ممسحة البخار للأرضيات ..بلاك اند ديكر ..وكيف تختاري ممسحتك البخاريه ..مع الوحيدهـ* - منتديات عالم حواء
أخبار حواء:
«    »
                               

السعودية - الرياض
صياني شعبيه
يوجد صياني شعبيه وعاديه لتقديمات
              

السعودية - الرياض
صياني شعبيه
يوجد صياني شعبيه وعاديه لتقديمات
قديم 05-06-1434 هـ, 09:12 صباحاً   #1
الوحيدهـ*

كبيرة محررات
 
الصورة الرمزية الوحيدهـ*
 
تاريخ التسجيل: 15-07-1430 هـ
المشاركات: 7,020


Arrow ممسحة البخار للأرضيات ..بلاك اند ديكر ..وكيف تختاري ممسحتك البخاريه ..مع الوحيدهـ*

بسم الله الرحمن الرحيم
الله يسعد أوقاتكم يالغاليات
اليوم حبيت ازوركم بجهازي الجديد ممسحة البخار للسيراميك
من ماركة بلاك اند ديكر
وافيدكم ببعض المعلومات اللي استفدتها اثناء البحث عن الممسحه
وحبيت اطلب منكم انكم تقولون ماشاء الله تبارك الله
لاني اجلس فتره اتعب واجمع معلومات واجلس اقنع في اللي عندي لحد ما اتعب
اما هالممسحه شريتها وحطيته قدام الامر الواقع وكالعاده جهاز ماله داعي وليش وش تشكي منه ممسحتنا العاديه
طبعا زوجي ضد اي جهاز مريح للمرأه يقول اذا ارتحتم يالحريم تشغلوننا
شفتم كيف !!!
الموهيم ادخل لكم بالموضوع
انا لما جات موجة الغبار اللي راح
وعكثر ما اكلت تراب اللي يهنينا يارب ويرحمنا برحمته طفششت
تخيلوا امسح بالليل وشوي الا والغبار يجي ويضيع تعبي كلله
وعندي من اولادي اثنين واحد حساسيه بصدره والثاني ربو
ما اقدر اقول ما بنظف
اول اجراء سويناه
هو تركيب هالبلاستيك اللي باطراف الابواب ما تتخيلون قد ايش فادتني
هالقطعه مطاط ركبت النوع اللي يجي مثل الفرشاه للمطبخ مو بنفس فاعليه هذي

خف الغبار بنسبه 80% ولله الحمد
تشترونها من المحلات اللي بشارع الامير سلمان
ب15ريال الى 20 ريال حسب المحلات
وتجي انواع ومقاسات
تتثبت في الباب بالدريل وتجي لها تلبسيه تخفي المسامير زي ما انتم شايفين مافي مسامير ظاهره
طبعا مكيفات البيت اسبلت والدرايش ولله الحمد قليل تدخل غبار
والصوره هذي نوع لزاق عشان يخفف من صوت ارتطام الباب


انا ركبتها مو عشان الصوت عشان تمنع دخول الغبار حتى من تحت لصقتها على الرخامه العتبه لما يجي الغبار قليل يدخل
وبعد ما بديت الخطوه الاولى
نجي للخطوه الثانيه
الممسحة
الممسحه كان لي فتره وانا ابحث عن ممسحه بخار مريحه
شفت تقرير الاخت قطرات المطر تحمست
صرت ابحث عن افضل ممسحه بخاريه واجمع المعلومات
اهم شيئ تبحثي عنه بالمماسح
الواط
كل ماكان الواط اعلى كانت افضل
الشيئ الثاني التعبيه
الافضل يكون التانكي منها وفيها وانتي بس تعبيها
الشيئ الثالث الصناعه والنوعيه
بحثت في المواقع الاجنبيه لقيت اغلب المدح
لبلاك اند ديكر ووايت شارك
فقررت اشتري بلاك اند ديكر
بغيت اشتريها من الامازون لكن للاسف كان الشحن غالي حبتين
فقلت ابحث عنها هنا
وفعلا حصلتها في ساكو ب494 ريال
ضمان 6 شهور
صينيه
خط 220
1600 واط
فقط تمسح
مامعها مناشف بس رح اطلب من الامازون
لكن الافضل تشترونها من قناه استريتس <<<مو متأكده من اسم القناه لانو يجي معاها قطعتين مناشف زياده واتوقع بسعر ال500
هذي ممسحتي الجميله
في الكرتون


وهنا لما ركبتها



تشبكيها في الكهرباء وتشغليها يكون لون خزان المويه لونه احمر ثواني بس يصير ازرق معناته جاهزه للاستخدام



