أخبار حواء:
«    »

                 

إضافة رد
أدوات الموضوع انواع عرض الموضوع
قديم 04-02-1434 هـ, 05:56 صباحاً   #1
بائعة المسك

عضوة مميزة
 
الصورة الرمزية بائعة المسك
 
تاريخ التسجيل: 10-08-1425 هـ
المشاركات: 11,598



تعلمي كيفية عمل الماكرون في 5 دقائق...

بسم الله الرحمن الرحيم

السلام عليكم ورحمة الله وبركاته...

بنات انا من زمان ادور طريقة الماكرون وحاولت بقوقل كثير القاها بس اشوووف صعبه وكثيره الطريقه مو الاغراض
وكلها بالغرامات وقريت بمنتدى انه ماينجح الماكرون الا بالغرام يعني بوزن المقادير
وقلت للبنات قالوا اليوتوب احسن من المنتديات 
وصدق بحثت كثير باليوتوب ولقيت كم طريقه سهالات مره بس الطرق بعضها فيها حرق السكر ومدري كيف اتركها وبعضها احس ان شكلها مو مضبوط
فلقيت باليوتوب وحده تسويها سهله مررررره والشغل سهل وقلت اترجمه لكم وسويها صور وطبعا ابحط الرابط لكم عشان تشوفون ...
 





الأدوات المستخدمه:
2 وعاء للخفق
محضرة طعام ( للطحن)
مضرب او خفاقه
2 صينية فرن
2 ورق زبدة نفس مقاس الصينية
2 ورق تصوير نفس حجم الصينيه فيها دوائر متفرقه كلهم نفس الحجم

كيس معجنات ، حلواني ، كريمه اي اسم له
ميزان
منخل 
ملعقه بلاستك

- المقادير :
3 بياض بيض
210 غ سكر بودرة
125 غ مسحوق اللوز
30 غ سكر شبهه خشن ( مو مره خشن اللي زي سكر الاسره)



1-2- من المهم... قياس كل المكونات بدقة.. اولاً تقيسين اللوز والسكر البودرة ...




1- يوضع دقيق اللوز المطحون والسكر البودرة في محضره الطعام وطحنيهم حتى يصيرون ناعمين لمدة دقيقة أو اثنين.

2- وقفي الجهاز وحركي الخليط  بالملعقه من الجوانب ومن اسفل ومرة ثانيه اطحنيهم زين لمدة دقيقة واحدة ... الغرض تجانس الخليط ونعومته ...






1- بعد الانتهاء من طحنهم ... انخلي الخليط في الوعاء الاول ..
2- وحركي الخليط بالملعقه...
3- واللي يتبقى من الشوائب والقطع اللي ماطحنوا زين ارميهم (لضمان سلاسة الخليط).. وتركيه لبعدين ..






1- في الوعاء الثاني حطي بياض البيض وقومي بخفقه بالمضرب على سرعة متوسطة..
2- واذا بدا البياض يتضاعف وبدا يكثف ويترك علامة مو يصير كريمه لا يصير رغوه حطي السكر الخشن ببطئ وانتي شغاله بالمضرب لاتوقفين على مدى دقيقة أو الى ان يكثف ويتماسك البياض ويصير زي الكريمه حقة الكيك ...

3- استمري بالخفق على سرعة متوسطة من 3-4 دقائق.. او الى ان ينتفش ويتكثف ويصبح قوامه مثل كريمة التزيين   او ان تظهر علامه مثل المنقار في المضرب ... بعدها وقفي ..

 




1- احطي الالوان اللي تحبين ، كم قطرة..
2- وبالملعقه البلاستك حركي  البياض حتى يختلط مع اللوان وتوصلين للون اللي يعجبك ...






