الي سافرت خارج البلد عن طريق الجو تدخل تساعدنا

فيه بعد الخطوط العربية وطيران الاتحاد ياريت اللي جربوها يفيدونا

الامارتية حلوه بس عيبها انها توقف بكذا بلد

الخليجيه مدري ليش تجربتي معاها دايم مو تمام جيت مره من لندن الى ابو ظبي وكانت الطياره ضيقه ومتعبه واحسها مو نظيفه مع اني درجه اولى

المره الثانيه راجعه للرياض وحاجزه اولى ركبت بطياره كبيره كلنا بنفس الدرجه مع سواقين على شغلات على ازعاج وكانت وحده وراي مع رجال ازعجوني تبوس ومحاضنه كل ما اقوم القاهم مدري شلون انحاش

بس البريطانيه والمانيه رائعه وانصح اي وحده تروح بالبريطانيه ولو مره تسويلها بطاقه عندهم ويصيرلها رحلات مجانن يكفي كراسيهم تنفرد وتصير سرير وتتسدحين فيها لين تشبعين

بس ملاحظه كل الطيارات حررررر موت اذا نمت

والسعوديه احسن شي فيها ان مهما طلبتي الاكل ما يزعلون انا انام واقوم وانا اكل

السلام عليكم خواتي
انا بقولكم عن تجربتي بس اكيد من تجربة لتجربة تفرق

انا جربت الخليجية و الامارتية و السعودية
الخليجية مواعيدها اغلب الاوقات متأخرة اذا كانت بتطير من الخليج لكن من اوروبا عى الوقت معظم الاحيان و الاكل زين و طاقم الضيافة حبوب بس تلاقي اوقات ناس اعصابها مشدودة
الامارتية جربتها مرة و عجبتني من ناحية الخدمة حبوبين و الاكل حلو و متنوع حتى على الدرجة السياحية
السعودية بعد جربتها مرة (بحرين-جدة_جدة-رياض- البحرين) و كانت معاملتهم جدا محترمة و اكلهم لذيذ بس تأخرنا كثير من الرياض
بالنسبة عن شكثر توقف الطيارة فهذا يعتمد على اي طيران و من اي بلد
مثلا اذا اهل السعودية راح ياخذوا طيران الخليج لازم يوقفوا في احد البلدان اللي الطيارة تابعة لها يعني البحرين عمان او الامارات و اللي ياخذ الامارتية من السعودية لازم يوقف في
الامارات. ان شاء الله اكون واضحة
اعرف ناس مجربين العربيةاو الاتحاد و الله مب متأكدة بس اظن العربية و يقولوا انها مثل الشركات الكبيرة بس اسعارها جدا رخيصة بس لازم توقف في الامارات لأنها امارتية.
بالنسبة للحداثة طيران الخليج لاحظت بعض الطيارات جديدة و بعضها قديم و يعتمد على الرحلة من وين الى وين
السعودية و الامارتية كانوا اجدد بس انا اخذتهم في رحلة وحدة يعني ما اقدر اعمم
ان شاء الله اكون غطيتكم فكرة لة بسيطة عن تجربتي :27:

عندي تجارب مع شركات اجنبية بس الصراحة افضل الشركات العربية و اذا الواحد بيسافر في حدود الوطن العربي ما عنده غير الشركات العربية