04-10-1433 هـ, 05:04 صباحاً
السلام عليكم ورحمة الله وبركاته

اول مرة اكتب موضوع فهالقسم واتمنى انه يفيد الكثيرات اللي يعانون نفس مشكلتي

اولا حابة اقول بعض النصايح..

هالطريقة ناسبتني وما ضرت شعري يمكن خشنته شوي بس مع العلاج بالزيوت بيرجع نفس قبل باذن الله
مو شرط انها تناسبكم ويمكن تضر شعركم فانا غير مسؤولة عن اي ضرر يصيدكم انا مجرد نقلت تجربتي واللي حابة تجرب اهيا تتحمل مسؤلية النتيجة
اللون اللي راح يطلع لكم يعتمد على حسب درجة لون سواد الشعر وراح يبين المكان المصبوغ بكثرة من المكان اللي ما صاده صبغ الاسود


طبيعة شعري..

جااااااااااااف خششششن من كثر الصبغات متقصف باهت وخفيييييف

قصة شعري ..

صارلي كذا سنة ماقدر اصبغ شعري باي لون ثاني غير الاسود والبني الغامج
حتى لما اروح الصالون واجرب اصبغ خصلة ما كانت تنصبغ بتاتا
قريت وايد عن سحب اللون وكل الردود كانت انه مدمرررررررررر للشعر
خفت الصراحة اني اروح الصالون واطلب سحب لون
شفت طريقة الاخت نيبال لسحب اللون اللي فيها اقراص فيتامين سي قلت خلني اجربها لاني حسيت مالها اضرار
فعلا جربتها حطيت 6 اقراص واربع ملاعق شامبو وتوكلت على الله وتغير لون شعري بنسبة 30 بالمية فقط استبشرت خير وقلت الحمدلله
ودعيت للاخت نيبال وجزاها الله خير ,,

وهذا رابط موضوعها
http://forum.hawaaworld.com/showthread.php?t=3649097

بعدها فكرت وفكرت لاني خلاص تعبت من الاسود
قلت باروح الصيدلية بشوفلي صبغة الاشقر عل وعسى يفتح لون شعري
وانا ادور لقيت علبة صبغ مكتوب عليها ازالة اللون
خفت اخذه ويطيح شعري بس توكلت على الله وقررت اخذه لان لاعت جبدي من اللون الاسووود
وللاسف خذيت علبة واحدة فقط المفروض اخذ علبتين لان شعري طوييييل
المهم قعدت اسمي بالرحمن واتوكل عليه وادعي ان شعري ما يطيح هالكلام بعد اسبوع من طريقة الاقراص
وصبغت شعري وللاسف خلصص الصبغ وانا للحين ما كملت باقي الشعر قلت مو مشكلة خلني انتظر النتيجة
خليته نص ساعة وزيادة خمس دقايق
وغسلته وكانت المفاجاة ان تغير لوووووووووووون شعري اخيرا بنسبة 80 بالمية
وصار اشقرررررر بمعنى الكلمة وبما اني لما كنت اصبغ شعري اسود ماكنت اصبغ اسفل الشعر اللي فوق الرقبة فصار اشقر بزيادة
واللي فالنص اشقر حللللللو ولان الصبغ خلص ما لحقت اصبغ جوانب الشعر ولا قذلتي فصار اشقر خفييييف حتى زوجي استانس من اللون


المهم انا غلطت غللللطة ..
بعد اسبوع من ازالة اللون صبغته صبغ اسمه كوفي او القهوة للاسف شال كل اللون الاشقر قلت مو مشكلة بعدها باسبوع خذت مرة ثانية علبتين ازالة اللون قلت لازم اغير لون شعري صبغته عدددددل

ترسته من الصبغ ولازم تخلون احد يحط لكم والشعر لازم لازم ينترس صبغ
ما ينفع تصبغونه بس مسحة لا يكون متروس صبغ عشان يمسك اللون فيه بصراحة كنت خايفة بس توكلت على الله
قلت لو اخترب شعري بقصه والحمدلله على كل حال
غسلت شعري وصار اللون رهيييييييييب صار اشقر على نحاسي وكانه مخصل اللهم لك الحمد
وما انكر ان بعض الاماكن صارت شوي حمرة لاني صبغته كوفي لو ما صبغته كوفي جان صار اشقر خالص
اللهم لك الحمد يارب صج فرررررررحت لان تغير اللون والحمدلله انا راضية باللون صحيح ان فوق الرقبة صار اشقر زيادة بس حلوووووو


