tasape7

tasape7 @tasape7

محررة فضية

ولادك مبيصلوش الحل السحرى ( شجره التفاح ) صدقونى هتدعولى ..... بالخطوات المصوره

الفن والأشغال اليدوية







بسم الله الرحمن الرحيم

والصلاه والسلام على اشرف المرسلين سيدنا محمد عليه افضل الصلاه واتم التسليم
بإختصار انا فشلت بكل الطرق ان بنتى تداوم على الصلاه مهما صلت بتقطع ومهما حفزتها وشجعتها برده حماسها بيقل
الى ان هدانى الله الى

.
.
.
.
.


الى

.
.
.
.


شجره التفاح


هى دى


ببساطه هى شجره من الورق الكانسون وفروعها من الزرع الصناعى وتفاحها من الفلين
بس تأثيرها له العجب


الفكره هى ان الشجره دى لها 7 فروع بعدد ايام الاسبوع وكل فرع 5 اوراق بعدد صلوات اليوم الواحد
وبعد كل صلاه بتصليها بنتى بتاخد تفاحه وتعلقها فى مكانها فى شجره التفاح


وعشان احمسها عملت حاجتين اولاً عملناها مع بعض انا وهى فى 3 ايام متواصله فا هى حاسه جدا بأهميتها لانها تعبت فيها وكانت فرحانه قوى بيها


تانى حاجه عملت لاختها الصغيره شجره كمان عشان يكون فى تنافس بينهم وما شاء الله لا قوه الا بالله بيتسابقو على الوضوء والصلاه ( سبحان مغير الاحوال ) وكمان التفوتها صلاه بتعيط عشان نقصت تفاحه ( مع انى انا الكنت بعيت الاول من عدم انتظام بنتى على الصلاه لا بالمحايله ولا بالخناق ])


والمكافأه كاااااااااااااانت كاالتالى :-


اليكون عدد التفاح عنده اكتر اخر الاسبوع يكون الفايز واجيب له هديه
**** وده عمل سوء سلوك عندهم للاسف بقت التصلى تتسحب عشان اختها متصليش وتاخد تفاحه عشان هى التفوز واختها لا
فتم التعديل السريع


·لو الشجرتين كاملين بكل الصلوات اجيب ليهم كل واحده هديتين بدل هديه واحده وهما اليختاروها بنفسهم ( وربنا يقوينى على المصاريف )
·لو واحده بس الشجرتها كامله لها هديه واحده فقط هى التخترها بنفسها
**( فا طبعا بقت كل واحده فيهم قبل ما تصلى لازم تفكر اختها بالصلاه ومتسبهاش الى لما تتأكد انها صلت عشان هديتين احسن طبعا من هديه واحده )

** وكمان زياده فى الاحتياط الاخت الكبيره بقت تاخد اختها فى ايدها وتصلى بيها جماعه عشان تتاكد انها صلت وملعبتش احسن الهديه التانيه تطير


ثالثا :- لو الشجرتين مش كاملين انا هجيب هديه للى تفاحه اكتر بس انا الاخترها مش هما
والحمد لله الطريقه دى خلتنى اقول ............ يا بناااااااااااااااات الظهر اذن يا بنااااااااااااااااات العصر اذن


من غير تعب على الاطلاق

******************

نيجى بقى لطريقه شجره التفاح الحل السحرى .... هى بسيطه جدا ومفيهاش اى تعب


1- كرتونه كبيره
2- مسدس شمع
3- غراء ابيض
4- مقص
5- بوكيه ورد صناعى
6- قصافه
7- ورق كانسون ملون





* نضع الغراء الابيض على الكرتونه بالكامل ونضع عليها فرخ كانسون اى لون نحبه





** نجهز بوكيه الورد ونقص التفاح منه ونقص خمس فروع منه للاسبوع












*** هتقص من باقى الفروع اجزاء منها عشان تكون زى المسامير نلصقها فى ورق الشجر لتثبيت التفاح عليها

ودى اشكال تانيه عملتها بالفوم وهعملها بالغراء الابيض والجليتر لتزين الشجره










يتبع
115
29K

يلزم عليك تسجيل الدخول أولًا لكتابة تعليق.

