ليالـ الفجر :

1) صاحبة الموضوع, والله انا عاذرتك لان قطاوة الشارع وسسسخة, يعني ياريت انهم يغسلونها وينظفونهاويخلونها قطط بيت! لا تجي من الشارع سيدة على البيت... والله شيء يثير الاشمئزاز والغثيان... وفوق كذا حامل!! 2) الشرارة قامت لما جو عندك ابو زوجك وخواته وماعطيتيهم وجه ومن هنا قامت حرب داحس والغبراء... **** <حررت بما ان الاخت كتبت الكلمة خطأ> 3) فكري في مستقبلك مع هالرجال! لانك لو طلبت شقة "مستحيل" يوافقون! تعرفين ليه مستحيل؟ لان الشور اصلا شور ابوه! وابوه كارهك! و واضح انهم مو جايبين خبر للي في بطنك والا ماكان تصرفوا كذا من الاساس... والغالب انهم بيطلبون طلاقك ولا يتخلون عن ولدهم الوحيد يبعد عنهم! وهو مثل ماقلتي تابع لابوه يعني ماراح يقول طيب بجيب لها شقة! الا ابوه بيقول طلقها وانا ازوجك الي افضل منها, وبيصير طلاق بدل لم الشمل! هل فعلا انت مستعدة للعودة لهالبيت الي زوجك فيه تابع لابوه؟ لين متى بتصبرين؟ جاوبي على نفسك بكل واقعيه وصدق 4) شغلي لي كيد النساء شوية في أمرين... الاول في انك تكسبين زوجك بالمديح له ولاهله, لان واضح ان زوجك تابع لاهله, ومستحيل يقبل يكون بصفك لو صارت سالفة بينكم... فانت مضطرة اذا ناوية فعلا تكملين في هالزيجة انك تخلين زوجك يشوف انك تحبين اهله وانك طيبة وهم الي معادينك من غير سبب... السالفة يبي لها صبر شديد وكيد نساء... هل لو انا مكانك كنت تحملت؟ بصراحة ماظنيت.. .لكن اتوقع لانك حامل طبيعي تبين تلمين شمل عائلتك... فهذي فكرة ممكن تحصدين نتايجها.. .واذا ماحصدتيها وابوه عايش بتحصدينها بعدين باذن الله لما يروح ضغطه عليه... اضافة لان مشاركاتي ماتسمح... وزيدي على هذي في انكم اذا طلعتم السوق تشترون هدية لواحدة منهم والا لابوه لاجل يحس انك مو بس كلام, ايضا فعل... وبكذا لو اخته حرضته عليك... بيقول حرام عليك هذا وهي تتذكرك بالهدايا... يعني متى ماقدرت تظهرين حسن نواياك طلعيها الثانية... زوجي ابو زوجك! قولي لزوجك مثلا "ياحرام ابوك لحاله عزابي... لو ابوي كان قلت له يتزوج حتى يعيش حياته...وابوك رجال ومو ناقصة شيء... بالعكس من حقه يجدد شبابه" يمكن هو يحس بالوحدة والفراغ وحاط دوبه من دوبك! بس لو يتزوج بتجيه مرأة تشيب راسه وبتشغله عنكم! او اذا شفت ابو زوجك كلميه كانه ابوك وتلطفي له وقولي له شفت لك بنت ولا كل البنات... ادب وزين وحلى بتطيرك السماء... والرجاجيل من تجي سيرة الحريم يخقون... بس اذا زوجته توها متوفيه لا... اصبري سنة... وحاولوا ايضا تلاقون له شغله تشغله برا البيت... شكله متقاعد صح؟ لازم يلقى له شغله يحبها يشغل وقته فيه مو ضروري وظيفه لكن هواية... اذا ميزانيته تسمح له يقدر يفتح له مشروع صغير يترزق منه يبيع حلويات على الاطفال والا غيره... كبار السن كذا اذا قعد بالبيت يبدأ يناقر كل الناس لانه يعاني من فراغ... فغير عن الزوجه لازم بعد يلاقي له اي شغله صباحيه يشغل وقته فيها ... الله يعينك ياقلبي...

1) صاحبة الموضوع, والله انا عاذرتك لان قطاوة الشارع وسسسخة, يعني ياريت انهم يغسلونها...