السلام عليكم ورحمة الله وبركاته
..............
كيف حالكم حبايب ألبي
أهلا بكم في رابطة العالم الاسلامي << موضوعي يعني لاتحسبون جايبتلكم الرابطه هنا اوعندي واسطه فيها !
قال صلى الله عليه وسلم : ( المسلم للمسلم كالبنيان يشد بعضه بعضا )
وقال : ( مثل المؤمنين في توادهم وتعاطفهم وتراحمهم كمثل الجسد الواحد ،، اذا اشتكى منه عضو تداعى له سائر الجسد بالحمى والسهر ) ...
شفتي يدينك اذا انجرحت وانتي تقطعين طماط ؟؟ << محد يخترش من الطماط
خلونا نقول وانتي تقطعين بردقان= بورتوئان= برتقال = برتقان = orange << غاشه الانجليزي من قوقل
حاولت اتكلم بجميع اللهجات واللغات بمناسبة رابطة العالم الاسلامي اللي انا مسويتها اليوم << تحسب الرابطه يعني ربط فيونكه:biggrinlo هع
المهم ،،
اذا انجرحتي في يدك بسبب هالشئ البرتقالي المذكور اعلاه
تلقين ايدك الثانيه تفز لأختها وتستنفر تدور على لصقة جروح وتفتح البزبوز لأجل تغسل الجرح
وتجيب عطر تبخبخ الجرح يقولون تطهر الجرح ياكرهي لهالحركه :unhappy:..
تخلي لو فيه عداوه بين ايدك وايدك الثانيه << لايشيخه:29:
او بين ايدك ورجلينك مين كان يبي يناولك اللصقه والعطر وكل شئ فزعه مع هالجرح اللي ابلشنا خخخ
شئ ثاني تخيلي لو جت بعوضه على خشمك اللطيف
مين يبي يوخرها ويبعدها ؟؟
<< اترك الاجابه الصعبه لكم هع
هذا هو الجسد كل شئ يكمل بعضه ويفزع للعضو الثاني ويتعب الجسم كله اذا مرض عضو من أعضائه << والله فيه خير
يقول الله تعالى :
( وجعلنا بعضكم لبعض سخريا ) أي سخرنا بعضكم لبعض
هذا يحتاج لهذا وهذا ينفع هذا ،، ودولة كذا تملك شئ ينفعها والدوله الاخرى تملك شئ اخر ينفعها
فيتبادل كل منهم المنتجات وتتساعد الدول الكبيرة مع الدول الفقيره << الحين وش جاب السياسه والاقتصاد خخ دخلت جو
اهم شئ مااطرينا البورصه لأن هذي عنصريه ماتحب تستفيد من احد ولا تبي احد يستفيد منها خخخخ
فالبشر يكملون بعضهم ،،
وكل شخص يميزه الله بشئ ، قد يجعله نقمه له او نعمة عليه
فمن ولد غنيا او ولد من قبيلة فلان او من دولة كذا او ولد جميلا او ابيضا او او او ....
هذا كله لايرفعه في الجنه درجه او ينزله منها درجه الا اذا استخدمها في مرضاة الله او عصى الله بها
فليس هناك فضل في الجاه او في المنصب او المال
بل الفضل والتفاضل يكون في التقوى
ولا احد يفضل نفسه على الاخر ان رأى انه اكثر منه طاعة لله
( ولاتزكوا انفسكم )
بل الله عز وجل هو من يزكينا وهو اعلم بحالنا وهذا لانعلمه في الدنيـــــــا
فالجنة درجات ،، وكل ماتفاضل الانسان في التقوى ارتفع في الجنه
نسأل الله لنا ولكم ولوالدينا واهلونا وازواجنا وذرياتنا ومن يعز علينا الفردوس الاعلى بغير حساب
وان يرزقنا التواضع لخلقه وان يبعد عنا النتن والجاهليه البغيضه التي تفرق بين المسلمين وتشتت صفوفهم ...
وتذكروا ماقاله الحبيب صلى الله عليه وسلم : ( إن الشيطان يئس أن يعبده المصلون في جزيرة العرب ، ولكن في التحريش بينهم )
هذا هو ابو قرن ابليس الرجيم هو السبب
ينفخ في الشخص حتى لايجعله يرى من هم دونه ، ثم لا يهتم لأمرهم ، فيستنقص من هذا وذاك ،، ويتطاول على هؤلاء ،، ويقلل من شأن تلك والتي والذين وهم وانهم <<< حنيت للنحو والصرف وقعدت استرجع اسماء الاشاره ومصايب قطع الاشارة وبعض فوايد ساهر خخخخ
فإياك والعنصريه،، ولاتكوني وقودا لها
فهي سلاح قوي يستخدمه اعدائنا للتفريق بين المسلمين ،، فيأتوهم ويشتتونهم من حيث لايفطنون
،،،،،،
سامحوني اي خطأ املائي او حوسه او سوء تفاهم في الموضوع هع
ترى كل شوي اقوم اطارد ورى عيالي وكنت ابحلف اني أحذف الموضوع بس قهرت ابو قرن الي هو ابليس وكملته ...
بقوم اكل اوريو وفشفاش واشرب حليب موز ابرد على تسبدي
سبحانك اللهم وبحمدك
اشهد ان لا اله الا انت
استغفرك واتوب اليك ..
لا اله الا الله ...
ضحكتيني وما عبالي اضحك
الله يوحد الدول العربية كلها ويبعد الفتن والحروب