تسجيل دخول

tasape7
tasape7
** رسمت شجره على ورق ابيض وقصيتها وبعدين على الكانسون البنى ولصقتها بالغراء الابيض وثبت الفروع بمسدس

الشمع



والفروع التانيه القصتها زى المسامير دخلتها فى مربعات مقاس حوالى 1 سم عشان الصقها بالشمع من خلف الكرتون ليصبح جاهز وثابت لوضع التفاح عليه





الصوره دى من الخلف


ودى من الامام بالجنب للتوضيح





اتمنى تكون الفكره واضحه

ودى بعد ما خلصت تثبيت كل الفروع







يتبع

معلش رفع الصور بياخد وقت
* زهرة الربيع *
* زهرة الربيع *
** رسمت شجره على ورق ابيض وقصيتها وبعدين على الكانسون البنى ولصقتها بالغراء الابيض وثبت الفروع بمسدس الشمع والفروع التانيه القصتها زى المسامير دخلتها فى مربعات مقاس حوالى 1 سم عشان الصقها بالشمع من خلف الكرتون ليصبح جاهز وثابت لوضع التفاح عليه الصوره دى من الخلف ودى من الامام بالجنب للتوضيح اتمنى تكون الفكره واضحه ودى بعد ما خلصت تثبيت كل الفروع يتبع معلش رفع الصور بياخد وقت
** رسمت شجره على ورق ابيض وقصيتها وبعدين على الكانسون البنى ولصقتها بالغراء الابيض وثبت الفروع...
مآآشآء الله فكرتكـ روووعه 


جزآكـ الله خير
tasape7
tasape7
** رسمت شجره على ورق ابيض وقصيتها وبعدين على الكانسون البنى ولصقتها بالغراء الابيض وثبت الفروع بمسدس الشمع والفروع التانيه القصتها زى المسامير دخلتها فى مربعات مقاس حوالى 1 سم عشان الصقها بالشمع من خلف الكرتون ليصبح جاهز وثابت لوضع التفاح عليه الصوره دى من الخلف ودى من الامام بالجنب للتوضيح اتمنى تكون الفكره واضحه ودى بعد ما خلصت تثبيت كل الفروع يتبع معلش رفع الصور بياخد وقت
** رسمت شجره على ورق ابيض وقصيتها وبعدين على الكانسون البنى ولصقتها بالغراء الابيض وثبت الفروع...

انا عملت واحده على كرتونه وواحده على فلين ( ده الكان عندى بس الاتنين نفعو والحمد لله )

وعشان اخبى مربعات الكرتون والشمع البلخلف حتيط لوح كرتون كمان بعد ما عملت له برواز من الكانسون بلون مختلف

معلش الكلام كتير بس الصور هتوضح ان شاء الله





وبعدين وضعتهم فوق بعض ولصقتهم بمسدس الشمع









وممكن تتعلق بعليقه من فوق لكن انا لصقتها بشريط عريض من السوليتيب








وده فى نهايه الاسبوع بعد اكتمال الثمر كله وطرحت الشجره علينا تفاح جميييييييييل









وان شاء الله ناكل جميعا من تفاح الجنه

متكسلوش بكره ان شاء الله الاقى فى كل بيت شجره


الدال على الخير كا فاعله لو الفكره عجبتكم قولو لاصحابكم واهلكم عليها

والسلام عليكمو رحمه الله وبركاته
ويني دبدبوب
ويني دبدبوب
رووووووووعه
Mona.SH
Mona.SH
جزاك الله خير
فكرة كثييييييير حلوة
وعجبني خاصة فكرتك أنهم يتحفزون كلوحدة تذكر الثانية بطريقة عدد الهدية بصراحة ولا عمرها خطرت على بالي
تسلم يديك
والله يرزقنا الراحة والطمأنينة في الصلوات