تختاري النوع اذا بلاط او ارضيه حجر او باركيه
رااااائعه للباركيه انا ارتحت معاها
وكمان للبلاط
ومرنه للحركه

و اللي امها كبيره في السن حلووه ومريحه لها
ثقيله شوي على اليد بس ممتازه
تعبينها بالكوب المخصص لها مويه من الحنفيه عاديه مو لازم فلتر وتعبي بالكوب المخصص لها كوبين
ممنوع اضافة اي معطرات او مواد منظفه
نجي للنوع الافضل
هي هذي




بيسيل
خط 220
مكنسه 1300 واط
وممسحه 1600 واط
اثنين في واحد
ضمان 6 شهور من ساكو و6 شهور من بيسيل شركتها
لها قطع غيار
لها ريحه معها حبيبات خاصه للريحه والتعقيم
قيمتها 700
كنسها للغبار والاشياء الخفيفه مو قويه كثير بس للبلاط تكفي وزود
والبخار زر من فوق لما تكنسي تضغطي زر البخار وتمسحي
عيبها التانكي خارجي
وانو البخار لازم تقعدي ضاغطه على الزرر
مااستخدمتها بس اخاف من التانكي الخارجي يسرب او يطيح او يجيه شيئ بس في نظري انا افضل من حقتي

لقيتها مع كذا نوع غيرهم
في الرياض -ساكو -فرع القصر مول
ويارب يكون موضوعي واضح ومفيد لكم
وما ابي منكم غير دعواتكم لي بالتوفيق وان ربي يحقق أمنياتي
وصل اللهم وسلم على رسولنا محمد وعلى آاله وصحبه اجمعين
سبحان الله وبحمده
سبحان الله العظيم

السعودية - الرياض
صياني شعبيه
يوجد صياني شعبيه وعاديه لتقديمات



الوحيدهـ* غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر


قديم 05-06-1434 هـ, 11:17 صباحاً   #2
دمعة الصابرين

عضوة نشيطة
 
تاريخ التسجيل: 04-06-1433 هـ
المشاركات: 417


الله يوفقك ويحقق لك ما ماتتمنينه يارب

موضوع رائع الله يجزاك خير عليه

خصوصا المطاط الي ينحط تحت الباب دخت السبع دوخات وانا ادور عليه والى الان مالقيته يمكن لاني ماعرف وين المحلات الي تبيعه

يعني وش نوع المحل الي يبيعه هل هو محل كهربائيات ولا مطابخ ولا ايش ؟؟؟


دمعة الصابرين غير متواجد حالياً رد مع اقتباس

قديم 05-06-1434 هـ, 11:19 صباحاً   #3
الوحيدهـ*

كبيرة محررات
 
الصورة الرمزية الوحيدهـ*
 
تاريخ التسجيل: 15-07-1430 هـ
المشاركات: 7,020


المشاركة الأصلية كتبت بواسطة دمعة الصابرين مشاهدة المشاركة
الله يوفقك ويحقق لك ما ماتتمنينه يارب

موضوع رائع الله يجزاك خير عليه

خصوصا المطاط الي ينحط تحت الباب دخت السبع دوخات وانا ادور عليه والى الان مالقيته يمكن لاني ماعرف وين المحلات الي تبيعه

يعني وش نوع المحل الي يبيعه هل هو محل كهربائيات ولا مطابخ ولا ايش ؟؟؟
امين يارب واياك
من محلات الكوالين وبمحلات ادوات البناء ببعض المحلات
اللي هناك في شارع الامير سلمان وفي بمحلات مثل الهزازي وغيرها وفي كمان بساكو
والاسعار تختلف من مكان للثاني ممكن تلاقونه ب30 ببعض المحلات


الوحيدهـ* غير متواجد حالياً رد مع اقتباس

قديم 05-06-1434 هـ, 06:46 مساءً   #4
ضووءء

محررة فضية
 
الصورة الرمزية ضووءء
 
تاريخ التسجيل: 21-07-1429 هـ
المشاركات: 3,576


ماشاء الله تبارك الله لاقوة الا بالله

تتهني فيها يارب

والموضوع ككل مفيد جزاك الله خير







ضووءء غير متواجد حالياً رد مع اقتباس

قديم 06-06-1434 هـ, 12:07 صباحاً   #5
سمهورة

محررة ذهبية
 
الصورة الرمزية سمهورة
 
تاريخ التسجيل: 29-06-1424 هـ
المشاركات: 4,597


جزاكي الله خير انا نفسي بالمكنسة البخارية
بس ما حددت النوعيه بإذن الله بأخذ مثل اللي عندك
بس حبيبتي ايش ذي ألقناه اللي تبيع المكانس؟



