انا ببيت اهلي انتظر الطلاق

السلام عليكم

انا نزلت هدا الموضوع من فتره
http://forum.hawaaworld.com/showthread.php?t=3927506

ما تخيلت بيوم من الايام اكتب هذا الكلام ما تخيلت اني اكون ضحيه بهذا الشكل.. يمكن اغلب العضوات هون بعرفوني وبعرفوا حكمتي ورجاحة عقلي كان الكل يسالني وياخد برايي بس ما تخيلت انو طيبة قلبي راح اضيعني هيك راح تكون نهاية حياتي بهاي الطريقة

انا زي ما حكتلكم بعتت للبنت مسج طويل(( حسبي الله ونعم الوكيل فيكي الله ينتقم منك ابعدي عن زوجي يا حقيرة احنا عنا الله لا بنخاف من سحر ولا من ساحر احنا بنحصن حالنا بالقران وبالاذكار مو محتاجين وحدة وسخه زيك تيجي تنصحنا وتحكي معنا مسجاتك كلها عندي لو ما بعدتي عن زوجي لاشكيكي بالشرطة واخليهم يسفروكي الليله ))

بس طبعا هي ما ردت علي وزوجي يومها جدا تغير معي صار حنون وحباب وتعامله معي من سيئ صار جدا ممتازة وكل شوي يتصل في انتي بخير ؟ كل امورك تمام؟ وانا احكيله كل اشي تمام ليش في اشي؟ بستناه هو يجي ويحكي بنفسه بس الحقير ما تكلم حكيت يمكن بالبيت خلاص راح يجي ويفتح معي الموضوع ويكون صريح ويحكيلي القصة بس روح عالبيت صار رومانسي جدا وانا جايه عبالي احبك اليوم ومن هلحكي

انا سكتت حكيت شكله زي ما مفكره وحدة بتركض وراه وبس بعتلها وقفت عند حدها وهو انبسط من تصرفي ومشي اليوم وشيكت تلفونه لقيت كل اشي محذوف منها وسجل المكالمات محذوف كمان حكيت خلاص وبعديها بكم يوم كمان شيكت ومافي اشي وبعد اسبوع رجع لحالته العصبية والنكد وطول الوقت بره يمكن منيح لو اعد معي مرتين بالاسبوع كل مره ساعتين وكل مره بتحجج بامه واخته وبده يجيبلهم اغراض وبس يجي عندي معصب ومتنرفز وانا اتحمل واتحمل وانام بدموعي

رجعت فتحت موبايله ما قبل يفتح معي حكيت شكله الشحن مخلص بعد يوم حاولت كمان مره ما قبل يفتح يوم الاربعاء تفاتلنا للمرة الثالثه بنفس الا سبوع حكيت لازم اعرف شو وراه اجيت افتح الموبايل ما فتح رحت شفت البطارية والصدمة مافي بطارية تخيلو فاكك بطارية الموبايل ..بس زاد اصراري اعرف شو السر رحت دورت ودورت لين لقيتها كان مخبيها جوا المحفظة ركبت البطارية وفتحت الموبايل ولقيته رجع يتواصل معها ..انا انهبلت رحت بعتلها رسالة من موبايله (( يا وسخه يا حقيرة حكيتلك بعدي عن زوجي ليش ما بتفهمي تفو على اهلك ما عرفوا يربوكي )) وسكرت الموبايل وفكيت البطارية ورجعت التلفون

ورحت من موبايلي بعتلها كمان مسجين ادعي واتحسبن عليها واستنين ترد ما ردت صحيت على صلاة الفجر لقيتها باعته مسج (( الله يسامحك مين انتي ومين زوجك؟ خلينا نحكي ونتفاهم اكيد في سوء تفاهم ))

بعتلها بتتخوتي موبايله مليان رسائل واتصالات منك فبلاش تخويت .. بترد علي قصدك عن احمد!!! هو احمد زوجك؟؟بحكيلها اها زوجي ما صدقتني صارت تحكيلي احلفي الله يخليكي احلفي انو هو زوجك بحكيلها وقسما بالله زوجي من 3 سنين انتي مييييييييين!!

بعتتلي انا نور حببيته من 7 سنين بحبني وبركض وراي وبده يتزوجني بس امه رافضة الزواج بس هو مصر بده اياني

انا تلف في الدنيا وقتها ..خليت زوجي يطلع لدوامه ورحت حكيت معها تلفون وحكت حكت حكت طلعت فطاااااااااايس مو مصدقة انو هدا زوجي مو مصدقة بتحكيلي بحبو بعض من 7 سنين وكانت علاقتهم زي علاقة اي تنين متزوجين (( بس ما دخل فيها ))وبتراسلوا وبتصلوا وبحكوا سكايب حتى بنزللها ابوظبي يشوفها ويلفلف معها بالسيارة ويعملوا العمايل بالسيارة زي بين اي تنين متزوجين

