بسم الله الرحمن الرحيم
السلام عليكم ورحمة الله وبركاته
أخواتي حوائيات زائرات وعضوات المنتدى الجميل الي احب اتابعه وبه اقسام رائعة ومفيدة وناجح بنجاح عضواته
عضو قديمة زائرة ومتابعة ممتازة لكل شيء بالمنتدى بس يمكن ما اشارك بسبب التحطيم النفسي الي اعيشه
والسبب عشان ماعندي شيء اقدمه او اكتبه
وحسيت بارتياح كبير اني اكتب لكم اخواتي وافضفض وابي اسمع رأيكم وحلولكم
يمكن سبب كتابتي للموضوع لأني من شهور كذا مرة اشكي من تعب وألم بجسمي بكذا شيء واطنش
ويوم بجد تعبت بسيط الحمدلله لكن ظرف صحي طارئ التهاب والحمدلله رحت وقدرت اطلب فلوس من ابوي
ما ادري يابنات اتعب وش الحل أنا واخواتي مانقدر نطلب من ابوي ونثقل عليه
هو متقاعد من سنين وراتبه الشهري 4000 فقط
وتنقصني الكثير من امور اساسية ومايقدر يغطي أبوي على مصاريفي انا واخواتي
واحسب راتبه مع الاشياء الي يدفعها شهريا القى مامعه فلوس
الله يغفر لها امي ويجعلها بجنة الفردوس كانت سنين عمري كانت تدعمني ماديا
ولما ازورها لازم تعطيني وماعمرها قصرت وكانوا منفصلين من احنا اطفال
لما اشكي لأخواتي يقلون لي انتي مكبرة السالفة وانا كثير احس باحباط وتحطيم بدون يأس
اقول لهم ما اقدر اتحمل وتعبانة كل شيء ابي اسويه او انجزه لازم يبغى فلوس
احنا مو فقراء مستورين يارب لك الحمد والشكر بس اشياء كثير تنقصني وتمر شهور طويلة يالله يتوفر لي
اعطيكم امثلة عشان تفهمون وضعي وتفهمون مشكلتي
نقصني علبة شامبو ومعطر شهرين عشان تتوفر
ينقصني جوال ماعندي وصابرة وماطلبت ومن خمس سنين وما احد اشتري لي
ابي اروح اسلم على خالتي عمتي وبناتهم يلبسون ويكشخون ومايكررون لبسهم إلا نادرا وانا ماعندي ما اقدر اروح واجلس بعباءة واكرر لبسي في كل زيارة اكثر من خمس مرات ويمضى ستة شهور وماعندي إلا قطعتين ملابس
اذكر لما يجي طاري الزواج يقول ابوي ليت يتقدم لك رجال اربعيني وارمل وعنده اطفال بس يكون غني وراعي حلال مال
الان ابي اكمل دراسة الجامعية انتساب وماعندي فلوس الي لازم تدفعينها رسوم وماقدرت اوفرها ومن سنتين ابي ادرس
ابي اخذ دورات تفيدني لغة وحاسب ما اقدر كلها تبي فلوس ومن سنين ابيها
ابي اوفر اشياء ضرورية بالبيت نستخدمها وما قدرت مثل كوايه مكنسة وغيرها
من شهور يابنات ابي اشتري مكمل فيتامين غير العلاجات الي طلب الدكتور اشتريها مثل فيتامين دال وفيتامين ثاني للشعر لانه يظهر بشعري شيب ابيض مره غير التقصف وضعيف من زمان من سوء تغذية ونقص فيتامينات للشعر وماقدر اشتريهم
وكثير اشياء فيها تعسير وتأخير حتى تتحقق لي واهلي ونحمده ونشكر الله
ذكرت لكم بعض الاشياء عشان تفهمون انهم اشياء اساسية وتفهمون مشكلتي وتدعون لي دعوات صادقة بظهر الغيب
بنسبة للزواج ما يهمني كثير مايشغلني فكريا وإذا تقدم لي شاب أعزب ابن حلال ميسور الحال ابوافق بس لسى ماجى نصيب
وما احد تقدم لي كل خطبتي من كذا رجال وعمري كان ب25 وماتقدم احد
اخواتي ما أثر ابد عليها هالشيء نفسيا ماشاء الله عليهم وحتى بالظاهر اختي عندها مكافاة تدبر نفسها بها وماتكفى وتغطي واختي الثانية موظفة وعندها دين كبير تسدد ما اقدر اطلب منها وهي عارفه وضعي بس ماتقدر تساعدني ولا عطتني
خلال سنة كامل تقريبا اخذ من ابوي مبلغ الف ريال ما اذكر انه يزيد
وكل عدة شهور يعطيني مائة ريال بس تعرفون يابنات كل شيء غالي ومايكفي
حتى الي تاخذ خمسائة ريال من ابوها او زوجها ماتكفي ولا تغطي كل شيء
ابوي كبير بالسن وفي حياته كثير كانت معاناة وتعب ومشقة ولا احب الؤمه او اعتبره مقصر لو عنده كان يعطيني