سمهورة غير متواجد حالياً رد مع اقتباس

قديم 06-06-1434 هـ, 02:24 صباحاً   #6
فخوره بزوجي2

محررة
 
الصورة الرمزية فخوره بزوجي2
 
تاريخ التسجيل: 19-11-1429 هـ
المشاركات: 1,579


تتهني فيها ان شا الله ,,

؟؟؟؟؟؟
الرجال عموماً شئ ما يعنيه ما يهتم له حتى لو فيه رااحتك الله المستعان ,,
يعني اشتريتي بلاك اند ديكر ,,!! وبيسيل هذي عندك ولا كيييييف ؟>>
سعرها حلووو بلاك ولو تكنس ياسلااام ,,
يعطيك العافية ..



{ لا آرجع لردودي ,عندك سؤال راسليني }
فخوره بزوجي2 غير متواجد حالياً رد مع اقتباس

قديم 06-06-1434 هـ, 02:40 مساءً   #7
الوحيدهـ*

كبيرة محررات
 
الصورة الرمزية الوحيدهـ*
 
تاريخ التسجيل: 15-07-1430 هـ
المشاركات: 7,020


المشاركة الأصلية كتبت بواسطة سمهورة مشاهدة المشاركة
جزاكي الله خير انا نفسي بالمكنسة البخارية
بس ما حددت النوعيه بإذن الله بأخذ مثل اللي عندك
بس حبيبتي ايش ذي ألقناه اللي تبيع المكانس؟
ما اعرف اسمها بس احيانا تجي اعلاناتهم في فوكس وفي ام بي سي
امم اسمها الممسحه البخاريه فقط تمسح بلاك ان ديكر
المكنسه مع ممسحة بيسيل


الوحيدهـ* غير متواجد حالياً رد مع اقتباس

قديم 06-06-1434 هـ, 10:01 مساءً   #8
نــــــوفا

كبيرة محررات
 
الصورة الرمزية نــــــوفا
 
تاريخ التسجيل: 18-12-1433 هـ
المشاركات: 9,606


بلاك آند ديكر روعه بالفعل

اخذتها من ساكو بـ 490 ريال

يعطيكِ العافيه على التقرير

موفقه








يارب ترزقني بطفل
نــــــوفا غير متواجد حالياً رد مع اقتباس

قديم 06-06-1434 هـ, 10:58 مساءً   #9
ام عمر الحلو

محررة ماسية
 
الصورة الرمزية ام عمر الحلو
 
تاريخ التسجيل: 16-10-1431 هـ
المشاركات: 5,552


شكرا خيتو



انسخي الرابط وانشري جزاك الله خير
الحمدلله
ام عمر الحلو غير متواجد حالياً رد مع اقتباس

قديم 07-06-1434 هـ, 08:19 مساءً   #10
*جوري أحمر*

عضوة فعالة
 
الصورة الرمزية *جوري أحمر*
 
تاريخ التسجيل: 27-12-1431 هـ
المشاركات: 781


طيب كيف طريقة استخدامها
وهل يحتاج المكان تجفيف بعدها خاصة الباركية
واثناء الاستخدام حاره من الاسفل بما انها تشتغل عالبخار او عادي؟
والف شكر لك عالمجهود المتميز



استغفر الله
*جوري أحمر* غير متواجد حالياً رد مع اقتباس

إضافة رد







أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

المواضيع المشابهة (العرض التجريبي)
الموضوع كاتب الموضوع المنتدى مشاركات آخر مشاركة
استفسار عن ممسحة البخار ملف خاص التجارب والحلول المنزلية 22 06-12-1434 هـ 07:15 مساءً
تنظيف كنب جلد عودي ~ واستخدام ممسحة البخار ذبحني آلحنين ركن التنظيف والتنظيم 10 28-10-1434 هـ 07:40 صباحاً
ممكن مساعدة بخصوص ممسحة البخار أنثى كوووول الأجهزة المنزلية والمشتريات 3 25-12-1433 هـ 10:47 مساءً
استفسار عن ممسحة البخار والة القلي فيلبيس زوجي روحي الأجهزة المنزلية والمشتريات 5 18-08-1433 هـ 05:55 مساءً


الساعة الآن 12:50 .


شات عالم حواء
تابعونا على Google+
تابعونا على instagram
تابعونا على twitter
تابعونا على Facebook