بسم الله الرحمن الرحيم .. وبه وحدةُ نستعين
حشى صارت خطبة جمعة مو موضوع
بصراحة وبلا مقدمات مادعاني لتنزيل هالموضوع هو
أني قرأت عدة مواضيع يشتكون فيها الأخوات من افرانهم
ووكيفية إزالة الدهون منها !
وانهم حاولوا بشتى الطرق والوسائل لكن بلا جدوى !
والغريب أن بعضهم يقولوا فرني لسى جديد او لسى فاكتة !!
بقول لكم شيء يالغاليات .. الفرن بالذات لو تغفلي عنة يوم واحد ماتنظفية
تعوضي الله فية !!
راح تتراكم علية الدهون ومع الحرارة يمسك فية
ولو تستخدمي اقوى المنظفات ماراح ينفع معه !!
بنزل لكم يابنات صور لفرني اللي عمرة قارب الـ 12 سنة عندي !
ما اكنكر أني اخذت واحد بعدة لكن للأسف ماعجبني وركنتة
ورجعت لصديق عمري فرني
بنزل لكم اول الصور وبعدين طريقة التنظيف !
صورة آخرى اقرب
عيون الفرن
المفاتيح دققوا :humm:
من جوى
واخيراً بوريكم اصحابي الثلاثة اللي يساعدوني في التنظيف ^_^
.
.
.
.
.
طريقتي في التنظيف سهلة جداً وماتحتاج لجهد فقط اول شيء
بعد القلي والزفر وحوسة الطبخ ارش على الفرن " بعد مايبرد " ارش علية جف الأصفر
وادعك بالليفة ثم ابل كافولة اطفال قطنية اللي تجي زي فانلات الرجال !
ابلها بموية وامسح كل الفرن
ثم ارش بعده منظف الزجاج الأزرق
والعيون والمفاتيح ارش عليها سبرية وادعكهم
وارجع امسحهم بالكافولة المبلولة موية .. وبس
وكل اسبوع او عشرة ايام اطلع الفرن من مكانة واعمل له شور ساخن بالفيري والموية الحارة والكلوركس
واجففة كويس وارجعة مكانة
والنتيجة شفتوها مع أن عمره 12 سنة
بس اهم شيء التنظيف اول باول .. يعني لاتغفلي عنة يوم واحد
وراح يبقى فرنك جديد ويلق نظافة