التربية
وزرع القيم
والسلوكيات
والتشجيع
والتطوير
التعزيز
الصبر
مسؤليااااااات كبيره تبدأ الأم مع طفلهآ من صغره !
لكن أين ثقافتنا ؟ صبرنا ؟ حكمتنا ؟
مر علي مقطع باليوتيوب
اطفال اجانب امهم خرجت من البيت ولما رجعت حصلت الدقيييق بكل مكااااااااااان
تخيلو الشكل بس الصالة والمطبخ والكنبات ..
اول مادخلت البيت ما كلمتهم ولاشيء وتصور الوضع وطول الوقت تقول ( ياللهي )
والأطفال يقولو ( ايش صاير يا ماما ) ولا خايفين ولا شيء ويضحكو وتعالي العبي معانا يا ماما
ويجو جنبها
بالله لو واحد من اطفالنا !
نثر شيء ع الأرض اول ما يطالع بالأم < من الخوف
واحيانا توصل مع الأطفال يهربو يتخبو من الخوف
هذا وكله ولسى الام بس اعطته نظرة لسا ماضربت !!
بالله ملاحظين الفرق !!
كيف بيكبر كل من هالأطفال !
الأول مايخاف من أهله
والثاني لا كبر وصارت له مصيبه اول شخص يخبي عنهم اهله
لانهم موطن العصبية والضرب !
واول ناس يقولهم الأصحاب !!!
صصصصح كلامي وإلا لااااااا ...
انا قلبي يتقطع ع الأطفال اللي يخافو من اهلهم ..
الأهل هم الأمان بالدنيا !
اقولها بالصريح .. { إذا مو قد التربية لا تخلفو } ..
التربية صعبه ولا انكر ,
لكن متى اشوف أم تهتم بقراءة الكتب تعامل الأطفال !
فهم نفسياتهم ؟
متى اشوف أم تقابل صراخ ولدهآ بالحضن ؟
متى يكون حضن الأم الملجأ من كل هم !
متى يكوووون الأب المرشد الأول لعياله !
مو المعاقب الأول !
من عصبيتنا وضربنا للأطفال
صارو يخبو عننا كل شيء غلط يسونه او يصير بحياتهم
وكبرو ع هالشيء
حتى اختفت الشفافية بين الأهل !
وصار الأب له دور الضابط الشرطي
والأم الطباخة والخدامة
<< مع احترامي لهالمسميات لكن هذا الواقع !
دور الأم والأب الحقيييقي وييييييينه !!!!!
انشغلنا بالتوافه عن الشيء الأساسي
الصحبة اخذو دور الأب ... وهيهات لو كانت صحبة سيئة !
والشغالة دور الأم .. ويا حر قلبي لو كانت قاسية عليهم هي كمان ..
وربي قلبي يتقطع ع الأطفال ...
ما اكذب عليكم أول ما جبت ولدي كنت عصبية
لكن بعدين جلست اقرأ واثقف نفسي وشفت التغيير بعيني
صار ماينام إلا بحضني
طول الوقت معي
ويلعب بعد ماكان اول مايشوف الباب يجري عليه
انا كنت اكلمه من كان عمرة بالشهور
واللحين سنه ونص بسم الله عليه
يجي يجلس قدامي ويخربط مدري وش يقول لكن اسمعه واضحك واحسسه اني فاهمه
واذا انشغلت وناظرت شيء ثاني
يدير راسي عليه ( يعني اسمعي )
بسم الله عليه
تحسبوهم ما يفهمو !!
كانو يضحكو علي الناس لما اكلمه وهو شهر وشهرين
لكن ماهموني ..
فيه كلمة سمعتها مرآ وغيرت تفكيييير مرآ للأطفال ...
{ انظري لطفك كـ طفل }
فاهمين شلون يعني !
طفل
اذا رمي العابه تراه طفل
< يعني بالله يقصد يحوس ويتعبك ! وإلا بس يبي يشوف وش يصير !! وحب استطلاع
بإمكانك تجيبي سله الألعاب وتأخذي لعبة وتحطيها بالسله
وقووولي وااااااااو .. وارمي الثانية وكمااان واااااو ..
راح يحس انه شيء مسلي ويجلس يجمع الألعاب ..
بعض الأمهات اذا رمي طفلها شيء تضربه !!
سؤال بالله !؟
إنتي تضربي عشان تأدبيه ؟
وإلا تفرغي غضبك فيه ؟
جاوبوو من قلبكم ...
{ انظري لطفك كوحيد انت فقط من يعرفه ماله احد بالدنيا غيرك }
هو هالحين صغير ومتعلق فيك وطول الوقت وراك
وانتي تعصبي عليه عشان قربه
لكن لا كبر سبحان الله انقلبت الآية
تجري انتي وراه وهو يكرهك لتسلطك
< ليه الدنيا ع كيفك متى ماروقتي بغيتيه !
طارت الطيور بأرزاقها واخذو مكانك اصحابة ..
ربي اعطانا هالنعمة
ومسؤلين عنها
وراح نتحاسب عنهم
ومحد بينكر هالشيء
وترا التربية من الصغر !
لا تيجي وحده تقولي مايفهموو الأطفال
لاكبرو نرشدهم ونوجههم !
لا حبيبتي مرآح يتقبلوها منك
لانهم اصلا بداخلهم إنك ما تحبيهم ..
وبس راعية اوامر ونواهي .. ولا تقدريهم ..
لا تستغربو
هذا اللي حاصل
ياما نلاقي شباب يشكو ابوهم للناس عقدنا طفشنا
لانهم اصلا مو عارفين قيمتهم عند والدهم ..
مو قريبين بالمشاعر من بعض !
اعتذر اذا كان الكلام مو مرتب
لكن بعد الموقف اللي شفته امس
تقطع قلبي ع الأطفال وقسوة الأمهات
{ البنت 6 سنين وتبكي من بطنها بعد الفطور والأم عصبت عليها
ياولك لو ترجعي( تستفرغي ) ع المفرشة جديده والبنت تبكي وتقول ماما بطني }
يالله
مدري شقول بس ..!
وهذا رابط يشرح نفسيات الأطفال وكيف نواجهه تغييرات شخصياتهم
اسمعيه بقلبك
واللي عندها اطفال وصار معاهم هالشيء
تعلق وتفيدنا
واللي كانت رائعه مع اطفالها تقولنا ثمرة صبرها
وتربيتها
تحيتي وإحترامي
