02-08-1433 هـ, 07:19 صباحاً
السلام عليكم ورحمة الله وبركاته


أخواتي الحبيبات

كيف حالكم

أبغا مساعدتكم


أنا متزوجه لي 7 سنوات

وحياتي مستقرة ولله الحمد

ولكن عندي مشكله أعاني منها من أول أيام زواجي ودحين زوجي خلاص فاض بيه

المشكله هي إني كثيييييرة الصمت مع زوجي ومع الناس أسلوبي في الكلام كلمه ورد غطاها

ماعندي كلام أقوله أتفشل مع الناس كثير

لو كنا في السياره ومشوار طويل نكون الطريق كله ساكتين

لو رحنا عالبحر مثلا نشوف الأزواج كلهم يتكلموا مع بعض إلا نحن

نتفرج في بعض

تخيلو نروح مطعم نقعد نتفرج في بعض وناكل بس


يقول نفسي نصير زي هدولا الناس

دحين هو كره التمشيات والمطاعم والخرجات يقول ملل مافي وناسه معاكي

هو من النوع لو اتكلمت معاه حيتكلم

أنا بأموت من القهر
بس المشكله في أنا

ايش أسوي في نفسي
أحس إننا بعيدين عن بعض
مابيننا ألفه
كلامنا كله رسمي

ساعدوني الله يسعدكم

ايش أتكلم معاه
كيف أتكلم معاه في تمشيه مثلا أو في لحظات رومانسيه


تكفى ساعدوني لاتسيبوني
الله لايحرمني منكم حوائياتي
02-08-1433 هـ, 07:23 صباحاً
احمدي ربك
02-08-1433 هـ, 07:42 صباحاً
هههههههههههههههههههههههههههههه ههه
سبحان الله انا عكس انا اللي ابربر وهو اللي ساكت واقول ليش ماتسولف
ف اكتشفت اني ما اعطيه فرصه يتكلم
يمكن هو مايعطيكي فرصه تتكلمين
اي سالفه تطري ف بالك قولها
ولو عن روج مكسور او وش حطت لكم جارتك يوم سيرتي عليها
امدحي المطعم او سبيه
ايييييييييييييي شي يطري ف بالك اييييييييييي شي قوليه
بس مهوب تقولين آه راسي يعورني آه بطني ثم يقول سكتت سكتت وقامت تتشكوا
عادي ياقلبي كثير ناس زيك لا تشيلين هم
سبحان الله وبحمده سبحان الله العظيم
02-08-1433 هـ, 08:34 صباحاً
نفس المشكله ابي حل
02-08-1433 هـ, 08:50 صباحاً
ياقلبي سولفي بأي شي بس مايكوون فيه غيبه بأحد من الناس
عادي اي سووالف تجي ببالك او مواقف تضحك او قصص
هي شوويه ومع الوقت تتعوودين ويصير كلامك كثيرررر وماعاد تسكتين هههههههه
ربي يسعدك
02-08-1433 هـ, 10:54 صباحاً
الله يفرج همك
02-08-1433 هـ, 10:59 صباحاً
اللي اعرفه ان الحريم هم اللي يهذروووون والرجال هم اللي ساكتين

بس انتي عودي نفسك وتكلمي باي شي
اللهم اغفــرلهـم وارحمهم وأدخلهـم جنـــات النعــيم
اللهـــم آمــين
02-08-1433 هـ, 11:06 صباحاً
حتى انا ساكته ماتكلم اجلس مع خطيبي لين يطفى الرصيد وانا ساكته وهو ساكت ماحب اتكلم كثير
يَ ربّ: آسألگ آلنِسسيَآن لتصرفات آشخَخآصّ آ وِجعوآ قَلببِبيْ بِ قَدر احترامي لهمْ !

02-08-1433 هـ, 11:12 صباحاً
لازم تعودين نفسك تتكلمين معاه بأي شئ مافيه حرمه شرعيه
وبالذات لو طلعتوا شووووفي ايش اللي تشوفيه وتناقشوا فيه !!
مع انها ميزه جميله جدااااااااااا بس ماينفع تطبقيها مع الزوج . اقصد قلة الكلام
02-08-1433 هـ, 12:24 مساءً
حبيباتي اللي ردوا علي وحبوا يساعدوني ألف شكر لكم


لكن

معليش ايش المواضيع اللي دايما الأزواج يتكلموا فيها في اللحظات الرومانسيه



مو حبني وأحبك
خلاص درينا إنه هو يحبني وأنا أحبه

أبغا كلام ينعش علاقتنا
يقوي علاقتنا ببعض
كيف أمزح معاه مزح خاص

تعبت أحس دمي ثقيل


اخترنا لك هذا الموضوع:

اقرئي المزيد »

الساعة الآن 01:23 .

جميع الحقوق محفوظة - عالم حواء - 2015