حبيت اشارك بمسابقة كيفية إعداد القهوة العربية
ويارب طريقتي تعجبكم
قهوتي ما تختلف عن اي بيت في كيفية اعدادها وكيفية تقديمها
وااغلب العوائل يقدموها بترامس
اما الدله اكثر من يستخدمها بالحفلات والاعراس
او اذا كان فيه عندك عزيمه كبيره وتستخدم للرجال اكثر شي
طريقتي من 30سنه كذا اسويها وتعلمتها من الوالده الله يطول بعمرها
سبحان الله للقهوه متذوقين وانا احدى المتذوقات لها احب استطعم القهووه واكثر شي يعجبني اللون
احب اللون البني الفاتح موو مره وشوي على صفار الزعفران
تشووفون قهوتي وان شاء الله تجربوونها وتدعون لي
وترى موو كل من سوى قهوة صار قهوجي ولا كل قهوة قهوة
في البداية
كيف نختار القهوة وما أفضل أنواعها؟
أفضل مافي السوق:
هرري باشنفر حبشي برية
وهذي هي قهوتي
كلما صغر حجم حبة القهوة كلما زادت جودتها ونكهتها.
لابد أن تكون حبيبات القهوة كاملة غير مكسورة.
تحميص القهوة:
يفضل دائما عدم تحميص كميات كبيرة من القهوة.اذا بتجيبي كيس مثلا خذي منه ربع كيلوو كل مره
ونظفيه من بعض الحصى والحبوب السودا
واذا بتشترين قهوه جاهزه خذيها حب وانتي اطحنيه
واذا بتاخذي مطحون حطيها بالفريزر وكل ما تبين تسوي قهوه طلعيها
بتسألوني ليه نحطها بالفريزر
اقول لكم
لان القهوة عبارة عن زيوت طيارة وهي اصل النكهة
والقهوة المطحونة عرضة اكثر لتطاير زيوتها بالتالي تفقد نكهتها اسرع
انا احمصها على الفرن
واذا عندك المحمصه الكهربائيه ممكن تسوي فيها تريحك
يفضل تحميص القهوة حتى تكتسب اللون البني الغامق
فيه ناس تحبها غامقه ممكن تحمصيها زياده
اذا بديت بالحمص احط عليها شوي من الشيبه يعطيها نكهه
اجلس احرك واحرك وتكون النار واطيه الين يصير لونها بني اطفي النار
تاخذ معي حوالي نص ساعه
بعد ما تبرد ارش عليها كم حبه مستكه وابدا بالطحن
اطحن الي احتاجه لكم يووم
الحين ابي اسوي قهوه
تابعوني
اجيب البكرج او الي نحط فيه القهوه تطبخ
عندي ثلاثه كبير للمناسبات والصغير الي استخدمه يومي
والبراد الصيني اسوي فيه برمضان واحلاهم البراد الصيني القهوه فيه لها طعم مدري احساسي
ان قهوة رمضان لها طعم غير
احط بالبراد اليومي حوالي 4كاسات ماءاو على حسب الترمس اللي عندك واخلي الماء الين يغلي
اذا غلت المويه احط فنجال قهوه مع اربع حبات قرنفل
وخليها تغلي حوالي 10 دقائق بعدين اوطي النار وخليها 20 دقيقه
الحين لها نص ساعه تطبخ احط ملعقتين هيل
وهذا هيلي من اجود انواع الهيل
وخليها تفور فورتين واطفي النار اخليها تركد
تابعوني