قصة الداعية عمرو خالد مع دعوة منذ كان عمره 20 سنة وكيف استجاب الله له
يقول : من زمان دعيت دعوة وانا في مسجد النبي , كان لسه عندي 20 سنة وكنت شاب صغير ولا اتخيل في يوم من الايام اني اكون زي ما انا واقف دلوقت بكلمكو وبكلم قدام ميكرفون , مكنتش متخيل هذا التاريخ ,وفي يوم من الايام في لحظة قرب من ربنا دعيت دعوة انا حتى مكنتش فاهم انا دعيتها ازاي ,لاني مكنتش حافظ كلام عربي منمق ,لقيت نفسي بدعي وبقول اللهم احيي بيا سنة النبي وبلغ صوتي للأفاق , حتى انا بعد ما دعيتها قلت ايه الي انا قلتو ذا ؟ ايه الكلام الكبير ذا ؟ انا ازاي قلت الكلمتين دول؟ يا ربي وصل صوتي للافاق ,يبدو ان الدعاء بعد ما دعيته من كتر ما انا عجبني قعدت اردده وادعيه والح عليه طول ما انا كنت موجود في المدينة المنورة ,سبحان الله اتحقق الدعاء . انا بحكي الحكاية دي عشان حاجة تانية خالص , من حوالي شهرين كنت في جدة فدخلت مكتبة عشان انقي كتب فلقيت كتاب حلو اوي اسمه كمياء الصلاة قلت ايه ذا اسمه جديد مكتوب عليه اسم المؤلف عمري ما اعرفوش قبل كذا
اسمه احمد خيري العمري . جبت الكتاب وقريت منه لقيت كلام حلو اوي , حضرت منه جيت في الدرس في المسجد قلت منه , الدرس بيتسجل ع النت بينزل ع الهوا على عمرو خالد دوت نت .اتاري ان الرجل مؤلف الكتاب كان قاعد بيتفرج لقيته بيتصل بيا بيقلي انا احمد خيري العمري , قالي انا سمعتك النهارده بتحكي عن الكتاب بتاعي في اللقاء بتاعك قلت له اهلا وسهلا قالي انا كنت دعيت دعوة من عشر سنين قلت له ايه الدعوة ؟ قالي دعيت يا ربي اجعل قلمي يصل لحنجرة هذا الرجل الذي دعا ان ربنا يوصل صوته الى الافاق ونسيت الدعوة لكن رب العالمين ما نسهاش , ففوجأت وانا قاعد مع مراتي بنتفرج على النت لقيناك بتقول اسمي واسم الكتاب بتاعي ,انا كنت نسيت فافتكرت اني كنت دعيت من عشر سنين ياربي خلي قلمي يوصل لحنجرة الرجل ذا ,
ازاي ربنا بيستجيب دعاء سعات واحنا مش واخدين بالنا
و ازاي ان الله لا يضيع دعوة
القصة موجودة على اليوتوب
تحت عنوان
بسمة أمل - كل دعاوتك مستجابه بإذن الله بس إدعي
يلزم عليك تسجيل الدخول أولًا لكتابة تعليق.
منى 85
•
بارك الله فيك
الصفحة الأخيرة