اه من قلب نصحته @ah_mn_klb_nshth
محررة برونزية
لقيت بشنطه اختي حبوب منع حمل وهي مو متزوجه ياارب رحمتك
بسم الله الرحمن الرحيم
السلام عليكم ورحمه الله وبركااته
الحمدلله ياربي على كل حال :(
السالفه زي ماهي بالعنوان كنت ادور بشنطه اختي عن شغله ولقيت حبوب منع حمل
ماتتخيلووووون موقفي قسم بالله حسيت بعيوني ضبااب وزغلله ماعاد شوفت شي
رجعتها ورحت للمجلس بكيييييت لين ماعاد قدرت اتنفس صرت اضرب ع صدري زي المجنونه
طبعا اختي تشتغل بمجال الصحه وتداوم المستشفى
جلت ادوور بالبيت زي المجنوونه وامي تسالني اقول الدوره ومغص >> اكذب عليها ياارب سامحني
بالاخير عجزززت اواجهها رحت لاختي الكبيره وخبرتها وانصدمت بس ع طول راحت طلعتها من شنطتها ونادتها سكرت البااب وجلست تقريبا نص ساعه وطلعت اختي الكبيره وهي تبكي
انا انشليت ولاقدرت اتحررك من مكاني رحت سالتها قالت انتي روحي اساليها
دخلت غرفه اختي وسالتها وياااليتني ماسالتها
اااااه ياغصه الالم بداخلي لماعرفت اااه يارب رحمتك ولطفك
اختي طبعا من فتره لفتره يجيها صدااااع قووي وسوت اشعه رنين وقالت لنا انها سليمه
قالتلي تذكرين لما سويت رنين وقلت لكم سليمه قلت ايه
قالت كنت اكذب طلع عندي ورم حميد بالراس قريب من الغده النخاميه واستخدم هالحبوب عشان ماتاثر ع الهرمونات بالجسم
اااااااااااااااااااااااااااه ياارب لطفك ماعاد فيني اكتم ابغ انفجر بكيييت لين عيوني تعبت
قسم بالله صرت فجاء ابكي وانا عند الناس وانا مع زوجي وانا نايمه
طبعا اختي حلفتني ما اخبر احد وعندها اشعه ثانيه راح تسويها قريب وتتاكد ان الورم ماتغير
وهي تقول انها مطمنه انه بأذن الله حميد وكثييير استشاريين طمنوها وورتني الورم بالاشعه كان حجمه بالمليمترات
بس مشكله الورم مكانه حساااس وصعب يفتحون الجمجمه ويطلعونه
ي بنااات تكفوووون ادعولها يروح هالورم
تكفوون بصلاتكم بكل موقف روحاني تمرون فيه ادعولها
قبل الفطور وانتوا بالحرم وقت المطر وقت السفر بالثلث الاخير من الليل بكل اوقات الاجابه ادعولها
يااارب ياكريم ياعزيز ياذا الجلال والاكرام تسهل امر وتفرح قلب وتفرج هم كل من يدعي لاختي
قسم بالله ماعاد احس للدنيا طعم ولا احس بسعاده ولاشي يسعدني
شي مهم راح انبهكم عليه
اختي هذي ماشاااء الله تبارك الله جميلله لدرجه كبيره وذكيه وناااجحه بعملها
وداائما تحضر زواجات ومناسبات كبيره وتهمل اذكارها وااهم شي ربي مميزها بشعرها ماشاء الله تبارك الله ودااائما تعرضه بالمناسبات ويااما نصحناها ويااااما نااس والله حتى مانعرفهم ينصحونها
وينبهونها بس ماسمعت لهم
المهم ي اخواتي
انا كتب هنا ارتجي رحمه الله اولا ثم دعواتكم لاختي بالشفااء موعد اشعتها بعد كم شهر يارب تطلع سليمه يااارب
يااارب مافي مسلم يحس باللي احس فيه يااارب :(
والحمدلله على قضااائه وقدره
بنااات تكفووون قسم بالله الي فيني مكفييني وش ذا الكلام الله يسامحكم بس الي تقول اكشن والي تقول ليش تسيئون الظن ياااعالم افهموا اولا انا حطيت هالعنوان وربي انا مو حول اكشن اقصد فيه تدخلون تدعون لاختي وربي اني ماشكيت باختي ولااحد شك بس انا كنت حاسه ان فيه مشكله صحيه من ورا استخدامها للحبوب لاني دارسه طب وعارفه كل شي انا موشررط اقولكم بكل احاسيسي ولا كتبت بالموضوع اني شكيت باختي قسم بالله اشك بنفسي ولافيها اختي ماتخبي عننا شي ابدااا وعرفت انها كانت مخبيه الحبوب ان في شي مو مطمن الله يسااامحكم '''. تكفووون بس ادعولها طالبتكم
333
16K
يلزم عليك تسجيل الدخول أولًا لكتابة تعليق.
سيدة ذوات الحسن*
•
لاحول ولاقوة الا بالله الله يشفيهاا ي رب
اسال الله ان يشفيها وترجع لكم بصحه وعافيه
لازم تتعالج وحاولو تشدو من عزيمتها ولاتبكون وتتضايقون امامها المريض بحاجه الى الراحه النفسيه ترى لها دووور كبير ادري هذي اختكم وهالشي مب سهل بس لازم تصبرو وتقوو انفسكم
لازم تتعالج وحاولو تشدو من عزيمتها ولاتبكون وتتضايقون امامها المريض بحاجه الى الراحه النفسيه ترى لها دووور كبير ادري هذي اختكم وهالشي مب سهل بس لازم تصبرو وتقوو انفسكم
الصفحة الأخيرة