1- قومي بوضع خليط اللوز مع السكر الى بياض البيض على دفعات..
2-3- يعني حطي شوي وخلطي بعدها شوي وخلطي ..
لكن الخلط مو بسرعه وقوه لكن بخفه حتى يندمج عدل ولا يتكتل ،،
4- بعد التاكد من ان الخليط قد تجانس يترك ليرتاح قليلاً...






1- قومي بوضع الخليط في كيس الحلواني او البلاستك اكياس كريمات التزيين 
ضعي الكيس في كوب كبير او وعاء (الكاس حتى يمسك الكيس ولا يتحرك عند وضع الخليط داخله)
2- حطي حوالي نصف الخليط في كيس المعجنات..





1- جيبي صينية الفرن وضعي ورقه تصوير فيها دوائر متفرقه بنفس الحجم
2- وفوقها ورقة الزبده (زي شفافات التفصيل)
3- وقومي بتشكيل الخليط بكيس الكريمة على نفس الوائر
اضغطي على كيس الخليط على نفس الدائره لحد مايصير الخليط اللي صار على الدائرة قدها بالضبط
لكن ركزي فتحت كيس الحلواني على ورقة الزبده بطرف الدائره يعني الفوهه حقت الكيس تلامس الورقه ويطلع الخليط راح يصير دائري على نفس حجم الدائره
لازم يكون نفس الدوائر عشان كلهم يصيرون زي بعض ويطابقون بعض..






1- واذا خلصتي كل الدوائر قومي بطقطقة الصينيه يعني ترفعينها وتطقينها بالطاولها ،.. عشان نطلع الهواء ويتواسوون زين بالحركه هذي اللي تمسكين الصينيه وتطقطقينها على الطاوله مرتين او ثلاث مرات مو بقوه لا طقطقه خفيفه ..

2- بعدها اسحبي وطلعي من طرف ورقة التصوير اللي فيها الدوائر مو ورقة الزبده اللي فيها الماكرون..

3- بعدها اذا فيه بالماكرون نتوء او زوائد واسيهم بطرف سكين او ملعقه صغيرة  والافضل يكون عندك صحن فيه ماء بللي اصبعك ولزق بخفه الزوائد اللي في كل دائره ..






1- خليها ترتاح لمدة 20 دقيقة على الأقل.
- سخني الفرن إلى 300 ف* (150) م*  
- اخبزي الماكرون لمدة 12-14 دقيقة .. انتبهي تراه يستوون بسرعه..

2- حتى نختبر النضج قومي بضغط بخفه على سطح كل وحده عشان تتاكدين اذا نضجت ..

3- اتركي الماكرون تبرد تماما قبل إزالتها من ورق الزبدة  حتى يكون من السهل اخراجها من الورق..

4- حطي الحشوة اللي تحبين وسط كل وحده لكن وحده تحطين فيها والثانيه لا... وتسكرينهم على بعض.. زي الساندوش بس حاول ان الحشو تبين على الاطراف ويطلع لون الحشوه..



- الحشوات حسب الررررررغبه:
1- جميع انواع المربى 
2- كريمه شوكولاته او فانيليا او نوتيلا
3- فيه كريمة بيتي كروكر البيضاء حطي فيها الالوان اللي تحبين عشان تصير نفس لون الماكرون اللي انتي سويتيهم..

- وهذي حشوة من النت :
100غ شوكولاته سوداء
30 غ مسحوق البندق المطحون ناعم
80 غ كريمة
20 غ زبدة
35 غ سكر

نضع السكر على النار الة ان يصبح لونه كراميل ثم نضيف الكريمة والزبدة ونتركهم على نار هادئة معا
نجهز صحن به الشوكولاته و مسحوق البندق نضيف لهم لخليط الذي كان يغلي على النار وننتظر 30 ثانية
تم نخلط الكل جيدا ونحشي الماكرون...

