22-08-1433 هـ, 12:34 صباحاً
بسم الله الرحمن الرحيم
السلام عليكم ورحمة الله وبركاته
حوائات الغاليات
اخواتي
بقول لكم برنامجي اليومي لتنظيف بيتي وابي اراءكم بتعزيز الصواب وتعديل الخطا

نبدأ بسم الله
طبعا بعد ما اصلي أنام حتى الساعة 9 << طبعا زوجي مجاز وهو الاخر ما ينام هو والعيال الا بعد صلاة الفجر يعني لاتقولون ما تصحى لزوجها وتفطره >>
وبعدها اصحى واصلي الضحى ثم ابدأ بالعمل اليومي وهو

ادخل المطبخ ومثل ما قلت لكم العيال ما ينامون الا بعد صلاة الفجر فا الاقي المطبخ بعدهم كان جايه فيضان وقالبه فوق تحت
عندي طشت كبير شوي اعبيه مويه واجمع كل المواعين فيه وطبعا احط معها كلوركس وفيري واخليها واسكر المطبخ
اتجهه للصاله والمجالس واخذ معي كيس واامشي واشيل الاشياء اللي على الارض منومناديل ورق وحوسه وللزباله على طول واجيب المكنسة الخاصة للكنبات والجلسات وابدأ انفضها وامسحها عن الغبار وارتبها ثم اجيب المكنسة واكنس وامسح الارضيه بالمطهر
وبعدين انتقل للحمامات اعزكم الله وابدأ اغسلها وانظفها واعطرها بالمطهر الخاص يها
الان جاء دور الغسيل وبما انه عندي اطفال فلابد من الغسيل اليومي اجمع الملابس وافرزهم ثم ابدا بالغسيل وبما ان غسالتي اوتواتكية احط الملابس وانسها وادور لي شغل ثاني
الان جاء دور المطبخ ادخل وابدا احضر اغراض الغداء واخليه على جنب ثم ابدا انظف حوسة الليل وارتب المطبخ وارجع كل شي مكانه
في ها الوقت بيكون اذن الظهر
ابدا في تجهيز الغداء لان حبايب قلبي راح يصحون علشان الصلاة ولازم يكون الغداء جاهز
تغدوا وخلصوا اشيل اللي عقبهم واكمل تنظيف المطبخ
الان اروح اطلع الملابس من الغسالة واحط النوع الثاني
طبعا عيالي متعودين كل واحد يصحى من النوم يرتب فراشه ويشيل ملابسه الوسخة يحطها في السله يعني فوق ما انظف الاالحمامات
الان ارتاح واتمدد في غرفتي الى وقت صلاة العصر اصلي وانزل واجهز ترمس الشاي والقهوة واجلس مع عائلتي الكريمة ونتقهوى مع بعض ونخطط نشوف وين نطلع اليوم وين نروح
يعني شغل بيتي بس في وقت الصبح الى الساعة 3 العصر وانتهي الى بكرة الصبح
ها وش رايكم فيه
22-08-1433 هـ, 02:20 صباحاً
م شاءالله رووووعه
22-08-1433 هـ, 02:21 صباحاً
بمشي ع جدوووولك رهيييب
22-08-1433 هـ, 02:29 صباحاً
والله روعه ماشاء الله تبارك الله
الله يحفظك
انا تقريبا مثلك مع اختلاف بسيط..وراح اتبع نظامك ان شاء الله
"اللهم لك الحمد كما ينبغي لجلال وجهك وعظيم سلطانك"

((سبحان الله عدد خلقه ورضا نفسه وزنة عرشه ومداد كلماته))
22-08-1433 هـ, 02:41 صباحاً
ما شاء الله مره روعه وبكذا يكون البيت طول الوقت نظيف الله يحميك من العين
22-08-1433 هـ, 03:23 صباحاً
ماشالله الله يعطيك الصحه والعافيه
لا تتخيل الناس ملائكة فتنهار أحلامك ولا تجعل ثقتك بالناس عمياء

لأنك ستبكي ذات يوم على سذاجتك...
22-08-1433 هـ, 04:01 صباحاً
ماشااء الله تبارك الله جدولك مره حلو اتمنى ااطبقه
خصوصا ان عياليً كلهم نايمين الصبح
بس المشكله فيني مقدر اقوم الصبح الساعه ٩لاني انوم بعد صلاة الفجر
اقوم الساعه ١٠ وصلح لزوجي فطووووووووووور
وبعدها ارجع اتمدد في سريريًمره ثانيه احس بخمووول وكسل بع الظهر ابدا في الغدا وبعدين شغل البيت
3shnaqup6tz1
22-08-1433 هـ, 06:10 صباحاً
ماشاءالله روعه تنظيمك
22-08-1433 هـ, 07:32 صباحاً
ماشاء الله تبارك الرحمن جدولك مره مرتب

ووقت الضحى تخلصين اشغال والوقت توه مامشى بعكس الظهر والعصر او حتى الليل

بس استغرب دام عيالك مرتبين يرتبون سرايرهم وكذا ليه يحوسون المطبخ الاحسن لك تخلي الطشت هذا بالمجلى وكل واحد يخلص يحط المواعين فيه والي بالزباله بالزباله تكرمون وكذا يكون بس عليك تصبين المويه وتنقعينهم


الله يخليكم لبعض خيتي
دعواتكم لي بان ربي يفتح لي ابواب رزقه من كل جانب

احبكم خواتي بالدنيا
22-08-1433 هـ, 01:17 مساءً
ربي يسعدكم مثل ما اسعدتوني بردودكم اللي زادت الحماس فيني لشغل البيت اكثر


اخترنا لك هذا الموضوع:

اقرئي المزيد »

الساعة الآن 03:18 .

جميع الحقوق محفوظة - عالم حواء - 2015