بسم الله ماشاء لاحول ولا قوة الا به سبحانه
الكيكة المخمليه
اشتريت خليطها جاهز من ملتقى الخبازين
والشانتيه اللي غلفتها فيها بعد شاريته جاهز من ملتقى الخبازين
والقمع اللي استخدمته بالتزيين اشتريته من تافولا
وطريقة التزيين اكتبوا باليوتيوب تزيين الكيك بورد الروز
وراح يطلع معك فيديو متحرك والطريقه جدا سهله
كان ودي اشرح اكثر بس كل شي كان جاهز
طبعا الخليط مكتوب عليه كم تضيفين ماء وزيت
والشانتيه مكتوب عليه بعد كم تضيفين ماء بارد على البودره
،،،،،،،،
الكيكه المحفوره
طبعا هذي الكيكه غنيه عن التعريف
واتوقع العضوه اللي سوتها معانا هنا بالمنتدى
انا كتبتبقوقل الكيكه المحفوره وطلعت معي
واسمها بعد كيكة اوص بس
اكتبوا بقوقل وراح تطلع معكم الوصفه
،،،،،،
الكب كيك
الخليط وكريمة التزيين وحبيبات السكر كلهاااا جاهز
من شركة بيتي كروكر
وكل شي مكتوب على الكرتون حتى اوراق الكب كيك
موجوده داخل العلبه
اشتروها وجربوها مريحه
،،،،،،
تشيز كيك ايسكريم الفراوله
الطريقة ،،
خبزت في الصينيه اللي تنفك حوافها كيكة ابيض
واستخدمت نص خليط كيك بيتي كروكر ابيض
نفس اللي موجود بالكرتون بس نص المقدار من الدقيق ونص المقدار من السوائل
بعدين نخبزها من تحت واذا احتاجت خبز من فوق سوي لها انا حمرتها من تحت
ومااحتاجت من فوق ،،،
الطبقة اللي هي الايسكريم
كوب كريمة خفق بارد
4 قطع من جبن الكيري بحرارة الغرفة
ظرف دريم ويب
تخفق حتى يتضاعف حجمها ثم يضاف لها الجلي
جلي توت ( 3 ملاعق طعام من الجلي مذوبه بملعقه ماء حار تخلطينها حتى يذوب الجلي زين بعدين تضاف للمقاير ) وتخفق مره ثانيه
وتنحط على طبقه الكيك اذا بردت
التزيين بلون الطعام الاحمر تحطي شوي بصحن وبعود شواء
تغمسينه باللون وتمررينه على سطح التشيز على شكل خطوط
بعد كذا تقصصين الفراوله على شكل مروحه
واللي ماتعرف كيف تتسوى الفراوله مروحه
يااما قوقل صور او اليوتيوب وراح
تشوفين كيف سهله
لان ماعرفت اشرح كيف
،،،،،،
اخيرا كيكة الجالكسي
خليط بيتي كروكر شوكلاته
6 حبات جالكسي ساده
علبه قشطه
صينيتين نفس المقاس
الطريقه ،،
تخلطين كيك بيتي كروكر نفس المكتوب على العلبه بالضبط
تقسمينها على صينيتين نفس المقاس تخبزين الكيك من تحت ومن فوق
تسوين حمام مائي للجالكسي
تحطين 5 جالكسي وعلبه قشطه وتخفقينهم مع بعض
تحت بخار الماء
تحطي طبقه من الكيك بصحن التقديم تحطي شوي من
خلطة الجالكسي تبين تحطين فراوله مقطعه صغير براحتك
انا خليتها ساده بعدين تحطين الطبقه الثانيه من الكيك
بعدين تغلفينها بخلطة الجلكسي اول شي طبقه بعدين
تبردينها شوي بعدين ترجعي تغلفينها بطبقه ثانيه
واخيرا تبشرين حبه جالكسي كامله على الوجه
،،،،،،،،،،،،،،،،
مفروض شركة بيتي كروكر تعطيني الميداليه الذهبيه
كل المقادير حاطه فيها كيك بيتي كروكر كاني مندوبه عندهم خخخخخخخ
وسلامتكم
وهذا رابط الموضوع اللي كان فقط صور بدون
وصفات
http://forum.hawaaworld.com/showthread.php?t=3885242
وجمعت وصفات الحلى بموضوع واحد