الشيب المبكر

يسعد مساءكم جميعااااا
راح ادخل في الموضوع مباشرة ،،،،، انا احدى ضحايا الشيب المبكر ،،، وتعرفون يعني ايش شيب مبكر للبنت ،،، لو رجال كان الامر عاااادي ، لكن كيف بيكون شكلك وانتي شعرك نصة شيب مهما كنتي جميلة الشعر الشائب يوحي بانك امرأة كبيره في العمر قمممة التعب النفسي انك تكونين بالعشرينات وشكلك بالخمسينات ،،،، طبعا انا اعرف سبب الشيب المبكر عندي ،،، انا طلع لي شعرات ممكن 3 بعمر 15 بعدها بعمر 18 قمةةة الشباب يابنات اه بالقهر عمر 18 الي البنت تكون بعز شبابها كان شوي مؤ كثير بعمر 23كان واضح وكنت اخفيه بالصبغ بعمر 25 زاد بشكل واضح بعمر 27 اشتعل بشعري ،، تعرفون كيف النار اول ما تبدأ بشراره بعد كذا تشتعل بالمكان كله كذا الشيب اشتعل بشعري الان عمري قريب من 29 ونص شعري شائب ،، دعواتكم لي المهم زي ماقلت لكم انا اعرف سبب شيب شعري. ضغووووووط نفسيه يابنات عساكم ماتمرون بنفس الي مريت فيه والله يسامح من دمر نفسيتي وقهرني قهرطوال سنوات عمرررري ،،، تخيلي من عمر 15 وانا بضغط نفسي لدرجة اني اكلم نفسي من القهرررررر الله يسامح من كان السبب في دماري
المهم انا كبرت وصرت في عمر 29 الان وشوي شوي بديت اتحرر من الظلم الي اعانيه والقهر النفسي الي يمارس علي بعد ما دفعت. شعري ضحية واصبحت املك شعر شائب يعني دمار جديد لي ،،،،،، المهم انا حاولت أعالج الشيب بالفيتامينات لكن مشكلتي ما استمر على شيئ ،،، شغالتنا تقول ان زوجها اول ماتزوجوا وكان عمره 23 كان شعره شائب واستمر ع فيتامينات صرفها له الدكتور ورجع شعره اسود تقول انه استمر 6 شهور ،،، وانا ما عمري استمرت اكثر من شهرين او استمر لكن متقطع يعني اتركها اسبوع اكل يوم و3 لا أخاف انها تضر،،، الزبدة يعني ما استمر ع شيئ اذا سمعت عن علاج أطير واجيبه لكن ما استمر وهذي المشكله ،،،،،،المهم في احدى المرات وانا ابحث كعادتي عن الشيب لقيت موضوع شدني وهو عن حموضة الدم وكيف ان الضغوط النفسية تسبب حموضة الدم وبالتالي يتحول الشعر للون الابيض وانه بجعل الدم قلوي يعود الشعر الابيض للأسود ....
فحبيت اطبق التجربة وان شاء الله تجيب نتيجة ..

واللي جربت اي طريقة لعلاج الشيب المبكر ياليت تفيدني ؟؟