.: السلام عليكم ورحمة الله وبركاته :.
انا عضوة جديدة انضممت الى منتديات عالم حواء , وخلص بعدين ابي ترحيب وكذا هههه
خاني التعبير بصراحه ، المنتدى حقكم مره حلو رغم اني عادةً مجرد متصفحه ، الزبدة انا عندي مشكله كنت حابه اطرحها لكن قبل مااطرحها سبحان الله لقيت لها حل واستفدت منها كثير وحابه أفيد غيري لأنها بصراحه مشكله شائعه ..
.:...:.
بصراحة كثرت خلطات تكثيف وتطويل وتنعيم الشعر في هذا الوقت ، وانا شخصياً كنت مخليه شعري حقل تجارب هههه مع انه طويل،يعني اجرب كل شي ماخليت شي ، صبغت شعري يجي خمس مرات في خمسة اشهر ، كل شهر مره ، واقطع شعري والعب فيه واكويه، المهم جا الوقت الي احترق شعري فيه والله اني ندمت ندم , جلست ابكي شعري مأساه ، المهم انا ماببتعد كثير عن موضوع الخلطات ..:02:
(انا قصيت شعري قصير عشان ابتدي بخلطات اصلح فيه شعري ، من تقصف من حرق ، من تجعيد الي حصل نتيجة التجارب فيه هههه وفي وحده كذا قالت لي ليه تقصين شعرك كان سويتي كيراتين واليوكو ومدري وشو قلت لها لاتنسين ان شعري مصبوغ مااجازف مره ثانيه واخلي فيه اي شي).
:3_2_21v:
وبتكلم تحديداً عن الخلطات الي يدخل فيها عنصر الثوم ، انا قريت كذا موضوع عن الثوم وفوائده للشعر ، كثير الي تكلمو عنه وحتى اخصائيين يستظيفونهم ويتكلمون عنه وانتو عارفين .. طيب فين المشكلة ؟؟
المشكلة..!
المشكله اننا بنجرب اي شيء وبسسسسسس وهذا الشيء الي عانيت منه انا شخصياً وابتعدت عن الناس والصديقات والاهل .. انا ماأنكر فوائد الثوم الكبيره للشعر ،، شعري طال بسرعه رهيبه ،، وكثف ،، من جد وربي نتائج فعلاً ممتازه
حصلت عليها ورا خلطات الثوم ، كنت عارفة ان ريحة الثوم شينه بس ماتوقعتها كذا ناشبة بالشعر لفتره طويله وانا كل يوم اغسله يجي اربع او خمس مرات
والله من جد ماخليت شي غسلته بكل انواع المنظفات هههههه صابون بشره
صابون ملابس ... عشان اقضي على ريحتها وانا طالبه يعني شي محرررررج مره انحاش لايسلمون علي او يجلسون جنبي :icon36::icon36:
ورجع شعري يتساقط ويتلف بطلت اكل حتى طبق فيه ثوم ولا بصل
من جد عااااااااانيت معاناة ,
زي ماقلت لكم انا كان ودي اطرح المشكله هنا ، لكني لقيت لها حل وحبيت
اقولكم عنه حتى ولو سمعتو فيه بس انا مصره اقول ... هههه فيه كثير بنات يعانون من نفس المشكله .. والله يعينها لو كانت عروس ...
طيب والحل ؟؟
الحل:
طيب انا بصراحه عطوني عدة حلول بس كلها ماهي بنافعه مع شعري ذا
ماعدا حل واحد ..! والي قالو لي عليه دعيت لهم من كل قلبي
من جد ولازلت ادعي لهم للحظة هذه ، ومن الحلول الي قالو لي عليها
اصبغيه لأن الصبغ ريحته قويه وماهي حلوه اصلاً وكذا بس ماوافقتهم الرأي لأن شعري دايم اصبغه وشعري احترق منه ،، حطي قهوه ونسكافيه
معليش مع احترامي لآرائهم لكني جربت القهوه والنسكافيه بس ماطلعت بنتيجه شخصياً مانفع معي ، طيب والحل الي نفع عن جد وربي يجازيهم الف خير ان شاء الله،،، هو
الحناء
رغم اني مااكنت احبه ابد ابد ابد ، لكن قالت لي اخت عزيزة اجل بتستمرين مع
هالمعاناة انتبهي اياك ولا الصبغ عشان ريحة الثوم حنيه افضل ، ونبهتني على شغله ، قالت لي انتي حاطة الثوم في شعرك ومتعنيه عشان تحصلين على نتيجة حلوه ، طيب خلي الحناء ولازم تتعنين عشان تتخلصين من ريحة الثوم
قلت لها طيب وريحة الحناء تعلق بالشعر ولا كيف ؟
قالت ثلاث ايام وتزول ريحته وبالعكس ريحة الحناء حلوة بالشعر , وانا قلت اخر مجازفة راح اجازفها بشعري ..
قلت لها طيب كم اخليه وكيف امزجه .. قالت لي خلي معه كركديه و نقاط من زيت النارجيل او اي زيت تحبينه .. ريحته بتكون خفيفه على شعرك وعشان ماينشف شعرك ولاتخليه بالساعات .. خليه لغاية مايجف واغسليه وشوفي كيف اللون والريحه .. وقالت لي بخري شعرك وعطريه بتكون ريحته مع الحنه احلى . وانتي تطلعي على خلطات الحناء بالنت ،، لأن يستخدمونه كمان في تلوين الشعر باللون المطلوب الكركديه يخليه احمر
وانا رحت واخذت حنا مناسب للشعر وسألت عنه ، انتي بعد لو حابه تجربين حتى الحناء انتبهي اسألي عنه ولاتستخدمين اي شيء ممكن مايناسب فروة راسك ويهيجها , حتى ولو كان منتج طبيعي مثل الحناء ، ولو كنتي مجربه الحناء قبل كذا افضل . ومااعتقد ان له آثار جانبيه بس اسألي افضل
جربت كل الي وصتني عليه والله ثم والله ثم والله اقسم بجلالة ربي ان الريحة راحت وصارت احلى ميه ميه وصار لون شعري مره يجنن ...
:02::icon35::icon35::02:
مع السلامه ونلتقي على خير انتظركم هههه