بسم الله الرحمن الرحيم
السلام عليكم ورحمة الله وبركاته ..
عزيزاتي ..
غاليااااتي ..
أمهات الأطفال المخربين
كان يامكان في قديم الزمان >تعالو تفرجو على قصتي لاتنسون البيبسي والفشار:f226:
..عندي ولدي الصغير ..كانه قطو..>آي قطه
مايتسلط الأ على مكياجي ..أرواجي ..كريماتي ..يتدهن ويتمكيج أو يكسر ويرميها
الله يصلحه.. هوايته يلبس ويكتشف اغراضي فقط.!!
..أما اغراض ابوه مايجي عنده ابدا
..أخوه الكبير عاقل الله يحفظه وماكان متسلط علي ولا على اغراضي
في يوم من الأيام ..فقدت ابو الشباب قطو البيت !! ويافلان وينك !! حبيبي بعطيك حلاوووو !
ووابحث عنه وهو ساكت >شكله مستمتع بالمصيبه الي مسويها
دخلت مكتبة زوجي بما ان الصغير يحب يجلس فيها !!
والصدمه !!!!!!!!!!!!!!!!!
روجي الجديد مكسر على الارض!!!
وراسم على الموكيت ؟؟؟
ومتحمر منه
وفوق هذا حاطه بعيونه كانه كحل
!!تخيلوووووو الوضع !!!!
انا عارفه الروج هذا لونه فوشي وثابت مره مايروح .!
تخبلت انهبلت انجنيت انصدمت >كل الي يطري على بالكم
مدري امسح وجهه أو الموكيت والرسومات الي عاملها !!
او أتركه يكمل ويستمتع بما قم به من خراااب
..
زبدة الكلام بعد القصة المشوووقه :icon19:
استخدمت لـ أزالة البقعه بخاخ خاص بالملابس ينظف البقع منها ..
+
ملمع الزجاج
هنا الصوره نظفت البقع بالغرفة بقت هذي قلت اصورها للبنات يستفيدون
بخيت البقعه وفركتها بقطعه مبلله بالماء ..واستنيت دقائق وبعدها اضفت كم بخه من ملمع الزجاج..
الخطوه المهمه ..
اخذت القطعه المبلله بالماء وضغطت على الموكيت الطريقه هذي لـــ سحب منها الرطوبه والبلل..
هنا بعد ماضغطت شوفوا القطعه سحبت البلل والروج
الأهم من هذا كله ..كيف تنظفين القطعه بدون ماينتشر اللون على الموكيت النظيف !!!
الطريقه :
المسح معروف يكون طريقته فوق تحت يمين يسار
حركتي بسيطه جدا وتحافظ على نظافة المنطقه النظيفه
فركتها بـ أصابعي وأنا اعمل دوائر بدون ماأنشر اللون ..
الصوره موضحه :
وكررت بخ الملمع مع الاستمرار بالفرك دائرياً
النتيجه مذهله ..
وبما أن لسى باقي آثار من العاصفه والخراب ...
كررت العمليه والتنظيف..ثاني يوم ... وووطارت البقعه مع السلااامه ..
جربوها وتدعون لي..
هذا والحمدلله رب العالمين والصلاة والسلام على أشرف المرسلين ..
السلام عليكم ورحمة الله ..