مدخل
لو يجوز اسجد توطيت وخضعت .. .. جنة الرحمن تحت اقدامها
لو كنوز الارض عندي مااقتنعت .. .. ودي افديه وازيد اكرامها
الله يخلي كل ام ويحفظها ويطول بعمرها
ويخلى لى يا احن مخلوووقه يا أم الوفا يا طيب من الجنه
يا بعد عمري يا امي تحملتي واصبرتي عشان
بس ترضينا وتعلمنا وتضحى لاجلنا
حبيباتي
كلنا تعلمنا من امهاتنا استفدنا من خبراتهم
عنى انا
تعلمت من امي شغلات كثيرة تفيدني بحياتي
وفى اغلب الامور اللى تخصني شخصيا
طبعا غير الولادة وتربية الاطفال والاطباق الحلو
بس الشئ اللى استفدت منة وحبيتة
هوايتها اللى كانت تمارسها واحنا صغار الا
وهى حبها للخياطة كانت تخيط لنا انا
واختى اروع الفستاتين بـ احلى الموديلات وكنا نشوفها
واااااااااااو شئ ما شاء الله
واكتسبت منها هذى الخبرة وصارت هوايتي المحببة عكس
اختى اللى ما تعرف تمسك الابرة والخيط <<< شدخل اختك بالموضوع :ohplease:
كانت من تقعد العصاري ع الماكينة اقابلها
واشوفها شلون تفصل وتخيط واساعدها باللى اقدر علية
و كان عندها نفس ها الماكينة القديمة سنجر
وهذى ماكينتي فديتها
اللى اكتسبتة من الخياطة حبى للاشغال اليدوية
والتفنن فية وطبعا خبرة امى ساعدتني كثير
وهذى اضافات بسيطة سويتها فى لبسي وكنت
اطرز واشك ع الشالات
وهذى الصورة ع السريع بعض اشغالي الفنية البسيطة
عبارة
عن غلاف البوم صور وتزين اقلام رصاص
لبنتي بس عشان تفتح نفسها ع الدارســــة :icon29:
ووردة من ورداتي الحلوة
واهنى
علبة محارم حجم كبير وصغير
وخدية بسيطة
طبعا اكيد تعتبرونها شغلات عادية وبسيطة بس
لها مكانة خاصة عندى لانة تعبي
وكانت الوالدة دائمة تشجعني حتى والله اذكر
دخلت دورة خياطة وقتها كان عندى واجب
تفصيل وطلعت كل شغلي وبديت فية
ما اشوفها الا وهى يمي وتاخذا القطعة مني وتنبهني
على الاخطاء اللى فيها لا وبعد فصلتها عني :icon30:
ولما كنت ابى اشتري شئ يلزمني بالخياطة تروح
معاي وتختار لى المناسب
بصراحة اعتبرها خبرة مهمة بالنسبة لى لانها فادتني
بغربتي
لى ولبيتي وهم بنفس الوقت
هواية اتسلى فيها
اى تذكرت صرت مدرية الحين خخخ
واسوى دورات ترا <<<كلش ما تسوى دعاية :biggrin:
وهذى الخبرة اللى استفدت منها اللى عمت علي
بالفائدة
ربى يحفظك لى يا امي ويطول عمرك على طاعتة
محرج
لو وصفت النور منها ماستطعت .. .. خلقة الله لبسته احرامها
لو كتبت ولو رسمت ولو جمعت .. .. مانطق حرفي بدون اقلامها
و الله يحفظ امهاتنا