تجربتي مع لوشن ينعم ويخفي التشققات ويفتح وريحته حلوه

صباحـــوو / مســـااو

ماراح أبالغ وأقولكم صرت أوروبيه وأوصف لكم شيء خيالي

بكتب لكم تجربتي من باب الأجر

ومن باب انفع أخواتي المسلمات لعل الله ييسر لي أمور أخرى أتمناها وانتظرها

لاني ممكن وحده تكون بكربه وضيق بسبب بشرتها ومسببه لها إحراج ومشاكل مع زوجها أو حتى لو كانت بنت ومتضايقه من نظرات الناس

طبعا أنا قلت هالمقدمه الطويله لاني آتمنى من كل قلبي أن كل وحده هنا بالمنتدى إذا انتفعت بشي تجي تكتب تجربتها وتفيد أخوات مسلمات كثير يعانون من هالحاجات

بلاش كل وحده ماتتكلم لأنها تخاف من العين
وبلاش كل وحده ماتبي تكتب تجربتها لأنها مو رأيقه ترد على استفسارات العضوات

‏?ليه مانكون روح وحده وبالنا طووويل ونتعاون على منفعة بعض

أنتي تخيلي تكوني في أزمه نفسيه بسبب مشكله في بشرتك أو شعرك أو وزنك ؤتجي وحده تقول لك على خلطه أو وصفه وجربتيها ولقيت نتيجه خياليه
أكيد راح تكوني مبسسسسوطه كثير وتنعكس على نفسيتك والمتزوجات راح ينبسط زوجها أكثر ويكون سبب بزيادة سعادتها

طيب تخيلي الأجر اللي أخذته هالعضوه بسبب تفريج كربتك وبسبب السعاده اللي أضافتها لحياتك

هذا غير كل عضوه جربت خلطتها وكل انسانه أنتي خبرتيها بالخلطه

أنتوا متخيلين الأجر الكبير الكثير اللي بتحصل عليه
ومتخيلين أنها طبقت حديث رسولنا صلى الله عليه وسلم ( حب لأخيك كما تحب لنفسك )
( من فرج كربه عن أخيه المسلم فرج الله عنه كربه من كرب الحياه )
واحاديث كثيره لايسعني ذكرها الآن ،، لكن انتم أكيد تعرفون قيمة الأجر

والحين بعد هالمقدمه الطويله العريضه
بكتب لكم تجربتي

االمكونات ؛
لوشن نيفيا للتفتيح حجم كبير
4 حبات كريم بين
6 كبسولات فيتامين e
فنجان قهوه ( زيت لوز مر )
فنجان قهوه ( زيت أطفال )
تحطينها كلها بالخلاط وتخلينها دقيقتين تنخلط بالخلاط ثم ترجعينها العلبه وتخلينها عادي بالغرفه ماتحتاج تحطينها بالثلاجه ولاتحطينها بالحمام
خليها بدرجة بروده الغرفه

الطريقه ؛
هذا لوشن بعد كل شاور تحطينه على جسمك وجسمك مبلل
طبعا هو على طول ينشف ويمتصه الجسم
ريحة اللوشن حلوووه مره

فوائده اللي لاحظتها علي ؛
ينعم ينعم ينعم البشره
من أول مره تلاحظين النعومه ومع الوقت تصير حرير حرير
والله وأنتم ماحلفتوني أن أختي لما زراتني تقول بشرتك قطن زي بشرة الطفل
التشققات اللي فيني كانت نتيجة زيادة وزني ونزوله طبعا راحت الحمدلله خلال شهرين تقريبا
بشرتي تفتحت بدرجتين تقريبا
اكتسبت بشرتي نظارة الحمدلله وصار فيها لمعه

طبعا أنا مرتاااحه عليه حححيل وناويه استمر عليه مدى الحياه

للأمانه هاللوشن أخذته من منتدى ثاني وطبقته وماتوقعت نتيجته مٌرضيه بقوه كذا


ودٌمتم سالمين