السلام عليكم جميعاً....
في يوم من الايام كنت اتصفح النت..ومحتاجة اني اعرف عنوان محل عندنا بالمنطقة....وسبحان الله لقيت اجابات كثيرة ..ومن مكان للثاني لقيت اجابة سؤالي بمنتدانا الحبيب....
الى هنا الوضع طبيعي صح....
بس تدرون وش الصدمة.....
اني لقيت الرد اللي ابيه بالضبط.... انا اللي كاتبته....
ايه نعم أنا....
من سنوات طويلة...وبعضوية قديمة....
وقفت للحظات ...طالعت باسمي...فرفرت بملفي...قريت مشاركاتي .....
واستخلصت عدة فوائد يا غاليات.....
بعد هالسنوات اشكر ادارة حواء على حذفها للمشاركات السيئة ....نعم اشكرها لحذفها العديد من ردودي...اللي كان فيها اساءة او دعاوي او سخرية...تصفحت ملفي مالقيت شيء يسيء...بالعكس كله فوائد والحمدلله..وان كنت استفز ببعض النقاشات فالادارة مشكورة نقت ملفاتنا حتى لو توقفنا
وهذا والله جهد عظيم منهم الله يجزاهم بالخير...يعني ما نلقى شي مشين بلمفاتنا بعد هالسنوات نسأل الله العفو والمغفرة....ياما اختلفنا مع عضوات وغلطنا عليهم وغلطوا علينا ..والمشرفات مساكين ماغير يحذفوا بردودنا...وش بيضرهم لو خلو الكلام السيء اللي كنا نقوله و وقفونا...مابيضرهم شي..بس بيضرنا احنا.... ف جزاهم الله خيراً
وقفة ثانية....سبحان الله كيف الانسان ينسى..اسأل عن شي ولقيت ان عندي معلومات عنه من سنواااات بس انا ناسية...ومساعدتي لغيري بوقتها استفدت منها انا الان....فالدنيا دوارة
اليوم انا اعلم
بعد سنوات قد اجهل...فلاتاخذنا العزة والغرور ويدخل قلوبنا الكبر على من جهلت او نسيت
وتأكدي ان خير الناس انفعهم للناس
( يوم قريت الرد وفيه معلومات احتاجها دعيت من قلبي لراعية المشاركة قبل لا اقرى اسمها..قبل لا اعرف انها انا...فياترى كم وحدة دعت لي يوم نفعتها بشي او رفعت موضوعها او رديت عليها بكلمة طيبة)
شغلة ثالثة...كلما ابتعدت..كلما كانت نظرتك شمولية اكثر...
بمعنى لو بعدتي عن المشكلة لعرفتي تقرري بشكل افضل....من سنوات كنت اصغر بالسن واقل خبرة بالحياة وكنت اعطي نصايح ما تناسب كل الناس
فلما بعدت عرفت اني كنت اغلط،،،وكلنا اكيد نغلط بس مافي اجمل من تدارك الغلط
خرابيشي يمكن تحسوها هرج فاضي...بس هي كلمتين وحبيت اقولها
يمكن انصدمت لما شفت جواب سؤالي انا بيدي كاتبته
يمكن حبيت اشكر المشرفات اللي مافهمت مقصدهم وقتها
يمكن بس حبيت اشارككم واتكلم معاكم بأريحية وحب
وعذراً للاطالة:wink2:
عاتكة الأمين @aaatk_alamyn
عضوة فعالة
يلزم عليك تسجيل الدخول أولًا لكتابة تعليق.
الله يسعدك يا ام مريم..بس العضوية موقفة مع ان مشاركاتي فيها كانت فوق العشرة الاف
بس خيرة ان شاء الله
بس خيرة ان شاء الله
ويسعدج ربي في الدنيا والآخره ي الغلآإأإ ❤
يلاا إن شاءالله تكملييين بالمعرف الجديد مشاركات فووق ٢٠ ألف وتكون مشاركات تذكر بالخير وفي ميزان حسناتج
يلاا إن شاءالله تكملييين بالمعرف الجديد مشاركات فووق ٢٠ ألف وتكون مشاركات تذكر بالخير وفي ميزان حسناتج
الصفحة الأخيرة
نحن اخوات واللي ف خاطرج قوليييه
ويمكن خيره السؤال اللي سألتيه ولقيتي اجابته بمعرفج القديم انج ترجعييين للمنتدى مره ثانيه
بس سؤال يقرقع ف مخي خخخخخ ليييه م تدخليين بمعرفج القديم ولا نسيتي الباس