19-01-1434 هـ, 11:43 مساءً
التغيير صعب جدا في البدايه ليييييييش ؟؟
هنا أقولكم ليش طبعا من الصعب تغييرين شخصيتك وطبعك وشئ انتي أنولدتي عليه وكل اللي حولك اتربوا على كذا ..التغيير يحتاج عزيمة وأصرار لأنك راح تخسرين أشياء كثيرة ..منها الكل بيوقف ضدك ومنهم اللي عودتيهم على طبيعتك طبعا متعودين ياخذون مايعطوني ..زوجك راح ينقلب 180درجة بس طنشي وعادي جدا لانها ماتعود شي ..انت مطالبة دائما مطالبة تعطين بحكم عرفوك على كذا ..
المهم أنا حيل طيبة وابكي لمن أشوف احد يبكي قدامي مرات أخت زوجي الوسطى حالتهم الماديه صعبه
ومشاكل ليل نهار وكنت أعطف عليها كثيرا ماني قايلة شئ اكثر من كذ لان الله الله اللي بيحاسب وكانت بنتها مرة طيبة وساكتها وحيل محترمة كذا شفت ..وكانت أمي الله يهديها (أنتم ماتدورن لاخوكم عروس وووو؟كلنا نعرف الباقي قلت يلا اخوي الصغيرون وروح امي فيه وهذي ان شاء الله بنت حلال ..خذيناها لاخوي ويابنات ورب الكعبه اني اللي قضيت كل شي عشان ابسط البنت وابيض وجه اخوي المهر وهدايا الملكة والشبكة أنا اللي أخترتها فخمة والملابس من اغلى الماركات اللي عمرها ماتحلم فيها ..ضيفوا الى ذلك ماسوو ملكة زي الناس والعرس تحملناه احنا وقسم بالله من عطفي على الام وابغى كمان اخليها في نظر معازيمنا مرتبة وقدام اهلي بعد لان عمري مانقلت شي عن خوات زوجي لأهلي ..اخذت لها قطعه ورب الكعبه زي قطعه امي من احترامي لها مافرقها غير اللون ولاكمان فصلتها لها المهم توزيعات الفرح جايين يد وراء ويد قدام قمت روحت اخذت افخم توزيعات وقدمتها لها الاهم معطين اخوي قبل الفرح التوزيعات (خلها تعبيها هي )هنا انصدمت بس من حسن الظن الزايد قلت يمكن مايعرفون والكوفيره وكل شي ..المهم احداث مالكم بها طويلة وتقهر ..وامي من حبها لولدها عاملتها احسن منا حنا يابناتها ..بدأت تطلع السم الناكت وتلذع امي بكلام ..غير كذا قولتني كلام ماقلته وقلبت اخوي على وامها بعد واقفة في صف تفاصيل تشيب الراس واطردت امي من البيت واخوي مثل الغبي ولاكلمة ..ونادت زوجي عندها واشتكت وقالت يقولون فيك كلام ووووو؟؟جاني الرجال مقلوب وحلفت ماسويت شي بس طبعا الانسان اللي يعطي دائما في نظر الناس ضعيف ..عديتها بكيفي ومابغى اقطع ارحام وكلن توقف عند حدة ..المرة الاخيرة وهي الحدث الاكبر ..سار عندي مناسبه وجات عندي والله اني سلمت عليها بنت(استغفر الله )كل ماتذكر احس الضغط يرتفع بس مغبونة من وجه الفقر ذيك قامت من نص العشاء وطلع وقالت لخالتها برضو كانت حاضرة اني ماستقبلتها طبعا سارت علوم بس زوجي هنا وقف معي وراح لامها وهددها مافاد قالت مرتك تكره بنتي علوم يابنات بالعقل اكرهها ازوجه اخوي ..طالت العلوم وقال زوجي لابوها انفجع وقال لاعادت تدخل بيتي بس حيوانه مايهمها اشياء سوتها ماقلنا لاهلها عليها مانبي نجرح احد..يكفي انها قالت لامي بنتك اكرهها لله في الله ..والخوات اجتمعوا مع بعض ومقاطعة عيني عينك ولاسلام ولا عيد واشوف الاخ ماعلق ايش سويت
مالي شكر ولاجميل خذيت بنتهم من الفقر واجتمعوا مع بعض ..صراحة زعلت من زوجي وقلت له ابي اقطع علاقتي فيهم نهائي واللي تبي تسويه سوه ....وعددت كل وهو عارف كل شي ..واتهاوشنا وقفلت جوالي ولاسألت ثلاث اسابيع يرسل مسجات ولاعلقت الا في الاخير هو طبعا شافهم فرحانات وووو جاني وقلت بطلع من عمارتنا في عمارتنا الثانيه مكان مايعرفون وين انا ..ولاسلام ولاسؤال ابغى ارتاح فوق اللي سويته ولاشكر ووافق ابو الشباب بس كل مرة يعلق اقول ردينا قال انتي الفاهمة قلت انا قد عيالهن وش ذا الغباء معليش انا مو فاهمة ولاصار يعلق ابدا ..طفشت وضغطت على اعصابي ومو هاين علي عمي فديته لانه مايدري عن اي شي ولاناويه اقوله لانه تعبان ....
عرفتوا ..ليش الحذر مطلوب ومن ومن تجيك الطعنه اللي عندي قطعوا اخوي عن امي واكبر غلط خذيت منهم ولكن نصيب ..وتجربة استفيدوا منها ..هذا انا منار ...بالله غلطت في شي يابنات هل تغييري غلط او صح ..بس انا مقتنعه فيه ...
19-01-1434 هـ, 11:50 مساءً
يقولك امشي في جنازة ولا تمشي بجوازة

بس اخوك الحق علية يسمع كلامهاا

لو غيره وقفهاا عندهاا قال تطرد امة ولا قال

طنشي وعيشي حياتك

وربي يسعدك
اللهم من أراد بي شر ,فاشغله في نفسه..
ومن أراد بي كيدا ,فرد كيده في نحره..

