السلاااااااااام عليكم ورحمة الله وبركاته
شلونكم ياغاليات ..كل عام وانتن بخير وتقبل الله منا ومنكم
المصابيب مو غريبه على الكثير مننا وانا سمعت لها اسماء كثيره
لكن كلها نفس الطريقه..هي بانكيك بس حقتنا حنا ..
ومفيده جدا جدا لأنها كلها بر وعسل
انا كنت دايم اشوف امي تسويها بس قلت والله لأسويها
قعدت اخمن المقادير من راسي لأن امي الله يحفظها ماعندها مقادير كل شي بالنظر
بس ابوي اعجب بمصابيبي وانا ماصدقت..
تفضلوا:
1 كاس دقيق بر
3 ملاعق اكل حليب بودره
ذرة ملح
ملعقة اكل سكر ناعم
ملعقه شاي خميره
1بيضه
اكثر من كاس ماء تقريبا كاس وربع ماء
اخلطيهم كلهم باليد بخفاق البيض
حبه سوداء (حسب الرغبه بس انا احبها)
وغطيها واتركيها تقريبا 10 دقايق
وبعدين جيبي الصاج التيفال وحطيها على النار مايحتاج تدهنينها..
وخذي مقدار ملعقه وصبي على الصاج
لاحظي لما سطحها من فوق بدأ لونه يغمق وماعاد صار عجين
اقلبيها على الوجه الثاني..
وهكذا الين ينتهي المقدار..
بعد كذا ذوبي تقريبا ربع اصبع زبده (لاتكثرين ترا الزبده لو حطيتي منها شوي يكفي)
واخلطي معاه عسل وصبيه فوق المصابيب..
يفضل انك تحطين شوي مصابيب في الصحن وتسقينها بشوي زبده وعسل
وبعدين تحطين مصابيب زياده وتسقينها عشان تضمنين ان كل المصابيب تشربت
وبس قدميها الف صحه وعافيه..
في ناس تحب انها تحط سمن+سكر
او
بصل +طماطم
بس انا احبها كذا طعمها الذ شفتوا شلون سهله..
^^مشاعل السعوديه^^ @mshaaal_alsaaodyh
محررة ماسية
يلزم عليك تسجيل الدخول أولًا لكتابة تعليق.
مجدولي
•
وانت بخير وصحه وسلامه شعوله
الله يبلغنا رمضان ويقبل منا صالح الاعمال
سلمت يداك والله يرحمها عن النار يارب:33:
الله يبلغنا رمضان ويقبل منا صالح الاعمال
سلمت يداك والله يرحمها عن النار يارب:33:
نجمةسهيل
•
الله يعطيك العافيه يامشاعل
والله انا استفدت كثير من طبخاتك الله يجزاك خير ويوفقك
مبين انك سنععععععععععه ماشاء الله تبارك الله
والله انا استفدت كثير من طبخاتك الله يجزاك خير ويوفقك
مبين انك سنععععععععععه ماشاء الله تبارك الله
انا اول مره اعرف هذى الاكله
مانسويها بالكويت
او يمكن نسويها ولها اسم ثاني ماني عارفه
شكلها مثل عجينة القطايف او مثل البان كيك
وتصير لينه بالاخر ولا مقرمشه ؟؟
شكلها يجنن تسلم ايدينك ويعطيج العافيه
:26:
مانسويها بالكويت
او يمكن نسويها ولها اسم ثاني ماني عارفه
شكلها مثل عجينة القطايف او مثل البان كيك
وتصير لينه بالاخر ولا مقرمشه ؟؟
شكلها يجنن تسلم ايدينك ويعطيج العافيه
:26:
الصفحة الأخيرة
بس شكلها من تحت ايديكي بشهي
تسلم ايديكي
(على فكره لعبة الغرفه المغلقه جننتني بس فتحناها اخيرا):42:
كل عام وانتي بالف خير