عملية تغير المسار وتكميم المعدة وكل عمليات السمنة مجاننا في مستشفى الملك فهد العام . تاريخ كتابة الموضوع 29/1/1434
خطوات عمل عملية تغير المسار أو التكميم مجاننا ... في مشفى الملك فهد العام بجدة ترى لاتنسو تركزو على التاريخ جديد تاريخ كتابة الموضوع 29/1/1434
أكتب تجربتي بعد توفيق الله عز وجل والتي اتمنى ان تدعو لي بالتوفيق وتدعو لوالدتي رحمة الله عليها فهي متوفيه
انا بنت من مكة المكرمة . رحت مستشفى النور وطلبت ورقة تحويل لمستشفى الملك فهد العام بجده عشان اعمل عملية تغير المسار . طبعا مايحتاج الشغله لازم واسطة لكن انا واسطتي الله .... رفضو يعطوني ورقة تحويلة وقالو لازم واسطه >> واتركوكم من كلامهم الفاضي وأعملو مثلي ومعروف دائما أنه مستشفى النور علة ويجيبو الهم المهم أعملو مثلي ...
1- خذو موعد في مستشفى النور بمكه عند دكتور السمنة حق المناظير , وعاد الله يعينكم انتظرو الموعد ... بعدها لما تدخلو وتكشفو عند الدكتور قولوله تبغو ورقة تحويل لمستشفى الملك فهد العام بجده . وراح يكتب لكم التحويلة
))
هذه هي الطريقة لاخذ ورقة التحويل . أما انا دخلت للمدير وترجيت واشتكيت لحقوق خدمة المرضى حتى قدرت اخذ ورقة التحويل في أسبوع بعد الدخول لطبيب السمنة ))
2 - اطلعو جدة لمشفى الملك فهد العام ومعاكم ورقة التحويل وبطاقة الهوية وصورة تبقى الاصل من الهويه مهم تاخذو الهويه وصوره منها عشان تقدرو تفتحو ملف . لما تطلعو جدة أفتحو ملف في مستشفى الملك فهد وخذو موعد لدكتور السمنة الخاص بالمناظير واختارو .... الدكتور أحمد خليل لانه ممتاز .. (( ملاحظه مستشفى الملك فهد منها أثنين وحدة هي القوات المسلحه وهي خاصه للعساكر والثانيه عامة وهي ألي عملت فيها عملية تغير المسار وهي خلف السفارة الامريكية في الحمراء في جده ))
3- أول موعد راح يكشف الدكتور عليكم
4- ثاني موعد تسو التحاليل ومن الان تتاكدو انكم تتغذو كويس عشان التحاليل تطلع تمام
5- اذا طلعت التحاليل تمام يتحدد موعد العملية بحسب اختيارك انت سواء تغير مسار او تكميم أو العملية الي تحب
6- لاقدر الله في حالة عدم نجاح التحليل وعندكم نقص في الفتمينات تضطرو الى الانتظار الى موعد لدكتور تعديل الفتمينات وبعدها تعملو التحاليل تاني علين يضبط معاكم وعاد يتمص دمكم ويضيع وقتكم
(( لعلمكم أنا والله لما سويت التحاليل طلعت ناقصة . رجعت مكه ورحت مستشفى بفلوسي وأخذت فتمينات وطلعت للدكتور .. في يوم الاحد ويوم الاحد هو اليوم الي دائما الدكتور يكون متواجد في العياده المهم دخلت للدكتور بدون موعد الدكتور أبن حلال وقالي لاتخافي اصلا نصف العيادة بيجو من غير مواعيد . ودخلت وريته ورقة تعديل الفتمينات والدواء الي استخدمته وكتب لي على طوووووول دخول لغرفة العملية بعد أسبوع )))
7- بفضل من الله سويت عملية تغير المسار والان أنا بخير وسعيدة بنزول وزني . ليا نصف شهر وانا عاملتها . وحبيت أنقل تجربتي لوجه الله لاني عارفه في أخوات محتاجينها والله سويت العملية وبفضل من الله مادفعت ولا اريال ....
فدعواتكم لي بالتوفيق ولوالديه أنشروها للفائده لعل أحد يحتاجها
أي سؤال انا متواجده ... أهم شئ تدعو لي ولوالدتي رحمة الله عليها ولكل أهلي ..... تاريخ كتابة الموضوع 29/1/1434