ومن أرادبي مكرا,فامكر به بقوتك ..
يارب في هذه الساعة أسألك الراحة ,,
..لكل من ضاقت عليه دنياه, وذرفت عيناه ,,
19-01-1434 هـ, 11:52 مساءً
اعوذ بالله من هالاشكال ..
يالله نصيب يا اختي وانتي درس واتعلمتي منه .. والحمدلله ان زوجك متفهم وابعدتوا عنهم وعن شرهن ..لكن كل اللي يزيد قهر بالموضوع اخوك ليش مايوقف زوجته عند حدها شلون يسمح لها امه تنطرد ا من البيت!!!!

سبحآن الله وبحمده سبحآن الله العظيم
19-01-1434 هـ, 11:55 مساءً
الله يفرج همكم والله وانا اختك ان الصديق صار عدو الا من رحم ربي

لكن ادعي في كل حين ان الله يكفيك شرهن وان يصلح اخوك

مقدرة وضعك لكن كان الله بالعون...
يااارب تيسر لي وترزقني ذريه صالحه باره معافاه العب معاها وادلعها ياااارب
20-01-1434 هـ, 12:00 صباحاً
حسبي الله ونعم الوكيل
أعووذ بآلله من آلشيطآن آلرجيم .. .. آسسستغفر آلله من كل ذنب آثيم

20-01-1434 هـ, 12:02 صباحاً
الله يكفينهم بما شاء والي جننهم زيادة ضربت فيهم عرض الحائط وحتى هو اذا وقف معهم طناااااااااش اللي خوفه بعد ولو يوم من الايام وقف معهم وفضلهم علي راح افضل راحتي ونفسي عليه هذا اللي عندي وزادني قوة وحتى هو مستغرب ....اخوي ماقول انا الااني ماراح اسامحة عمري كله وحسبي الله عليه وعليها والله تفاصيل تفجع وشكلها هي وامها قرو عليه ...وامي ضعيفه انكسر قلبها وبعد ماسأل عنها هي تموت الف مرة وتدعي عليها ..موطبيعي وضعه مع ذيك المخيسة
20-01-1434 هـ, 12:03 صباحاً
الله يفرج همك

الناس بطلت تعرف المعروف

احنا عملنا مع اقاربنا كل خير وساعدناهم وبعد ماصاروا اوادم تكبروا علينا وشوهوا سمعتنا واكلوا حقوقنا وصفينا

على الحديده لا مال ولازواج و لا سمعه

لكن ما اقول الا حسبي الله ونعم الوكيل

وخذيها قاعده بحياتك اغلب الطعنات تجيك من ناس سويتي فيهم معروف الا من رحم الله
حسبي الله ونعم الوكيل
20-01-1434 هـ, 12:05 صباحاً
ياعمري والله انقهرت عشانك..سبحان الله أغلب وجيه الفقر لاطلعن فوق تطلع حقارتهن>>ترى قلت الأغلب مو الكل..
وصدق من قال..الفقر على بعض الناس نعمممممه من الله
تصدقين عشان كذا انا ماحب اتدخل بزواجات اخواني
لوتدخلت وصار له مثل اخوك بيلوموني بيقولون انتي اللي اخترتيها وانتي وانتي ..وانا سبق ان انقرصت اخترت وحده لأخوي وانفصل عنها وقت الخطبه وللحين انا منحرجه من اخوي اني اخترتها بس الحمدلله انفصاله قبل الملكه
وبعدين بقولك 
لاتضايقين نفسك قولي حسبنا الله ونعم الوكيل عشان ربي ياخذ حقك من الظالمه
والله حصلت معي وحده من حريم اخواني ظلمتني وحاطه دوبها ودوبي اقسم بالله صليت ركعتين وبسجودي تحسبت عليها وفرق الله بينها وبين اخوي وهي من الطبقه الفقيره واخوي غني ومع ان شخصيته ضعيفه ولايهش ولاينش عندها لكن ربك سبحانه بليله وحده انقلعت لأهلها وذاقت المر وأرسل ورقتها وصارت تعتذر منا واحد واحد عرفت ان لله حق
20-01-1434 هـ, 12:05 صباحاً
لاحول ولاقوة الابالله
منجد شي يقهر الله يسعدك ويرزقك
يامن اودعت عاطفة الامومه في قلب كل امراة فلاتشقيني بشوقي لها ارزقني وكل محرومه بالذريه الصالحه
20-01-1434 هـ, 12:09 صباحاً
فمن عفا واصلح فااجره على الله قال تعالى : ( أم حسبتم أن تدخلوا الجنة ولما يعلم الله الذين جاهدوا منكم ويعلم الصابرين


الساعة الآن 09:26 .

جميع الحقوق محفوظة - عالم حواء - 2015