ملف don لجميع حلويات العيد المصرية

[don]

رابعا: الغريبة

[frame="7 80"]

الغريبة
كيلو دقيق
1/8 كيلو سكر بودرة
بيضة – فانيليا
1/2 كيلو سمن
1/2 معلقة صغيرة ممسوحة بيكنج بودر
الطريقة:
نضرب السمن الاول لوحدة كويس
نضع علية السكر ونضربهم كويس مع بعض لحد ما يبقوا
زى الكريمة و لونهم يبقى ابيض نضع عليهم البيضة و الفانيليا
نضع البيكنج بودر على الدقيق و نضع الدقيق شوية شوية
على الخليط السابق الى ان تتكون عندنا العجينة
نشكلها على هيئة كور صغيرة ونضع فى منتصف كل كرة
اما قرنفلة تنغزيها فى العجينة مش حيبقى باين منها الا الوردة
اللى فوق – او نص فستقة – او نص لوزة مقشرة –
او ملبسة فضى اللى بتبقى مدورة زى الكرة و ناشفة و لونها فضى –
او واحدة صنوبر
نرصص الغريبة فى الصوانى و ندخلها الفرن و خلى بالك
ان لونها مش حيتغير انتى ابقى بصى عليها من تحت
حتلاقيها لونها اغمق شوية و مسك نفسة كدة خلاص تخرجيها من الفرن
ملحوظة :
بمجرد ما تطلع الغريبة من الفرن وهى سخنة تكونى مجهزة سكر بودرة
فى مصفاة صغيرة و تروحى رشة عليها مباشرة السكر البودرة وهى سخنة
فى الصينية و بالهنا و الشفا
ملحوظة : معظم الناس بتعمل الغريبة ببياض البيض فقط من غير الصفار لكن انا
بعملها بالبيضة كاملة و التجربة خير برهان

[/frame]

[frame="7 80"]

الغريبة2

1 كيلو دقيق
1 كوب سكر ناعم
3 كوب سمن مجمد
1 بياض بيضه
فانيليا

الطريقة
نضرب السمن الاول لوحدة كويس
نضع علية السكر ونضربهم كويس مع بعض لحد ما يبقوا
زى الكريمة و لونهم يبقى ابيض نضع عليهم البيضة و الفانيليا
نضع البيكنج بودر على الدقيق و نضع الدقيق شوية شوية على
الخليط السابق الى ان تتكون عندنا العجينة
نشكلها على هيئة كور صغيرة ونضع فى منتصف كل كرة اما قرنفلة تنغزيها
فى العجينة مش حيبقى باين منها الا الوردة اللى فوق – او نص فستقة –
او نص لوزة مقشرة – او ملبسة فضى اللى بتبقى مدورة زى الكرة و ناشفة
و لونها فضى - او واحدة صنوبر
نرصص الغريبة فى الصوانى و ندخلها الفرن و خلى بالك ان لونها مش
حيتغير انتى ابقى بصى عليها من تحت حتلاقيها لونها اغمق شوية
و مسك نفسة كدة خلاص تخرجيها من الفرن

[/frame]

[don]

[frame="7 80"]

شكلمة اللوز

ثمن كيلو لوز مقشر
ثمن كيلو سكر بودرة
بياض 4 بيضات
كيس فانيليا
لوز مقشر او فواكة مجففة
الطريقة
يقشر اللوز ويفرم
نضيف له السكر وبياض البيض شوية شوية
لحد ما تتكون عجينة طرية
ثم نضع الفانيليا
نبطن صاج الفرن بورقة زبد مدهونة بالزبد ومرشوشة بالدقيق
نضع العجينة فى الكيس بالقمع ونشكلها ونضع فى كل واحدة
كريز مسكر او لوز تخبز فى فرن هادىء
فور خروجها من الفرن نلمعه بقليل من اللبن المحلى بالسكر

[/frame]



[frame="7 80"]

العدلية
كوب زبدة
كوب سكر (ناقص شوية)
بياض بيضة
فانيليا
نص معلقة بيكنج بودر
2 ونص كوب دقيق
سمسم
الطريقة
نضرب الزبدة والسكر كويس نضرب بياض البيض كويس
نضيفه للسكر والزبدة نضع البيكنج بودر على الدقيق
نضع الدقيق على المقدار نفرد العجينة ونرش على وشها
السمسم ونبطط بأيدنا علشان السمسم يمسك فى العجينة
نقطعها اصابع بالسكينة مثل المنين وندخله الفرن
بتبقى طعم الغريبة

[/frame]


انا كدة خلصت الملف كلة الحمد لله ،
دة كل اللى فى الملف المرفق .
ولو فية اى اسئلة اواستفسارات انا جاهزة للرد
ومنتظرة رايكم فى الملف

[Amarige]

ما شاء الله لا قوة الا بالله

تسلم ايدك و عينك على المجهود الجبار و على حبك و اخلاصك لينا يا دون

ربنا يجعلة فى ميزان حسناتك و يباركلك فى اولادك وزوجك

كل عام و انت بخير و صحة وعافية حبيبتى

[Amarige]

حبيبتى كنت عايزة اسالك

الكحك بالذبادى

هل نسيح السمن؟

[om_s_ali]

مشكوووووووووورة
وسلمت يدااااااك على الملف الرائع والحلو

[FANDA]

تسلم إيدينك

[don]

Amarige و om_s_ali و FANDA كل عام وانتم بخير وشكرا لمشاركتكم الحلوة



Amarige بالنسبة لسؤالك احنا هنا بنعمله على البارد من غير مانقدح السمنة والسمنة بتستخدميها من العلبة على طول

[egypt-jasica]

كل سنة وأنتى طيبه يا دندون

عيد مبارك عليكم جميعا

[Noody30]

كل سنة و انتي طيبة يا دندونة، تسلم ايديكي على الملف الجديد

جزاكي الله خيرا يا قمر و جعله في ميزان حسناتك

[ghidaa]

كل عام و انتم بخير
ماشاء الله رائع
دون انا عايزة اشكرك جدا انا عمري ما عملت اي مربي قبل كدة و فجأة جوزي نفسة
في مربى القرع و انا ما اعرفهاش اصلا فقلت في نفسي عيب يا بتت و على ملف دون عدل و عملتة و طلع رائع بجد
ما صدقتش نقسي ربنا يحفظك و تفرحي بولادك