياكل بس منك , هيك كمان الرجال بس لازم تعرفي الطريقة . و انا لاحظت انو هاد النوع قلبون كتير طيب و بيحبوا لدرجة الجنون بس المشكلة ما بيعبروا او ما بيعرفوا يعبروا لانو بيحسوا الكلام حكي فاضي لا بيودي و لا بيجيب شي , الافعال اهم عندون فانت فهمي خطيبك انو لازم كمان حكي.
** هي بالنسبة للبنات يلي بيحبوا يتبعوا هي الطريقة و بالاخير بتمنى الخير لكل البنات بحياتن الزوجية
مثلا يلي بتشكي انو خطيبها بارد ,حبيباتي كونوا بنات ذكيات حتى لو هو ما عبرك متل قبل. انا عن نفسي كنت انزعج انو ما بيحكيني حلو متل ما كنت اسمع انو فلانة خطيبها بيدللها و فلانة خطيبها طيرها بالسما الخ مع انو انا ما كنت مقصرة بشي و بما انو انا اكبر وحدة من اخواتي و اول وحدة بتنخطب بالبيت و ما بحب احكي لحدا صرت اعالج مشاكلي لحالي لحد ما توصلت لكم نتيجة قدرت اخلي خطيبي متل ما بدي .
فاستنتجت انو شخصية خطيبي و كل واحد بيتصرف متل خطيبي فيني اوصفها ب " شخصية بتاخد و ما بتعطي " يعني بيحب الدلع , الكلام الحلو , الوحدة تكون دايما مبتسمة , اسلوبها بالحكي حلو بس بالمقابل ما بيعطيكي شي !
اما انا و انتوا منحب الواحد يهتم فينا مشان نحس بالحب و الامان . بشكل عام البنات بيحبوا الحكي الحلو اما الرجال فالعكس بيحبوا الافعال !! و يلي خلاني اتاكد من هالشي لما قلتلو لخطيبي : احكي معي حلو انت متغير عن قبل , قلي : انا ما بحب الحكي الكتير , ما بتملي من الحكي اذا بقلك ع طول؟ الافعال عندي اهم !!!
انا اخر مرة قلت خلص اذا هلا بارد كيف بعدين؟ بس صليت استخارة و قعدت فكر بشخصيتو و شخصيتي و كيف فيني اربط بيناتون مشان اتفادي المشاكل و الحمد لله توصلت لحل :
1- اهم شي الدعااااااااااااااااء , ادعي بكل صلاة بالسجود انو الله يهدي خطيبك و يجعل حبو بقلبك و حبك بقلبو و يلين و يحنن قلبو عليكي
2- الاستغفار , والله مفعولو سحري ! استغفري 100 مرة باليوم و وكلي امرك لله
3- لازم تصارحي خطيبك بكل شي عم يدور ببالك و راح قلك انو هالحوار ما راح ينجح من اول مرة او ممكن ينجح لفترة معينة يومين , اسبوع , شهر و بعدين يرجع متل قبل , فنصيحتي مني الك ما تملي و لازم تصبري مشان توصلي لنتيجة . انا لبين ما عدلتو ضليت 5 شهور !!
** انا ما بعرف كيف عاداتكن او اذا في زيارات ولا لا , اذا في زيارات ممكن تعطري الصالون وين راح تقعدوا و تجهزي شي خفيف ( فطاير او حلويات بسيطة و عصير ) و تستقبلي بابتسامة و تخبري انو في موضوع مهم بالنسبة الك و لازم تحكوا مع بعض مشان تحلوا و انت و شطارتك نقي الكلمات
** اذا بس مكالمات بالجوال او النت نفس الشي احكي بلهجة حلوة و قليلو في شي بقلبي و حابة انك تسمعني لاني بحبك و مالي غيرك بس بدي اياك تسمعني للاخر
** اذا انت من النوع الخجول يلي متل حالتي يعني ههه اذا انت شاطرة بكتابة قصص , اكتبي قصة عنك و عنو بس غيري الاسماء و الاعمار يعني ع اساس حدا تاني و ابعتي الرسالة عالبريد الالكتروني
مثلا :
منى : حلوة , طموحة , بتحب خطيبها , عمرها 20 , بنت حساسة و بتحب انو تحس بالامان و تشعر بالحب و الاهتمام , رومانسية ( باختصار حطي مواصفاتك و شو بتحبي بس غيري العمر و الاسم )
محمد : شب ملتزم , بيحب خطيبتو بس من النوع يلي ما بيعرف يعبر ( نفس الشي حطي مواصفاتو و صفاتو )
بعدين اكتبي اديش بتحب منى محمد و العكس بس مع هيك منى زعلانة و كل يوم بتبكي و بتسال حالها ليش محمد هيك بيعاملها ( حطي كل شي ببالك و كل شعورك اتجاهو و اتجاه اهمالو )
بعدين اكتبي انو منى لجات لربها و عرفت انو هو الوحيد يلي بيالف بين قلوبهم و دعيت بكل صلاة و فكرت انو تبعت رسالة لخطيبها انو تبين فيها شعورها فبيوم من الايام رن الموبايل فشافت رقم خطيبها و استغربت انو مو بالعادة يتصل فردت و خطيبها بلش يحكي معها حكي حلو فعرفت انو الله استجاب لدعائها و انو محمد قرا القصة و فهم مين كان المقصود و وعدها انو يتغير و تزوجوا و جابوا بنات و صبيان و ما زعلوا من وقتها ابدا و ضلوا متل العرسان
يعني فينك تكتبيلو متل هيك قصة و تبعتيها و لما تشوفي فتح اسالي عجبتك القصة و شوفي شو رايو و بعدين فاتحي بالموضوع و قلو بتعرف مين هدول و قليلو انو المقصود انت و هو و بلشي احكي بالموضوع بس بطريقة حلوة , طبعا انا ما الفتلك قصة كاملة بس عطيتك هيك كم فكرة ممكن اتضيفيها اذا حابة تكتبي لانو بتخجلي تحكي او بتتلبكي او بتحسي انو ما راح تقدري تحكي كل يلي براسك .