إلي صدمني يابنات من يومين قالت اختي انه لمح لها ابوي انه يتركنا في البيت وبيروح مكان ماذكرته لي وراح نعيش لوحدنا فترة ويجي هو يزورنا وما اقدر اناقش ابوي واسأله إلا لما يخبرني بنفسه ولكن لمحت له وقلت الواحد يكثر من الدعاء والاستخارة ولازم يتشاور الاستشارة ويستخر وحاولت اجيب له سبب على كلامي قلت زي اخوي مديون مبلغ كبير تورط به بسبب رجال والمبلغ باسمه وظروفه صعبة حتى غرفة نوم ماعنده ومع ذلك قدر الان يطلع له سيارة بالتقسيط بالدعاء وبمشقة وتعب وصرفت نفسي وطلعت لاني اخذت فلوس منه ورحت للمستشفى والحمدلله صحتي طيبة
فيه اشياء كثير اكلم نفسي بفكرة انه ممكن تتحقق لو اني تزوجت رجل خمسيني غني وبعدين اتطلق لو ماتوفقت معه
عارفه من الحلول الاستغفار والدعاء هذا شيء اكيد ولابد منه وقلت لكم ما اشعر بيأس من فضل ربي
بس كيف اقدر احل مشكلتي الي طرحتها لكم وش الحلول ومين الي كان وضعي المالي والاسري صعب ومع السنين تغيرت ومتى حصل هالتغير في حياتك واتمنى الكل يشارك فيه يفضفض عن معاناة وظروف تشبه ظروفي و يكتب قصته اذا حياته تغيرت
لاحظت اني اهرب من الواقع بكثر النوم والعزلة بغرفتي وماعاد صارت عندي أهداف لأني الي تمنيته احقق من سنين ماحققت شيء ومع ذلك ما اقول عن نفسي فاشلة قلت لكم ما أبي اشعر باليأس
سيدة طفرانة فضفضت وطرحت موضوعها والله يجزاها جنة الفردوس إلي تدعي لي بظهر الغيب وإلي ترد على الموضوع
وشكرا جزيلا
سيدة طفرانة @syd_tfran
عضوة نشيطة
وش الحل ومريتي بحالي وكيف تغيرتي مثلا اتزوج خمسيني غني المشكلة مو بالفلوس او فيني!!!!
57
10K
يلزم عليك تسجيل الدخول أولًا لكتابة تعليق.
£إحساس
•
الله يكون بعونك
انا انصحك بالإستغفاااااااار
وبس
شوفي هنا في هذا القسم كم وحده إستغفرت وتحقق لها اللي ببالها
(يرزقكم باموال وبنين ويجعل لكم جنات ويجعل لكم انهارا)
يعني في كل وقت من اليوم إستغفريييييييييي
ايضا
الصدقه حتى لو ماعندك الا القليل
تصدقي لو بريال واحرصي يكون الصدقه بين الاذان والاقامه وتدعين بعد الصدقه مباشره
الله يكون بعونك
إذا سويتي اللي ذكرت لك رجا علمين بالنتائج
انا انصحك بالإستغفاااااااار
وبس
شوفي هنا في هذا القسم كم وحده إستغفرت وتحقق لها اللي ببالها
(يرزقكم باموال وبنين ويجعل لكم جنات ويجعل لكم انهارا)
يعني في كل وقت من اليوم إستغفريييييييييي
ايضا
الصدقه حتى لو ماعندك الا القليل
تصدقي لو بريال واحرصي يكون الصدقه بين الاذان والاقامه وتدعين بعد الصدقه مباشره
الله يكون بعونك
إذا سويتي اللي ذكرت لك رجا علمين بالنتائج
أختي ترى تفكيرك غلط مو شرط إذا تزوجتي أربعيني غني يكون كريم ويحقق لك كل شيء,ممكن تتورطين ولاتنالين إلا التعاسه والعيش مع رجل كبير بالسن ,أنصحك بالبحث عن عمل لو راتبه قليل أو أعملي مندوبه بالمنتديات أو أي عمل شريف والله يرزقك الزوج الصالح الي يسعدك ,لاتنسين الإكثار من الدعاء والاستغفار والصدقه لو بإطعام الطيور فتات الخبز.
الصفحة الأخيرة
صدقيني يا اختي كل انسان لازم يمر بظروف صعبة وهذا حال الدنيا
والله تعالى قال (كل يوم هو في شأن) يشفي مريض ويغني فقير بفضله وكرمه وجوده
حال الدنيا يتغير والله ماحد مرتاح الله يرزقنا الصبر والرضا
رددي دائماً ربي أفرغ علي صبراً وصدقيني بيرزقك الفسحة وتحسي براحة عجيبة
وبخصوص المادة حاولي تشتغلي باي وظيفة او تجارة بحيث يصير لك دخل بسيط لو كان عندك مهارة طبخ مثلا أطبخي وبيعي
الله يعيننا وإياك ..