هي بلشت تحكي كل شي بدها تنتقم منه بتحكيلي اخد من فلوس بالهبل عمره ما دفع عليها درهم وكل مره تعطيه بس لانها بتحبه عاساس تساعده يسدد ديونه عشان يقدر يتقدم ويتزوجها .. انا ما صدقت بس كل الادله ضده
احكيلكم الادله وانتوا احكموا اصدقها ولالا :
1- جيباله دبدوبين ووصفلتي اياهم بالزبط انا حطاهم بغرفة النوم تاعتي وولا مره سالته من مين هدول لانه امه جابتلي اياهم انو احمد بحبهم كتير
2- حكتلي عن سوارة وسلسال فضة شرتهم لزوجي ب 1700 درهم وانا لما سالته من وين هدول بحكيلي البارحه بالقهوة شريتهم من صاحبي ب 200 درهم
3- حكتلي عن بوكسر بلبسه عندي بالبيت بتحكي هذا هي شرتله اياه لبسته اياه وشلحته باول مره ناموا مع بعض بالاوتيل
4- حكتلي عن عطرين اله موجودين عندي بالبيت
5- حكتلي عن ساعه بلبسها موجوده عندي بالبيت
6-سالتها بلبس كوندوم لما يكون معكي(( واقي ذكري )) حكتلي لا بس انا شريتله بنفسي كوندوم وبخاخ لتاخير ال ق ذ ف وشرتله كمان حبتين مقويات وفعلا انا مرة اجيت اطول شغله من درجه لقيت كل هاي الشغلات
7- حكتلها مستحيل انو نام معكي انتي بتكذبي بتكذبي وصفتلي جسمه بالتفصيل وحكتلي عن الشامات شامه شامه حتى الي بالاماكن الحساسه الي مستحيل تعرفها غير المتزوجة
8- اخر مرة شافته كان الشهر الماضي راح طلعلها عدبي ولفلف معها بالسيارة ووصلها لمحطة الباصات حكتلها شو سيارته حكتلي بالتفصيل شكلها ولونها وكل اشي .. هو مكذب عليها حكيلها انو ماخدها من صاحبه وانا شيكت موبايلي كان باعتلي اليوم عنده شغل وراح يتاخر بالدوام ليروح
9- حكتلي لما رجعت من العمره جابتله مصحف على شكل كعبه وجابتله مسبحه حمرا .. وفعلا موجودين ببيتي وانا لما كنت صايمة كنت اسبح بهاي المسبحه ولما سالت زوجي عنها حكالي صاحبي رجع من العمرة وجابلي اياهم
10- بتحكيلي صار يدخن من تقريبا سنتين وانا اكتشفت الموضوع بس من سنه
11- كتبتلي التواريخ الي نزل فيهم لعندها وبس نزل عشان ياخد الي ياخده منها وياخد فلوس وحكتلي التواريخ بالزبط .. طلع باليوم الي بخلص فيه دوامه بدري ببعتلي مسج انا عندي شغل وراح اتاخر وبروح بنزللها وبلف معها وبعدين بروح الحقير النذل لعندي
12- حكتلي عن الواتس اب وعن السكايب كان يوعد معها من اول ما يروح من الدوام لين ما انا ادخل البيت ولما كنت اساله وينك كل هذا الوقت شو بتعمل بحكيلي ببيت اهلي اعد عالنت بحكي مع اصحابي (( احنا ما عنا انترنت بالبيت)
13- بتحكيلي انه كل يوم جمعة من 2 بالليل لين صلاة الفجر وهو معها بحكي علسكايب وعلى الواتس اب بتحكيلي انتي وين بحكيلها انا ببيتي نايمة وهو بحكيلي انا على القهوة مع اصحابي ... ومره بالصدفة امه حكت والله يا مااما صدمتني لما شفتك ببيتنا بوجه الفجر .. انا استغربت بحكيله شو بتعمل عالنت لوجه الفجر .. بحكيلي كنت بتراسل مع الدكاتره وبقرا عن حلول عشان مشكلة الاجهاض تاعتك

14- بتعرف اهله وامه وابوه وخواته وكل اشي بادق ادق التفاصيل
15- بتعرف هو باي بنك حاطت فلوسه وعنده حسابين وحكتلي بالتاريخ الفلاني حولتله 5000 درهم
16- بشهر عشرة نزللها ابوظبي واخد منها 43 الف عشان ال يسدد ديونه ويقدر يجي يتزوجها وهو الكزاااااااااااااب اخد فلوسها وراح اشترى سيارة جديدة ودفع حقها كاش بالكامل مرة وحدة
17- حكتلي بحب القمصان النوم السودة والحمرا .. وحكتلي كيف بحب جسم الوحدة وكل اشي بالزبط بالبزط زي ماكانت تحكيلي
تعبت تعبت مش قادرة اكمل احكولي كل هذا الي حكته لسه بدي اكزبها بكلامها!!
وكل مره تطلعلي بكلام جديد

بس النذل اخر مره بحكيلها انا مريض اكتشفوا ورم بمخي ولازم عملية ب 200 الف حكتله تزوجني وبعطيك بس هيك مبلغ ما بعطيك اياه علفاضي .. شكله كان بده يتركها ويعمل شوية اكشن انو مريض ومات ويختفي بفلوسها