4- بعد ما حكيتي معو و قلتي شو زعلك فهمي انو البنت مو متل الزلمة , البنت رقيقة بتحب تسمع الحكي الحلو من زوجها بالمقابل هي راح تحطو بعيونها
5- هاد النوع بيحب اذا اجى من الشغل تقليلو ( الله يعطيك العافية يا قلبي والله تعبت ) يعني باختصار بيحب يحس انو في حدا جنبو , ذكري و بكل الايجابيات يلي عملك اياها و اشكري , بالبداية اول ما يحكي معك حكي حلو قليلو ( الله يخليلي اياك شو حنون ) فهمتي علي كيف؟
6- بعد ما عملتي كل هدول فينك تبعتيلو رسالة عالبريد و تكتبي فيها حكي حلو اديش فرحانة انو الله بعتلك واحد متلو بيحبك و بيحكي معك حلو ( حتى لو كل سنة كلمة ههه المهم امدحي هيك مشان تجبري انو يحكي معك هيك )
7- بعد ما تبعتيلو الرسالة و يقراها اسالي اذا عجبتو و اتفقي معو انو مرة هو يبعتلك و مرة انت و بتقرري انو احلى رسالة حب ( هيك راح يتعود انو يرسلك دايما حكي حلو )
8-امدحي قد ما تقدري قليلو انا بحسك متل الاب بالحنان و متل الاخ بالتفاهم و متل الحبيب بالرومنسية و متل الزوج بالمسؤولية , و انا راح حافظ عليك و حطك جوا عيوني ( طبعا هون اظن ما راح يضل ساكت راح يقلك و انت محلك بالقلب الخ )
9- لبين ما يتعود يحكي معك حلو فينك تطرحي عليه اسئلة , مثلا انا حبيبي ( اسمو ) و انت مين حبيبتك ؟ ( راح يقول اسمك ) قليلو يا الله اديش حلو منك اسمي , مين عمرك؟ و الخ
10 - امدحي اهلو قولي مثلا الله يخليلك اهلك و يطول بعمرهم و الله بينحطوا عالراس و طيبين بحسون اهلي ( ما بعرف اذا في تواصل بينك و بين اهلو بس انا بحكم انو هو ابن عمتي بقلو هيك و لاحظت انو بينبسط )
11- اذا عملتي اي شي للاكل ( بيتزا , فطاير , سلطة )مو مهم شو المهم صوريها و ابعتيلو الصورة ( طبعا زيني الاكل ) و قليلو اشتهيتك ناكل مع بعض
12- خطيبي قلي بلسانو انو بيحب الوحدة تكون فرفوشة ما تكون نكدية , فانت اي كلمة منو ما عجبتك بشطارتك فينك تحوليها لصالحك و بكم كلمة حلوة والله بينجن
13- اذا بعد كل هالشي ما نفع معو قليلو متل ما انت بتحب تسمع حكي حلو و اهتم فيك انا نفس الشي بحب اسمع منك حكي حلو و تهتم فيني اكتر و انا والله ماني شايفة حالي مقصرة معك يا عمري فقلي ليش عم تتعامل معي هيك , شفت مني شي زعجك ؟ اذا في شي قلي مشان صلح من حالي
و بعيد و بكرر الزموا الدعاء و ما تفكروا انو يلي كتبت راح يجيب مفعول سحري بين يوم و ليلة لازم تصبروا و متل ما قلت معي اخد وقت 5 شهور و كمان اذا عملتي شغلة من هدول و ردة الفعل ما عجبتك حولي الموضوع لصالحك بشطارتك.
