موضوع حليو ومفيد.. السنعات يدخلون

[[الشــوق عطري]]

سلام عليكم

بنوتات بدون مقدمات وكلام كثير

ابي هذا الموضوع يكون للفايده يعني كل وحده منكم تكتب وش اهم شي عندها من ناحيه شكلها ولبسها وستايلها والاشياء اللي تقتنيها

وش الشي اللي يهمها ويلفت نظرها بالمراه بحيث تقول عنها سنعه ومهتمه وذوق

يعني لمى تروحي لعزيمه او زواج وتكوني مستعده وكذا يعني تعرفون مكايد حريم ههههههه

مو بحسد لا المهم مدري كيف اوصل لكم بس ابي اعرف كل شي من يوم تروحون السوق وتشترون وتقررون

وش تلبسون لين تصرفات والمبادئ والحركات اللي تعتمدينها بحيث يقولون هذي وحده ذوق وشيك

ومحترمه يعني خبركم ابي اصير ذربه <<<

[عصقوله بس حلوه]

انا اهم شيء اسويه واحسه يلفت الحريم الكبار والمتزوجات هو الرزه
ارز جسمي واشفط الكرش ههههه
واعرف اقهوي
واسوي نفسي مستحييييه >> والله عاد اني استحي بقوه بس انا ازيد شوي
والله الله بالنعومه والدلع عاد ماهو دلع ماصخ لا دلع معقول
اللبس احرص يكون طويل وحلو خصوصا عند الناس اللي مايعجبها القصير والبناطيل << عاد يعني ان لبسي قصير وبناطيل ههههه اشوا اني ماعرف امشي بالقصير استحي قسسم ههههه
ومثل ماقلت الرزه والثقل ولااسولف مع الحريم وان سولفت كلام عاقل وبثقل ولا اقول اي شيء
الثقل الثقل الثقل والرزه والله لهم تآثير عاللي حولك حتى امي تستانس مني وتاخذني عند حريم كبار بالمناسبات هذي بنتي الكبيره وانا عاد تشوفني اتمسس واشد نفسي يعنني هههههه

[[الشــوق عطري]]

هههههههههههههههههه الله يسعدك قسم اعجبني اسلوبك وانتي مثلي البنت الكبيره >>>عاد من كثرنا ثنتين


بس احب هالعلوم والتمسس والترزز

[عصقوله بس حلوه]

اي والله حلوه
ابقولك سالفة مع هالتمسس والترزز
زوجة خالي حرمه كبيره وشخصيتها قوية ولاتحب البنات المايعات واللي نص نص
وقبل فتره تجمعنا عند خالتي وانا احب هالحرمه واهابها واحترمها حيييل
جيت واخذت دلة قهوة وجلست جنبها قلت انا بقهوي ام فلان واللي حولي وانتي يابنت خالتي خليك بالجهه الثانيه
وطول مانا جالسه راززززه نفسي لين احس ظهري جاه شد عضلي ههههههه
وبعدها باسبوع تكلمني بنت خالتي تقول لو تشوفين ام فلان ماخلت ولابقت كلمة مدح عنك وانا عاد كبر راسي هههههه وماهو بس هي لا حتى حريم خوالي وخالتي


>> بنت خالتي اخذه ولدها عشان كذا عرفت بالمدح المهم انها شهرت فيني تمدح وانا محد قدي هالحرمه وتمدحني شيء ماني هين والله ههههههه

[عصقوله بس حلوه]

موضوعك عجييييب وشكلي بستنر فيه بس وين البنات السنعات يفيدونا بعد الحين موسم عروس نبي علوم زينه

[روافد لا تلتقي]

من المواضيع شيقه للقراءه,,,,,,,,,تطفل

مدري انااتزوجت وارتحت من شدة الظهر,,,,,,,,,,,,خخخخخخخخخخخخخ خخخخخخخخخخخخخخخخخخخخخخخخخ

[[ طُـهـر ]]

هههههههههههههههه عجبني اسلوبكم دخلت ابغااستفيد منكم

ربي يسعدكم

[[الشــوق عطري]]

ههههههههه ياعمري والله ياعصقوله عاد انا ماروح فيها الا يوم اسوي لي فستان ضيق ثم ابلش فيه واقعد متشدده من

كل مكان وبطني مفعوص خخخخ

[عزك زمانك]

اذا تبغين تلفتين الانظار اول شي الرزه
ثاني شي الابتسامه والله انها سحر موضحك بصوت او يطلع الفك كله مجرد ابتسامة انثى رقيقه<<متعوب عليها
ولاتنسين التواضع لان الناس تنفر من المتكبر واللي يطالع الناس باستحقار
وبعدها يجي استايلك من اختيار الوان وموديلات تلبق لك مو مع الخيل ياشقراء
اتمنى اكون افدتك

[مياسن البدر]

يهمني الاخلاق ثم الاخلاق ثم الاخلاق