بتحكيلي لما بعتلها المسج وهددتها اول مره بعتتتله عطول حكالها هاي امي عرفت انك لسه بتبعتيلي وراحت هددتك عشان تبعدي عني

زوجي لا مسحور ولا بطيخ هي لانه حكالها عنده ورم براسه صارت تقنعه يقرا قران ويروح لعند شيخ عشان ممكن بنظرها حد يكون عامل اله عمل
مش مصدقه مس مصدقه انو هذا هو زوجي مش مصددددددددددقة بس كيف اكذبها بعد كل هذا

وانا بعتله مسج بس عرفت (( انا عرفت نور وعرفت كل بلاويك وكذبك بتحب تروح عالبيت نحكي ولا تبعت ورقتي لبيت اهلي )) اتصل ما رديت بعتلي مسج عن عندي اجتماع وبس اخلص برجع بس انا ما تحملت اضل بالبيت رحت اخدت كم قطعة وفلوسي وذهبي ونزلتهم للسيارة واتصلت بامي حكتله هلا تعالي واجت وحكتلها كل شي بالتفصيل انصدمت وصارت تلطم وتبكي تحكيلي يالله معي لبيت ابوكي

ويوم الخميس نمت ببيت اهلي وهيني لليوم عندهم مش مصدقة الي صار ولا مصدقة هذا زوجي الي عشت معاه كل هالسنين معقول 3 سنين بخدعني وانا غافله بهاي الطريقه ثقتي فيه عمتني لاخر درجة معقول بعد ما يلمسني انا الطاهره يروح لعند هديك الوسخه معقول!!!

وتحكيلي اساليني اي سؤال وبجاوبك

وهو الكلب اختفى بعتله مسج شرشحته فيه وبعتت مسج لامه بس ولا حد فيهم رد علي ولا حد عبرني ولا حتى اتصل بحد من اهلي .. بعتت مسج لاخته على البلاك بيري ردت علي انتي طفلة وتصرفاتك سخفيه اجت بنت الحرام حكتلك كلمتين لعبت بعقلك وخلتك ادمري بيتك وحياتك وطلعتك من البيت من دون شور حدا انتي خربتي كل اشي وبعدين انا والده وعندي صغير مشكلتك حليها مع الكبار

ماحد مصدقني انو زوجي الطاهر هيك يطلع بالاخر حتى اهلي بحكولي مستحيل احنا هذا الشخص بنعرفه وبنعرف اهله منيح ... واكيد اهله مش مصدقيني .. بس كل هالاثباتات الي حكتلي اياها ماحد بعرفها غيري انا

ادعولي ادعولي ادعولي والله مش عارفه شو اعمل انا بدي الطلاق بس بدي اعرف كيف هيك عمل في كيف!! اهلي خايفين من الطلاق ال وصمة عار علينا كلنا ومش قابلين هيك ارجع وانذل بكل طريقه

وهو اهله مختفيين

بليز خففوا علي وادعولي الله يفرج همي والله انا ما بستاهل كل هذا يسير في


رد على كلام الاخوات:
يا خواتي لا في سحر ولا اشي

هو قبل هاي كان يحب صحبيتها الي اسمها ليلى وواحد كان يحب ليلى وكان اله شغل بسحر عشان ينتقم من زوجي وليلى لانه تركته كان بده يعمللهم سحر بس هذا كله كلام مافي اي صحه فيه

انا بقرا البقره كل يوم ببيتي وبقرا على زوجي الرقية والقران وكل اشي ماكان يتاثر ولا كان يحس باي اشي غلط

وهي هاي الوسخه الي حكيت معاها عشان كان يكذب عليها ويحكلها انو في ورم براسه نصحته يروح عند شيخ يقرا عليه بس هو كذااااااااااب لا فيه ورم ولا شي بس عشان يضمن انه اضل متعاطفه معاه وضي بستغلها جنسيا وماديا

هي بتحكيلي انها تابت بتحكيلي انها عملت عمره وترجت ربي انو يسامحها وقطعت كل اشي عن زوجي عشان هيك انهبل وصار بده اياها بزيادة وبس بتواصلوا رسائل وتلفونات هذا على كلامها لانه بها اياه بالحلال بكفي الحرام بس هي ما بتعرف انو متزوج والحلال عنده للحقير

ممكن حكيت لو ضليت بالبيت اسناه يرجع ويشرح بس بعد كل الي سمعته شو بده يشرح!!! ما هو واجهته قبل هيك مرتين بصور ومحادثات وانكر كل اشي وقلب الموضوع كله ضدي

وواجهته بمسجات لنفس هاي البنت لما كنت عروس وكمان ضيع الموضوع وحلفلي ليخليها تبعد عنه ... انا عارفه لو ضلت اسمع تبريره راح يكذب ويكذب اذا قدر يخدعني سنة خطبه و3 سنين زواج ماراح يخترع كذبه جديدة عشان يبرا نفسه!!
انا اصلا كنت تعيسة معاه جدا باخر فتره معاه حياتي كلها نكد ودموع