مثلا لما انا كتبت القصة و بعتها برسالة قلي شو يعني انا ما بحبك؟ لازم 24 ساعة قلك بحبك يعني ما بتعرفي اني بحبك فقلتلو انا بحب اسمعها دايما البنت مو متل الزلمة و كنت ميتة زعل جواتي و كنا متزاعلين وقتها فقلتلو طيب انا بدي نام هلا و بس فيق منحكي اذا لقيتك فاتح ( والله بعتلي رسالة عالموبايل و انا نايمة عم يعتذر من اسلوبو معي )
احيانا بيكون مضغوط من الشغل خطيبك فاتفهمي و اشكري على تعبو و هو وقتها راح يبادلك نفس الكلام لانو حس انو في حدا عم يساندو و عم يخفف عنو التعب بكم كلمة , صدقيني الرجال عقلو متل الولد الصغير , شفتي كيف الولد الصغير بتكسبي اذا حكيتي معو حلو و ضحكتي عليه بكم كلمة؟ بيصير يلزق فيكي ما بدو حدا غيرك , بدو يلعب معك , ينام معك . ياكل بس منك , هيك كمان الرجال بس لازم تعرفي الطريقة . و انا لاحظت انو هاد النوع قلبون كتير طيب و بيحبوا لدرجة الجنون بس المشكلة ما بيعبروا او ما بيعرفوا يعبروا لانو بيحسوا الكلام حكي فاضي لا بيودي و لا بيجيب شي , الافعال اهم عندون فانت فهمي خطيبك انو لازم كمان حكي.
** هي بالنسبة للبنات يلي بيحبوا يتبعوا هي الطريقة و بالاخير بتمنى الخير لكل البنات بحياتن الزوجية
الله يوفقك دنيا وآخره
ويزيد حبك بقلب خطيبك ويتمم امرك على خير
تعبناك معنا يا حلوووه
نعتذر منك لكن يشهد ربي كلامك درر
ويزيد حبك بقلب خطيبك ويتمم امرك على خير
تعبناك معنا يا حلوووه
نعتذر منك لكن يشهد ربي كلامك درر
ماشاء الله كلام كثير حلو وسلس
الله يسخركم لبعض ويوفقكم
والله يكتب لي الزواج عاجلا غير آجلا وبنات المسلمين
الله يسخركم لبعض ويوفقكم
والله يكتب لي الزواج عاجلا غير آجلا وبنات المسلمين
الصفحة الأخيرة
حبيباتي انا ما بنصحكن اتطبقوا هالخطوات الا اذا متاكدة انو هاد الوضع ما راح يزيد الطين بلة .
لانو في رجال ما بيحبوا هاد الاسلوب حتى لو هن طنشوا , فبنصح اي وحدة تحلل شخصية خطيبها و بعدين اذا شافت انو ما في اي مشكلة اتطبق
1- اكثري من الاستغفار و الدعاء
انا دايما بدعي " اللهم حنن قلبه علي " او " اللهم اجعل حبه في قلبي و اجعل حبي في قلبه , اللهم اني استودت قلبه و نظره " و ان شاء الله بتشوفي النتيجة
2- اشغلي نفسك باي شي مشان تلهي نفسك حتى لو بالبداية صعب
مثلا اقراي كتب, تعلمي الطبخ , اقراي قران , اعتني بحالك و ساوي ماسكات و خلطات لشعرك و الخ
3- اعملي حالك انت كمان مشغولة يعني اذا اتصل ولا ما اتصل نفس الشي عندك
( بس انتبهي لازم تعرفي كيف تتعاملي مشان ما تنقلب عليك !! )
4- استني هو يتصل و يسال عنك بس من فترة لفترة مشان ما يفكر انك ما بتحبي او ما بدك اياه ما في مانع مثلا بالشهر تبعتيلو رسالة حلوة
5- بس يتصل احكي معو عادي ( ما تفرجي انك زعلانة او مقهورة انو ما عاد يحكي متل قبل !! ) و ما اتطولي مثلا يلا عن اذنك انا مضطرة سكر لانو .... مشان يشتاقلك
6- لا تكتري اسئلة
ليش ما اتصلت؟ ما بتحبني؟ ليش تغيرت؟ و الخ لان الرجال ما بيحب هاد الاسلوب و احيانا بيمروا بفترة بيكونوا مشغولين او مو طايقين حالون فبتيجي انت و بتبلشي اسئلة فشي طبيعي يمل و ما يحكي
7- لازم تعرفي انو عقلية الرجال مو متل عقلية البنات
8- لازم تعرفي التقل كيف , لانو مو اي تقل محمود و فينو يجيب نتيجة عكسية !
** هاد بالنسبة للبنات يلي حابين يتقلوا و ان شاء الله تستفادوا من يلي كتبتو