التنبيهات...
ارجع اقول مو كل وحدة تناسبها الطريقة

اللي بتسوي ازالة اللون تحط فبالها ان يمكن تضر شعرها
درجة اللون يعتمد على درجة اللون الاسود
لااااااااااااااازم تاخذين عدد العلب اللي تحسين انها بتكفي شعرج
مااااااااا انصح تكرار العملية مثلي يعني انا ازلت اللون ونطرت اسبوع وعقب صبغته وعقب ازلت اللون
هالطريقة غللللللللللط اكتفو فقط بازلة اللون وكل غسلة للشعر راح يخف اللون ويصير احلى
ماعرف اذا يناسب للي محنيين شعرهم وما اتحمل المسؤولية
انا فقط حبيت افيدكم اللي بتجرب ياليت تقول تجربتها
واللي يخترب شعرها هي متحملة النتيجة


فالنهاية ..
الصبغ اسمه غارنييه لازالة اللون ومن فوق مكتوب اشقر اكستراااااا
معاه كيسين بودرة وترى ريحته قوية غير عن الصبغ العادي



ومابي منكم الا دعوة بظهر الغيب بالذرية الصالحة
ربي لا تذرني فردا وانت خير الوارثين
04-10-1433 هـ, 05:26 صباحاً
يالله ي حبيبي انك ماتقضى ماتغرب شمس هاليوم الا وانت رزقها بحمال بتوؤم تقر عينها بهم هي وزوجها ياكريم
اللهم امممممين
اللهم امممين
اللهم اممممممين

جزاك ربي الجنننه يالغاليه مشكووره حححيل
04-10-1433 هـ, 08:39 صباحاً
ليه يطلع اشقر ؟؟
انا دائم أصبغ بني غامق والألوان الفاتحة للأسف محرومه منها اتمنى تنفعني طريقتك
وجزاك الله خير ياحلوه
04-10-1433 هـ, 10:24 صباحاً
جزاك الله كل خير

وكمان للاخت نيبال الله يعطيها العافيه

مشكووووووورة
04-10-1433 هـ, 12:32 مساءً
سبحان الله
04-10-1433 هـ, 05:41 مساءً
مشكوره الله يجزاك خير وان شالله نلقاها


04-10-1433 هـ, 05:51 مساءً
كل عام وانتي بالف خير .والف شكر لكِ على ذكر تجربتك .

والله يوفقك يارب . وكل البنات .
فَصَبْرٌ جَمِيلٌ وَاللّهُ الْمُسْتَعَانُ
صلوا على النبي


04-10-1433 هـ, 06:09 مساءً
طيب اختي انا الصبغه السودا واصله نص شعري
لو بسوي طريقتك بينصبغ كل شعري؟
او النصف الاسود بيكون اغمق من النصف الثاني
والشيب كيف طلع لونه؟


والله يرزقك الذريه الصالحه عن قريب....
اللهم اجعل همي الاخره
وعوضني خيرا مما فقدت
04-10-1433 هـ, 06:29 مساءً
جزاك الله كل خير
04-10-1433 هـ, 10:53 مساءً
الله يجزاكي الجنة والله جبتيها في وقتها انا من سنتين ابي اصبغ شعري ما قدرت لاني كنت صابغة بني غامق

بس الليما فهمت يعني قبل ما استخدم ازالة اللون اسوي طريقة الاخت نيبال

يا رد تردين علي والله يرزقك الذرية الصالحة وبدعيلك بالحرم ان شاء الله
اللهم صلي وسلم على نبينا وحبيبنا محمد استغفر الله الذي لااله الا هوالحي القيوم واتوب اليه
ردد دايما:اللهم اشغلني بما خلقتني له ولا تشغلني بما خلقته لي


اخترنا لك هذا الموضوع:

اقرئي المزيد »

الساعة الآن 06:30 .

جميع الحقوق محفوظة - عالم حواء - 2015