مدخل
منذ ولادة الطفل
يبدأ في تكوين علاقاته الاجتماعية مع الأم..
فهي الصديقة الأولى له..
وهي الشخصية المفضلة لديه والتي يسعد لسماع صوتها..
ورؤية وجهها ولمس يديها.
مساء \ صباح الخير عالجميع
حياكم الله جميعا :pinklove:
اللهم بارك لنا في أولادنا ووفقهم لطاعتك وارزقنا
برهم
بنتي الله يحفظها جايه اليوم عندي ومعاها رسمه قالت ماما هديه لك انتي (صديقتي المفضله)
كلمه تمنيت سماعها منها احسست بشعور حلو واعتراف افخر فيه ..
فحبيت اتناقش معاكم في موضوع مهم واحد اساليب التربيه للطفل (هل انتي صديقة لطفلك؟)
اغلب الامهات لاتهتم الى مصادقة اطفالهم وتعتبره امر عادي ليس مهم ..
فاذا كبر الطفل اشتكت الام طفلي بعيد .. غامض ..مايعلمني بكل شي ..مااعرف الي يشكي منه!!
فيجب على الام ان تحرص على مصادقتهم وهم صغار السن وتكسب حبهم لتربح صداقتهم في الكبر .
اغلب الامهات تتسأل كيف اصبح صديقة اطفالي ؟؟
الانصات للطفل الصغير وهو يتكلم خلي عيونك عليه وناقشيه واشعريه انك معه بعباراتك..كمل ..بعدين ايش صار?
علقي على كلامه تفاعلي معه بملامحك فرح او حزن واسئليه ايش عمل في المدرسه ؟ايش درس؟
عند انصاتك له ثقي انك راح تكوني اول من يبغى يتكلم معاه ..
تذكرت ولد اختي مره كنت عندها وجالسين في المطبخ دخل ولدها من النادي صارت له سالفه ومتحمس
ويتكلم وامه تصارخ روح غسل يدك ..فسخ ثيابك ..وماخلت الولد يقول كلمتين على بعضها
سكتها وتفاعلت مع ولدها مسكين ويعلمني وش صار بعدها راح على غرفته ..
طبعا ماقصرت في اختي العزيزه .. قلت حرام عليك طيب اسمعيه دقائق ماراح تضر بالعكس
بتسعده اكثر.. قالت والله انك فاضيه ماشفتي كيف دخل عليه وتبغين اسمع كلامه!!وللاسف هذا
حال كثير من الامهات.
طبعا متى تبتدئي صادقة طفلك اذا لاحظتي عليه بدا يكون صدقات مع الاطفال وغالبا تبدأ عند سن الخامسه من عمر الطفل.
بنتي ماشاء الله عمرها خمس سنوات وبدأت اكون صداقه بيني وبينها واخليها تحس اني صندوق اسرارها..:kiss:
مثلا اسوي انا وهي عمل واقول خلاص سر بيني وبينك تقول خلاص ماراح اعلم احد ..اليوم سويت كيكه وانحرق جزء بسيط منها
وناديتها قولت بعلمك سر لانك صديقتي وماراح تعلمين احد قالت طيب قلت شوفي حرقت الكيكه وضحكت قالت ليش ياماما قلت نسيت قالت طيب ماراح اعلم بابا :42:
قلت ايه سر قالت طيب انا بعلمك سر قلت علميني قالت امس يوم كنت عند جده رسمت على الجدار بس ياماما زيك نسيت احسبه ورق..:huh:
طبعا ماعصبت ولاوضحت لها اني معصبه فهمتها بطريقه حلوه بس الحمد الله استفدت انها ماصارت تخبئ على شي تعلمني بكل شي يصير لها..
آسفه اذا طولت عليكم كتبت موضوعي لنستفيد بتربية ابنائنا التربيه الصحيحه التي تسعد قلوبنا في النهايه ..
واخيرا /هل انتي صديقه لأطفالك اذكري لنا تجربتك بالموضوع لنستفيد من خبرتك ؟؟