تشكيلة ماكرون بحشوات مختلفة : مربى توت ، فراولة ، فانيلا بتر كريم ، كاراميل مملح ، بينت بتر ومربى


وهذا فيديو الموضوع بالانجليزي بس بناااااااااات .... الفيديو موسيقى ماله داااعي قصروا عليييه مو تتكلم الحرمه لا مكتوب بنفس الفيديو الكلام فترجمته لذا ابري ذمتي فيه موسيقى اكتموا الصوت جزاكم الله كل خيرررر......

تعلمي كيفية عمل الماكرون في 5 دقائق...
Learn How to Make Macarons in 5 Minutes
http://m.youtube.com/watch?v=2L1zbAOQ3EI




ومابي غير دعواتكم الحلوه

والصلاة والسلام على اشرف الانبياء والمرسلين نبينا محمد وعلى اله وصحبه اجمعين
صلى الله عليه وسلم

❤❤❤❤💐




كيكة حلى بائعة المسك ... لايفوتكم خيااااليه شكلها
http://forum.hawaaworld.com/showthread.php?t=2168061
بائعة المسك غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر


قديم 04-02-1434 هـ, 06:44 صباحاً   #2
متجر ضي القمر
تاجرة موثوقة
 
الصورة الرمزية متجر ضي القمر
 
تاريخ التسجيل: 28-05-1422 هـ
المشاركات: 56,168







يسلمووو ويعطيك العافيه












موقعي
Www.daimooon.com
الانستغرام
daimooonshop







متجر ضي القمر غير متواجد حالياً رد مع اقتباس

قديم 04-02-1434 هـ, 07:04 صباحاً   #3
انفاس الغروب

كبيرة محررات
 
تاريخ التسجيل: 23-04-1433 هـ
المشاركات: 10,027


يامال العافيه


الاخوات اللي يراسلوني على الدردشه
اعذروني تفتح,,واشوف رسايلكم,
لكن مايرسل من عندي

انفاس الغروب غير متواجد حالياً رد مع اقتباس

قديم 04-02-1434 هـ, 07:21 صباحاً   #4
اموت فيك يازوجي

محررة برونزية
 
الصورة الرمزية اموت فيك يازوجي
 
تاريخ التسجيل: 14-02-1427 هـ
المشاركات: 2,512



تسلم الايادي ياارب انا احب الماكروووون كثير


اموت فيك يازوجي غير متواجد حالياً رد مع اقتباس

قديم 04-02-1434 هـ, 07:38 صباحاً   #5
نيرات

عضوة فعالة
 
الصورة الرمزية نيرات
 
تاريخ التسجيل: 17-01-1429 هـ
المشاركات: 678


تسلمي يالغلا
بس هل جربتيها ياليت تحطين تطبيقك
و كم تطلع حبه من هذا المقدار


سبحان الله و بحمده سبحان الله العظيم
نيرات غير متواجد حالياً رد مع اقتباس

قديم 04-02-1434 هـ, 07:47 صباحاً   #6
بائعة المسك

عضوة مميزة
 
الصورة الرمزية بائعة المسك
 
تاريخ التسجيل: 10-08-1425 هـ
المشاركات: 11,598



المشاركة الأصلية كتبت بواسطة متجر ضي القمر مشاهدة المشاركة
يسلمووو ويعطيك العافيه
الله يسلمك ويعافيك يارب
تسلمين يالغلا

المشاركة الأصلية كتبت بواسطة انفاس الغروب مشاهدة المشاركة
يامال العافيه
الله يعافيك يارب
مشكوره يالغلا

المشاركة الأصلية كتبت بواسطة اموت فيك يازوجي مشاهدة المشاركة
تسلم الايادي ياارب انا احب الماكروووون كثير
تسلمين ياقلبي
جزاك الله كل خير والجميع يارب

