09-06-1434 هـ, 10:10 مساءً
سلامو
كيفكم صبايا ..؟!




حبايبي واللهي مني عارفه ايش اسوي 
اخوات خطيبي وبنات اخواتو بيتجمعو عندي يوم الخميس الجاي وهما يصيرو بنات عمة ماما 
وتعرفو كلهم بنات بسني تقريبا من المتوسط للجامعه
ومرا ماني عارفه ايش اسوي مرتبكه ومتوتره
مع انو دايمن يجوني صحباتي وعادي نطبخ ونحوس كل الدونيا
بس مني عارفه ايش اطبخ لهم ايش اسوي لهم
وصعبه اجيب من برا لانو هما طبيخات مشاء الله 
فا ياريت حبايبي تدوني اصناف بناتيه كدا لزيزه لانو هما حيجوني على العشا 




كدا شوفو انا ايش حسوي
حجيب ايس كريم - عصيرات - كب كيك - شبسات - شوكلا منوعه
وححوط فواكه وحسوي تشيز كيك - قهوة ماليزيه - قهوه عربيه - نسكافه - موكا بارد - شوكلا ساخنه
وفطاير وورق عنب - ملفوف - بسكوت مالح - كيك النسكافه - كيك بالمايونيز - 
الفتوتشيني - مكرونه بالباشميل - وصينية مصقعه - وكباب وبطاطس مقلي - مشويات 
منتو - سلطة سيزر - تبوله - فتوش - بابا غنوج - حمص - سلطه بيضا - سلطه عاديه
وحنشكل 4 انواع حلا كاسا للسفره




بس لانو العزيمه مرا كبيرا حوالي 34 بنت ( صحباتي وبنات خالاتي و قريباتو )
 وحتكون في الملحق يعني حنتعشى برا في السطوح فا ابا رايكم باللي حسويه وابا كمان اكلات جديده وحلا جديد و حجات لزيزه بناتيه 
09-06-1434 هـ, 11:06 مساءً
ماشاءالله كفيتي ووفيتي
09-06-1434 هـ, 11:13 مساءً
ايش رايك تسوون باربيكيو مرررره وناسة خصوصا جمعة بنات
راح تستانسون
09-06-1434 هـ, 11:37 مساءً
سوي شكولاته سايحه ولا جيبي نافورة شكولا وحطي جنبها مارشملو وفراوله وفواكه
ان شاء الله افدتك
ادا تدكرت شي نطيت لك
09-06-1434 هـ, 11:51 مساءً
ياقلبي والله كذا تكتب

ياليت تعدليها


وبعدين ما شاء الله عليكي مانتي مقصره بس ايش كيك بالمايونيز ؟؟؟؟

وممكن تضيفي سندوتشات فاهيتا او مينني برغر او كلوب ساندويش او كبه مقليه وسمبوسه
وتسوين ا سندوتشات صغار وتلفيهم وومكن تسوي طبق رئيسي برياني دجاج مثلا او مقلوبه بدل المسقعه

والمكرونه خليها صنف واحد يا باشميل يافوتشيني وارشح الباشميل حبيب الجماهير وممكن تضيفي فيليه بروست او سمك بروست طبعا الفيليه
او قوارب الكوسا والبطاطس مابين المقبلات الى الوجبات
والمشروبات الحارة اشوف قهوة كثير قللي الى صنفين وجيبي مشروبات غازيه اريح ههههههه وعصاير ولبن


والحلا

ممكن سينابون وكب كيك ودونات
09-06-1434 هـ, 11:56 مساءً
رجعت لك بفكره خوقااااقيه وان شاء الله بتدعيلي

سوي مني باااار
حطي فيه عصائر فواره ومني سنابون واشاء كدا كتكوته
فكره حلوه وتشرفك وجديده
10-06-1434 هـ, 02:36 صباحاً
ماشاء الله مابقاء شي ....بتوووفيق
10-06-1434 هـ, 05:56 صباحاً
رفع
احبكم في الله
10-06-1434 هـ, 07:39 صباحاً
دام الجمعه كبيره. كثير عليك والله جيبي عشا جاهز وسوي حلي انتي وتفنني.  ليش التعب ذاكله.مايسوي عليكي وإذا كانو طبخات يعني.  تهدين عمرك. العدد كبير. ومعذوره انتي. احسن مايجي يوم العزومه. ووجهك مرهق من التعب.  وبكرا تتزوجي ويشوفو طبخك. عيبنا. احنا لما ننخطب. يكون أهل الزوج شغلنا كيف نوريهم. انو احنا نلبس ونطبخ.  ياستي. لاتحملي نفسك فرق طاقتها. تفني كم نوع حلي. وتفنني في طرقت التقديم. للحلي والعشي. وانتهينا لا يكلف الله نفسا الا مافي وسعهها لو سته أنفار بقولك أطبخي وتفنني. لكن العدد كبير. وهذا رأيي بصراحه.   غير كذا الأنواع مررره كثيره بالذات القهوه والسلطات.  نوعين يكفي سويهم واظبطيهم. وصلي الله وبارك وتعاليلهم. بنفس ونشاط احسن
10-06-1434 هـ, 08:39 صباحاً
دام الجمعه كبيره. كثير عليك والله جيبي عشا جاهز وسوي حلي انتي وتفنني.  ليش التعب ذاكله.مايسوي عليكي وإذا كانو طبخات يعني.  تهدين عمرك. العدد كبير. ومعذوره انتي. احسن مايجي يوم العزومه. ووجهك مرهق من التعب.  وبكرا تتزوجي ويشوفو طبخك. عيبنا. احنا لما ننخطب. يكون أهل الزوج شغلنا كيف نوريهم. انو احنا نلبس ونطبخ.  ياستي. لاتحملي نفسك فرق طاقتها. تفني كم نوع حلي. وتفنني في طرقت التقديم. للحلي والعشي. وانتهينا لا يكلف الله نفسا الا مافي وسعهها لو سته أنفار بقولك أطبخي وتفنني. لكن العدد كبير. وهذا رأيي بصراحه.   غير كذا الأنواع مررره كثيره بالذات القهوه والسلطات.  نوعين يكفي سويهم واظبطيهم. وصلي الله وبارك وتعاليلهم. بنفس ونشاط احسن


اخترنا لك هذا الموضوع:

اقرئي المزيد »

الساعة الآن 09:00 .

جميع الحقوق محفوظة - عالم حواء - 2015