07-03-1434 هـ, 04:37 مساءً
فى البداية انا اتخرجت من الجامعة حلمت انى زى ما اكون لسة بدرس واعدة فى الفصل الفصل كان شكلة 3 صفوف انا كنت اعدة فى الصف الاول بس فى النص وكنت مركزة فى المذاكرة ولقيت واحد زميلى اسمة احمد زميلى فى الكورس فى الحقيقة شوفتة فى الحلم اعد فى الصف التانى فى النص بردوا وكان بيبصلى وانا مركزة فى المذاكرة مش مهتمية وبعدين احمد اتنقل ادام فى اول دسك وبعدها على طول انا كمان اتنقلت فى الدسك الاول فى الصف بتاعى وبعد كدة كنت خايفة ليفتكر انى اتنقلت فى الصف الاول على شانة على شان اكون جمبة وبعد كدة هو اختفى تماما ببص علية مش موجود


المهم مدرسة الفصل كانت بتحبنى جدااااا كانت مهتمية بية وبعد كدة الحصة خلصت وبدور على احمد بردوا مختفى لحد ما نزلت فى الشارع وهروح بيتى ببص لقيت احمد واقف بظهرة وبيتكلم مع اصحابة ومش واخد بالة منى ولقيت واحد شبة احمد خالص بس كان شعرة ابيض فعرفت بالشبة انة والدة وبعد كدة انا قلت خلاص احمد مشغول ومش واخد بالة منة روحت وكان معاية واحدة صاحبتى فى الحلم مروحة معاها اسمها منى منى دى فى الحقيقة معرفشى عنها حاجة كانت واحدة صاحبتى من ثانوية عامة ومعرفشى عنها حاجة خالص لقيتها ركبت باص وبتقولى يا الله اطلعى اركبى فبقولها لا مش هو دة الباص لقيت احمد وراية وبيقولى لا هو دة الباص وطلعت ركبت جمب صاحبتى وهو كمان ركب بس كان اعد ساكت السواق اللى فى الباص كانت سواقتة مش حلوة كان عمال يهزر ويحرك الباص يمين وشمال فضربت السواق بالكشكول بالراحة بهزار وقولت سوق كويس


وبعد كدة ببص لاحمد شفتة مضايق فقلت لة انت مضايق لانى كنت بهزر مع السواق قالى لا انى المفروض فى حاجة عملتها فى الفصل ضايقتة منى بس انا مش فاكرة اية بالظبط فقلت لة انت المفروض تسمعنى زى ما يكون فى سوء تفاهم ولقيتة نازل فقلت لة انت خسرت حاجة كانت ممكن تبقى اجمل حاجة فى حياتك وبصلى كدة ونزل من الباص وروحت انا البيت ولقيت تليفون من والدة وانهم عاوزين عنوان البيت بتاعى فيما معناة هيتقدمة وحسيت ان احمد متمسك بية وعاوزنى


ملاحظات هامة انا مش عارفة اختصر الحلم وانا كل فين وفين لما بحط حلم
ثانيا معلومات خاصة بالحلم احمد دة زميلى فى الكورس وكنت بصدة دايما او بمعنى اصح مش مدية لية فرصة انة يتكلم معاية وهو خطب حاليا
ثالثا شكرا وجزاكى الله خيرا

وقت حدوث الحلم بالساعه بعد العشاء مش فاكرة بس كان بعد العشاء



*الحاله الدينيه :ملتزمة الحمد لله



*الحاله الاجتماعيه: كنت مخطوبة وفسخت الخطوبة





*المهنه :اتخرجت من الجامعة




*حالتك قبل النوم.:الحمد لله كانت كويسة ومكنتش بفكر بحاجة


*ان تذكر كل ماهو قد يخدم تعبيرفي حلمك من واقعك.:. غالبا الحمد لله شرحت الحلم ووضحت فية النقط المهمة


*ذكر اسماء من في حلمك.:.(((واسمك انتي لا يشرط ابدا او اسم امك ))) ولكن يشترط اسم الاشاخص من هم بحلمك
هو اسمة احمد
وصديقتى اسمها منى دى الاسماء اللى كانت فى الحلم


* ذكر هل انتي على رقيا ام لا.:.فان من اهمالامور التي تغير التعبير كافه في رموزه وتوضحه اكثر ان ذكرتي هل كنتي على رقيا ام لا وان كنتي على رقيا ارجو ذكر برنامجك لو بشكل مختصر(( يقصد بالرقيابرنامج من القران مخصص لعين او السحر او ماشابه ولا يقصد الفتاحه والاذكار )) انا اكثر من قراءة سورة البقرة
09-03-1434 هـ, 02:03 صباحاً
منامك أضغاث احلام لااجد له تفسيرا
الزمي الاستغفار تقبل الله منك ورزقك ماتتمني
الله اعلم وأجل




اخترنا لك هذا الموضوع:

اقرئي المزيد »

الساعة الآن 04:56 .

جميع الحقوق محفوظة - عالم حواء - 2015