المشاركة الأصلية كتبت بواسطة نيرات مشاهدة المشاركة
تسلمي يالغلا
بس هل جربتيها ياليت تحطين تطبيقك
و كم تطلع حبه من هذا المقدار
لا والله ماقدرت اجربه ماعندي ميزان
محتاجه ميزان لازم اشتري لان كثير طبخات يعجبوني واخرتها غرامات
واخذ الغرامات من النت بديلهم بالاكواب ولا يطلع مظبوط
لذا من الفيديو الكميه شويه البيض 3 حبات واللوز شكله تقريبا مقدار ثلاث ارباع الكاس والسكر من شكله برضو كاس ونص والله اعلم
لكن والله ماجربت لاني اول مالقيت الطريقة باليوتوب على طول ترجمتها وصورتها ونزلته
لان فيه بنات يبون طريقتها


بائعة المسك غير متواجد حالياً رد مع اقتباس

قديم 04-02-1434 هـ, 08:24 صباحاً   #7
معطيتهم ركبه

محررة
 
تاريخ التسجيل: 10-07-1430 هـ
المشاركات: 1,486


يعطيك العافيه ابدااااااااااااااااع
طيب السكر ضروري بودره والا انا اطحنه عادي


معطيتهم ركبه غير متواجد حالياً رد مع اقتباس

قديم 04-02-1434 هـ, 08:33 صباحاً   #8
أم سومه

عضوة مميزة
 
الصورة الرمزية أم سومه
 
تاريخ التسجيل: 26-01-1425 هـ
المشاركات: 6,649


فائزه بمسابقة التجارب والحلول ( مسابقة درس مفيد )
فائزه بمسابقة التجارب والحلول ( مسابقة درس مفيد )



تسلم يدك ياعسل

بناتي يمووتوو فيه وله ميزانيه

بس يبيله شغل وعاد انا شغلي كله على بركه مستحيل اتقيد بغرامات او كاسات

ماقصرتي حبيبتي





أم سومه غير متواجد حالياً رد مع اقتباس

قديم 04-02-1434 هـ, 08:42 صباحاً   #9
الفراشه المبخوته
تاجرة موثوقة
 
الصورة الرمزية الفراشه المبخوته
 
تاريخ التسجيل: 06-02-1428 هـ
المشاركات: 28,824






الله يعطيك العافية


الفراشه المبخوته غير متواجد حالياً رد مع اقتباس

قديم 04-02-1434 هـ, 09:09 صباحاً   #10
بيتوتية من جد

محررة
 
الصورة الرمزية بيتوتية من جد
 
تاريخ التسجيل: 07-06-1431 هـ
المشاركات: 1,470


الحلا هذا غااااااااااااالي مرة واحس طعمه عادي
بس صراحة سعره يصدم
لقيته بسوبر ماركت مرحبا

بس لما شفت طريقته في فتافيت قلت يحقلهم يغلون السعر طريقته تاخذ وقت


بيتوتية من جد غير متواجد حالياً رد مع اقتباس

إضافة رد








تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

المواضيع المشابهة (العرض التجريبي)
الموضوع كاتب الموضوع المنتدى مشاركات آخر مشاركة
مهم جدا..كيفية حساب أسابيع الحمل بالأشهر؟؟ hazin قسم الحمل والأمومة 19 04-04-1435 هـ 12:37 صباحاً
كلمات رائعة تشعرك بالسعادة في دقائق همسات الشوق2 مجالس الإيمان 33 18-10-1434 هـ 09:39 مساءً
تعلمي كيف تسعدين نفسك حرف.الغلا قسم حياة أسرية سعيدة 12 21-11-1433 هـ 12:48 صباحاً
دراسه: خلوة الرجل بالمرأه لأكثر من 5 دقائق يؤثر ع صحة الرجل مذهله الشهري المجلس العام 23 28-10-1433 هـ 11:13 مساءً
تعلمي كيفية التعامل مع زوجك الشكاك girl avatar قسم حياة أسرية سعيدة 0 03-09-1433 هـ 03:01 صباحاً


الساعة الآن 12:15 .


شات عالم حواء
تابعونا على Google+
تابعونا على instagram
تابعونا على twitter
تابعونا على Facebook