الدم المتحجر في جرح الخياطه

الدم المتحجر في جرح الخياطه  


السلام عليكم ورحمة الله وبركاته


كيفكم بنات .. ان شا الله طيبين 

حابه اكتب لكم وش صار معي امس عند الدكتوره

طبعا أنا نفاس صار لي عشرين يوم 
احس الخياطه التأمت عندي الحمدلله والخيوط طاحت لكن اكتشفت قبل كم يوم ان فيه فتحه موجوده  يمين فتحة المهبل ع طول يعني بالجلد الرقيق ومع التنشيف يصير يحك ويلطم وكل يوم اقول هذا اخر شي شكله بيتلئم لكن الوضع ع حاله فاضطريت اروح دكتوره اكشف وفعلا رحت والدكتوره عاد هذي ماقصرت بالحركه اللي سوتهها فيني ... مجرد قعدت ع سرير الكشف ( نفس سرير الولاده بس صغير ) طبعا الاخت في الله فتحت الرجول بشكل خوفني  قلت هذي  شكلها فكت الجرح علي وحاست أموري كلها  وخشنه بالكشف مرره
وتضغط ع الجرح احس الم ويلطم بعد قالت ليش توك تجين هون فيه دم متحجر كلها ثواني واحس بابره ع الجرح  بدون اي سابق إنذار ولا قالت لي حتى>> عاد تذكرت الخياطه والولاده شوي وانزل اهج
يمكن خمس مرات تدخل الابره وتشفط الدم 
وحطت ماده حاااااره وشي حاد تضغط فيه الجرح ... ولما اسألها هذا ايش وأحاول اصك رجولي تعصب وتقول هذا بيلم الجرح فاكره الجرح ح يلتم هيك لازم يطلع الدم عشان يسكر الجرح 
المهم عطوني بعدها إبرة مضاد وإبرة مسكن

وبعدها قالت لي الدكتوره انتي خياطتك ملتئمه من داخل لكن هذا الجرح مو راضي يسكر من برا لان تحته دم ماقدر يلتم ع بعضه من الدم المتحجر فصار مفتوح والا هو من جوا ملتئم وفيه التهاب بعد 
وصرفت لي مرهم وفيتامين 


السؤال  للي مرو بنفس التجربه هل الكشف هذا  والإبر والدفاشه اللي شفتها توسع الخياطه وتضر ؟

افيدوني بتجاربكم